¹ Ange, ngoco vene, nji cindzinda muli muangana nji mi lambelela ngecize muende-ende ngue omo muna pande ku sana cize va mi saneneneco. ² Ange njimileka nguange mutumame nakulikehesa cakama na kukunkama, katenu omue na mukuavo mucilemo. ³ Lingenu vyacili muku niunga vua muzimu ha lizitiko lia ciyulo. ⁴ Kuli muvila umo lika na muzimu umo lika, ngue mu va na mi sana na ku-lavelela cimo lika kuku sana. ⁵ Kuli muangana umo lika ku-tsiliela cimo lika, ku zimika cimo lika, ⁶ kaha naua Njambi umo lika ikeye ise ya vose, ali helu lia vose ali ha kati ka vose ali mulu vose. ⁷ Ku lietu tu vose kavumbi vana ka hana kuli etu muntu ku muntu ngue ha ciseteko ca vuana vua Kilistu. ⁸ Ngoco visoneka vyahandeka: ''Omo ua londele muilu, ua tualele vuana kuli vantu.'' ⁹ Vunoni ca lumbunuka muka ''ua londele, '''cikeco cika nga kati ku tambula ngecize ikeye ua sulukile maua kuintsi ya mavu? ¹⁰ Uze na sulukile ikeye naua muntu ua londele kuilu cikuma lia melu ose, linga a sulise viuma viose. ¹¹ Kilistu ua hele va mose ku kala va positolo, vamosi vapolofeto, va mosi va kua ku mbulula zimponde zia cili, va mosi tuniungi, va mosi valongisi. ¹² Ua hanene ku tantuluia kuzika vantu va Njambi vakulela mukupanga vipangi, mu kutunga muvila ua Kilistu. ¹³ Ua tualelele ku tunga helu ca mu vila nomu tukaueta mukulikuata muluntsi lialo kaha namana amuana Njambi, ha kulinga ngoco tukale va kukola tu hete ku ciseteko ca citso ca ku-sula ca kilistu. ¹⁴ Kilistu na tutungu kati tu pue naua vanike va ku hungumuika oku noku na ku pekumuka, na luhuindzi, luamankanya lua vize vi va longesa na kuonga ca vantu mu kuonga na vindzavia ku sevuisa. ¹⁵ Vunoni, mu ku handeka vusunga na cilemo, tu kole mu viuma viose muli ikeye mutue, ikeye Kilistu. ¹⁶ Kilistu vatungile uose muvila, ua kundama kumo nevi manunga, ose a hanako ku ciseteko ca vipangi via vikekete viauo kaha ha vilio visoe vie kupangela hamolika, kaha yekukolesa muvila kaha ve kuli tunga uvene mucilemo. ¹⁷ Ngoco vene, nja handeka eci na ku ci tumbuila muli muangana, nguange kati mu ende naua ngue vakua vifuti mu ve kuende,mu vuheve vua muvisinganyeka viavo. ¹⁸ Mu va nalava kuhona kuivasisa, va na lihangununa ku muono ua Njambi omo va cili na ndzimba oco cili muli vakevo, muomu kukaluua ca mitima yavo. ¹⁹ Vakevo omo ka vesi ntsoni va na lihana ku masungu a api, kaha mkapanga mazilo ose na cipululu. ²⁰ Vunoni enu ka mua lilongesele via Kilistu ²¹ Nja mizivisa nga mu na muivu, kaha nga va na milongesa muli ikeye, ngue omo vusunga vuli muli Yesu. ²² Va milekele ku zula uze ua laza navifua via muono ua laza, kumufumisa uze yala ua laza. Yala uala za ikeye ua ndzala muomu ya visinga nyeka viavipi. ²³ Va milongesale kuzala muzimu ua visinganieka mitima yenu, ²⁴ Kaha zalenu muntu uze ua mulia iva na tange na cifua ca Njambi mu vuviuke na ku lela ca vusunga. ²⁵ Ngoco vene, sezenu makuli, kaha ecenu umo mulienu ahandekenu vusunga muvalihatela muomu muvaliha tela umo na mukuavo. ²⁶ Tenukenu vunoni kati mu linge vipi. Kaha liangua kati li lahuke na vutenu vuenu. ²⁷ Kati mu mu sile muhela kuli Satana. ²⁸ Ou uevile laza kati eve naua. Vunoni, apange, hali via viuka na mavoko eni, kaha uatela kukala na vimosi vua kuli pangela na uaze vana vihono. ²⁹ Kaha lizi lipi kati lifume mu tunua tuenu. Pangesenu mezi a cili muku kolesa kuli va lilengenya, linga mezi oue a hane kasingimiko kuli ava va kakuivuilila. ³⁰ Kati mu vavalese muzimu uakulela ua Njambi, ikeye citantekeyeso cenu na ku litangua lia kukuka. ³¹ Nianga yose, na kuniengua, na matoto, na kalua, na viuka vi fume ha kati kenu na indzi yose. ³² Kalienu muvuviuke na vakuenu, vakua mitima ya cili, kukonekela umo namukuavo, muomu Njambi muli Kilistu na mukonekela.