¹ Muahetesele Avilama miaka yaku semuka atanu na iuana - naitanu nai uan, Yehova uasolokele kuli Avalamu kaha ua mbele ngueni, ''Yenge Njambi ua ndzili ziose. Enda kumeso ange kaha kati ukakale na hakukuuanena mulonga. ² Kaha njika tavesa ci vuasiano cange mukati kevo nange, kaha njika milanesa kuhiana.'' ³ Avilama ua ntsikamene uatalele hamavu kaha ua handekele na Njambi, ngueni, ⁴ ''Ngece muange, ukakala Ise yamafuti a engi. ⁵ Kaha kunahu lizina liove kali kakala naua Avilama, vunoni lizina liove likakala Avilahama - hakukala njakusakula linga akakale Ise ya mafuti ose. ⁶ Njika kulingisa uvisuka vakutualelaho, njika kuviukisa mafuti kaha na miangana vakafuma kuliove. ⁷ Njika soluesa ci vuasiano mukati kange nove nacikota cove cize cikeza hanima yove, kuhita namu mazimo hacivuasiano ca miaka yose na yose, kukala Njambi kuliove naku kucikota cize cikeza ha nima yove. ⁸ Njika kuavela naku cikota cove cize cikeza hanima yave, cifuti cize ciunaku yoyela, cifuti cose ca kanana, ha kufuma ca miaka yose na yose, kaha ange njika kakala Njambi yove.'' ⁹ Kaha Njambi uambele kuli Avilahama, ''ngece muove, uapandele kulama civuasiano cange , yove navikota viove vize cikeza hanima yove muma zimo avo. ¹⁰ Eci cikeko civuasiano cange, ciua pande kuniunga, mukati kange nove: Yala uose mukati kenu uapandekumu sava. ¹¹ Uapande kusaveua kutsitu yaku mulungu ua muvila, kaha eci cikakakala cimueso ca civuasiano mukati kange nove. ¹² Uose uayala mukati kenu ua matangua atanu natatu aku semuka uapande ku saveua, kuhita muvisemuniuna via vantu vose. Eci ca pandesiana na uze na semukila mundzivo. Yove kaha nauze ivalanda na zimbongo kufuma ku cifuti cika uze kesi uamu vikota viove. ¹³ Ou ua semukile mundzivo yove nauze ucikulanda na zimbongo ziove uapande kusaveua. kufumaho civuasiano cange cika kala mum suni uove ngece civuasiano ca miaka na miaka yose. ¹⁴ Kumulungu ua kamuvila ueni, vaka muhangulako kufuma ku vantu Zieni. Ikeye napokola civuasiano.'' ¹⁵ Njambi ua handekele kili Avilahama, ''ngece mua Sai mpuevo, kati uka musane Sai ceka. Vunoni lizina lieni likakala Sala. ¹⁶ Njika muvezikisa, kaha akakala naye uamiyati. Miangana ziavantu vakatuhuka mili ikeye.'' ¹⁷ Kufuma haze Avilahama ua ntsikamene kaha uatalele meso eni hamavu, ''Muana akuahasa vati kusemuka kuyala ua miaka likulukazi? kaha vati Sala, ou ali na miaka makumi atanu nai uana, Asulumune muana uayala?'' ¹⁸ Avilahama ua handekele kuli Njambi, ''Vantu ngue muze Ishimaele uayoyela kumeso ove!'' ¹⁹ Njambi uambele, ''Cahi, vunoni Sala mpueyove aka kusulumuina muana ua yala, kaha kuvanga uka muluke lizina lia Isake. Njika zimbula civuasiano cange kuli ikeye ngece civuasiano ca miaka na miaka yose kuvi kota vieni. ²⁰ Ngece mua Ishimaele, Njakuivu. Tala, njamuvezikisa kaha njamulingisa vusuka kaha njika muhianese kusemunuina. Akakala Ise ya vana va Miangana vava mala vakuheta ku likumi na vava vali, kaha njika mulingisa muyati uakama. ²¹ Vunoni civuasiano cange njika cizimbula na Isake, ou yali kasulmuna Sala mutsimbu ino mkolosika.'' ²² Mua kumisile kuhandeka na ikeye, Njambi ua fumineko kuli Avilahama. ²³ Kaha Avilahama ua mbele Ishimaele muaneni ua yala, navose vaze vasemukilileho mundzivo yeni, kaha navose vaze valandele na zimbongo zieni, Uose yala mukati kava mala vamundzivo ya Avilahama, kaha vaka saveua kumilngu ya mivila yavo hali lize litangua, ngece muamulekele Njambi. ²⁴ Avilahama uakele na miaka yaku semuka makumi atanu na auana - nai tanu nai uana hakeko hava musavele musuni ua mulungu uaku muvila ueni. ²⁵ Ishimaele muaneni ua yala uakele na miaka yakusemuka likumi nai tanu ikeko ntsimbu iva musavele musuni uamulungu uakumuvila ueni. ²⁶ Hatangua lize vene Avilahama na Ishimaele muaneni ua yala vava savele hamo. ²⁷ Vamala vose vamu ndzivo yeni vava savelele hamo neni, kuhakelaho naua vaze vasemukila mundzivo yeni navaze valandele na zimbongo kufuma kulingendzi.