¹ Hacihande nkana eci Ange, Paulu njanapu mukamenga ka Kilistu Yesu kutisla enu Jentili - ² Njenevu laza mpamo vipangi nkana via ngozi yaNjambi eyi avanjihiele halienu, ³ Nomu muanjilekele mangana nkana akusueka, hakunjisolueselao ngue omu munjasonekele laza namezi andende. ⁴ Ngue muatange evi, muatela kuntantekeya Ange muacili kuntantekeya vusunga vua Kilistu. ⁵ Muci semunuino cikuavo uahandekele vana vantu. Vunoni vuavuno vauasoluesa kuli vapositolo mumuzimu uakuzila na tupolofeto. ⁶ Muomu nguavo vaka mafuti eka anapu vakuetu muvasuanena, kaha valipangela kusika ca Kilistu Yesu kuhitila mumuzimbu uacili. ⁷ Muomu Ange ngamba ya ou muzimbu havuana vua ngozi ya Njambi vuvanjihiele ange kuhitila kukupanga ca ndzili zieni. ⁸ Kuliange - ambatuhu Ange njuamu ndende kuambakana kuli vakakuzala vantu zia Njambi - eyi ngozi vanihieleyo, kutangesa kuli vakakuzila vose, vanjihia cikeketima nkana, mangana vupite vua Kilistu avu vahona kuntantekeya njivaleke vaka - mafuti eka. ⁹ kaha nakuneha ceke cavose muvisinganieka - naviuma vize Njambi viasueka, ikeye uapangele viuma viose. ¹⁰ Eci kusinganieka vacipangelele kuntantekeya kuhitila ku tembele mangana vakakuyula na navaka ndzili muhela camumelu mangana neze nakuntantekeya nguavo vakale nacipepa cacisemua ca mana a Njambi. ¹¹ Eci casolokele kueseka nakusinganieka cize cambatele muli Kilistu Yesu Muata uetu. ¹² Muomu muli Kilistu mukeko vane tuli nakumika cetu nakundama cakuha muoma hakutsiliela cetu kuli ikeye. ¹³ Sikaho njamivundila nguange, kati mukazeyele hakuyanda cange cinjili nakumona halienu cahi, ekeko anapu vumpahu vuenu. ¹⁴ Sikaho njikumutsikamesa Tata hamavuli ange, ¹⁵ Kuli ikeye vene kukeko kuvatambula vantanga vose mazina nevi viamuilu veni viahamavu. ¹⁶ Nguange mangana amihie kuzikiza nandzili muli muzimu ueni mumuntu uamuntulo, ngue kuesekesa na vupite vueni vuavu mpahu vueni. ¹⁷ Ange njavundila nguange Kilistu ayoyele mumitima yenu kuhitaila mulutsilielo kaha naua mangana hakukala muazikiza laza mizi yenu mucilemo ceni. ¹⁸ mangana mukale na ndzili linga muntantekeye kuviuka navakakuzila vakuenu, vose hamolika muvulahe namu vuihi, nahelu namuku kunama, ¹⁹ kaha nakuntantekeya cilemo ca Kilistu, cize cekuhambakana mana, mangana musule nakusula ca Njambi ²⁰ Njambi nahase kupanga viuma viakama kuhambakana vitueku vundila kutupangela, cipue vize vitueku singnieka nguetu tupanga nandzili yetu, muomu ya ndzili yeni yinakupanga mukati ketu. ²¹ kuli ikeye vumpahu mu tembele na muli Kilistu Yesu kuvisemunuino viose haya miaka yose Amen.