¹ Kavangeyenu Njambi muomu atulema etu, muomu tuvana veni. ² Kaha endienu mu kulema, ngue muatulema Kilistu etu nakulineha ivene halietu, haciti ca lindankano nakukala ngue cimuna uakuvatula havupi vietu, kukala lizimba liacili kuli Njambi. ³ Vunoni vupangala namazilo viose cipue cipululu, kati vakavivulukile mulienu cahi, ngue omu mvatela vakakuzila. ⁴ Cipue naua viuma viakuvuisa ntsoni, cipue mezi akuivuakana cipue vusese, evi kaviatela, vunoni santsilenu kaha. ⁵ Muomu muantantekeya muacili nguenu, cipue mukavupangala, cipue mukamazilo cipue muka cipululu, ikeye muka kusangasiala mankombelo - kakuesi ali navusuana vueni vuvuangana vua Kilistu uaha. ⁶ Kati vakamionge na mezi amakuli, muomu uevi viuma viuvutenu vua Njambi vunakuiza hali vana vakuhona kuononoka. ⁷ Sikaho, kati mulufutule navakeko. ⁸ Muomu halaza kuakele milima, vunoni ino tsimbu munapu ceke ⁹ (muomu muli Muata endenu ngue vana vaceke), ¹⁰ kaha makelenu nakuuana vika viacili kuli Muata. ¹¹ Kati mulikate nava vavali namuhako kuvipangi via milima, cipue vunoni vahandekele. ¹² Muomu viuma nkana vezi vekupanga kupenge cipue kuvivuluka cinapu ntsoni. ¹³ Vunoni viuama viose omu muvakuvi handekela, mutana unavisolola, muomu viose viakusolola vinapu ceke. ¹⁴ Sikaho nguavo, Imuka uakosa tulo, Hinduka kuvatsi, kaha Kilistu akukumunikila. ¹⁵ Sikaho talenu muacili omu mumuekuenda - katu ukande ngue vaze vakuhoma mangana cahi vunoni endienu ngue vaka mangana. ¹⁶ Liovolenu tsimbu ino muomu matangua a vandemone. ¹⁷ Sikaho, kati uhulame, vunoni muaya mutima ua Muata mumilumbunukile. ¹⁸ Kati mupendepende viviu, mukeko muli kuhumuka kuvupi. Vunoni, sulenu na muzimu uakulela, ¹⁹ Lihandekesienu na zisamu na miaso yakuvukisa Njambi na miaso yamuzimu, imbenu miaso yakumuimbila Muata namitina yenu. ²⁰ Satselenu muviuma viose, mumolika na Muata uetu Yesu Kilistu kuli Njambi Tata, ²¹ Lionononenu navakuenu muvuoma vua Kilistu. ²² Enu vampuevo ononokenu kuli vamala zienu, ngue kuononka kuli Muata. ²³ Muomu yala ikeye mutue uampuevo ngue muali Kilistu mutue ua temeble, ivene mukaku kanguisa muvila, ²⁴ Vunoni tembele lionononenu kuli Kilistu, kaha naua vampuevo kuli yala muviuma viose. ²⁵ Vamala, lemenu vampuezienu, ngue Kilistu mualemane tembele yeni nomu mualiecele ivene hakeko. ²⁶ Mangana ngueni akalizilike hakulivukisa nakulitanesa mema hamavu. ²⁷ Mangana ngueni tembele akimese kumeso eni ivene liavu mpahu cakuhona kapenga cipue munknia cipue cuma ceka cangoco olondzo likakale liazila liakuhona hakuliuanena mulonga. ²⁸ Mukeko vene muatela kuli vamala kuvalema vampueziavo ngue omu mulema mivila yavo vanene. Ou akulema mpueyeni alilema ivene. ²⁹ Muomu kakuesi muntu amba umu akuzinda muvila ueni ivene, vinoni ekuulisa nakuutanesa ngue omu muekulinga na tembele ³⁰ Muomu etu tunapu viuma viakumuvila ueni. ³¹ ''Muomu yala akaseza ise nanaye akalipanda na mpueyeni kaha ava vavali vakala muvila umo kaha. ³² Aua mana avusunga akuseka akama - vunoni Ange njahandeka hali Kilistu na tembele. Ambatuhu ngoco, enu muvavose muateka kulema vampuezienu ngue mumualilema enu vavene, ³³ kaha enu vampuevo naua muatela kulemesa vamala zienu.