¹ Mosesa ua tambakanene ku Isaleli yose nakuamba ngueni, '' Halakanenu,Isaleli, vitume na masiko njinaku mileka mumatuitui anu lelo, linga mu longesevio nakuviniunga, ² Yehova Njambi yetu ua pangele vitavaziano netu kuHeleve. ³ Yehova kapangele evi vitavasiano nava ntsenkulu zietu, vunonini netu, tuva vose tuli hamo tavavatoni lelo. ⁴ Yehova ua hadenekele nenu cihanga kucihanga ha muncinda hakati katuhia. ⁵ (hantsimbu ize njimuene ha katikenu na Yehova, njatuhuile lizi lieni kulienu; muomu muavuile vuoma vua tuhia, muahonouele kulinda ha muncinda). Yehova ua handekele ngueni, ⁶ 'Yange Yehova Njambi yenu, ua mitumine kukuma mu cfuti ca Ingito, mu ndzuva ya vundungo. ⁷ Kamu kakala na njamnbi ueka kupulakana ange. ⁸ Kati muka lilingile cuma ca kusonga amba kualumuna cuma cikalifua naca muilu helu amba ca hamavu muitsi, amba ca muintsi ya mema. ⁹ kati mukavi tsikamene na kuvi pangela, muomu Ange Yehova Njambi yenu, nji Njambi ua cipululu. Njeku yandesa kueseka na vupi vuava ntsekulu kuvuneha kuvana vavo, ku mazimo amu citatu kuli vaze kava njilemene, ¹⁰ naku tuhula cizango kumankulukazi, kuli vaze vanji leme nakuniunga masiko ange. ¹¹ Kati muka honouese lizina lia Yehova Njambi, yenu, muomu Yehova kali ka sambuesa uze atumbula lizina lieni ngoco. ¹² Niungenu litangua lia Sapalo na kuli lelesa, ngece omu Yehova Njambi yenu a misikile. ¹³ Matanguaatatu na limo mu kapanga naku panga vipangi vienu viose, ¹⁴ Vunoni litangua lia mucitanu na avali likeko litangua lia Sapalo kuli Yehova Njambi yenu. Aha hakeko kauka panga cipangi amba cimo - cipue cove, amba muanove ua yala, amba muanove ua mpuevo, amba ngamba yove ua yala, amba ngamba yove ua mpuevo, amba ngimbe yove, amba cimulu uove, amba nkala kasitu kove, amba nkala ngendzi ali muhiehi na zimbelo ziove. Ngecize linga va ngamba ziove ua yala naua mpuevo vaka huime hamolika nove liavene. ¹⁵ Uka vuluke naku singanieka nguove nove uakele undungo mu cifuti ca Ingito, kaha Yehova Njambi yove ua kufumisilemo muze nalivoko lieni lia zindzila na livoko lieni lia kuoloka. Sikaho Yehova Njambi yove naku sika kuniunga litangua lia Sapalo. ¹⁶ Singanieka iso na nako, ngece muana misika Yehova Njambi yenu, ngueni muka linge, linga muka tumame ntsimbu yakama muze mu cifuti cana mihie Yehova Njambi yenu, linga cika kale muacili nenu, ¹⁷ Kati uaka tsihe. ¹⁸ Kati uka linge vupangala. ¹⁹ Kati ukeve. ²⁰ Kati uaka vangelele mukuenu. ²¹ Kati uka liveye mpue yamukuenu, kati ukaliveye ndzivo ya mukuenu, lihia lieni, amba ngamba yeni ua yala, amba ngamba yeni uampuevo, ngombe yeni, amba cimulu ceni, amba kualumukila cuma cize ca mukuenu. ²² Aa mezi Yehova ua handekele na lizi lia kukanguoka ku cikunguluilo ha muncinda mukati katuhia, vaha liselua, naha miziviliko; ka hakeleleko mezi a kuavo. Aa sonekele hamavu avali naku njihia ange. ²³ Cakele ngecize, omu muva vuile lizi kufuma ha kati kamuziviliko, ha ntsimbu muncinda uaku mema, uezile muhuehi nange - vakuluntu zieni vose nava ntuamena zia miyati yavo vose. ²⁴ Ua mbele ngueavo, Tala, Yehova NJambi ywtu na tulekesa vumpahu vueni na vukama vueni, tunevu lizi lieni kutuhuka hakati katuhia,lelo tua mono mueku handeka Njambi na vantu, vana hase kuyoya. ²⁵ Vunoni tukutsa vati? muomu ava tuhia vakama vana hase kutulia; ngue katukuivua lizi lia Yehova Njambi yetu, tukutsa. ²⁶ Muomu vaze vakele netu ku musuni vaze vavuileko lizi lia Njambi yetu ua kuyaya mukati katuhia vayoyele, ngece omu mutuapangele? ²⁷ Ngece kulienu, muapande kuya nakuivuilila kuviose vize Yehova Njambi yetu viana handeka; hiluisilenumo kulietu viose vize Yehova Njambi yetu viana handeka kulietu; kaha tukavivua na kuvihia kavumbi. ²⁸ Yehova ua vuile mezi enu omu mumuaku handeka nange. Ua handekela nange ngueni, 'Njinevuko ava vantu, viva na handeka kuliove via handekele via cili. ²⁹ A ,nga vakele na mutima ua ngecize, nguavo uakunjivuila vuoma naku niunga masiko ange ose, cikakala cacili muli vakeko na vana vavo miaka yose! Hamoye uka valeke nguove, ³⁰ ''Hiluka kuzimbalaka ziove,'' ³¹ Ngece muose, ua mana nange homo, Njina kukuleka masiko ange ose, vitume, na lisiko lize liukava longesa, linga vaka viniunge mu cifuti cize cinjina kuvahia naku cifika. ³² Muka kavi niunga, sikaho, viose vize Yehova Njambi yenu viana misindiya, kati muka vialimune kukala ku cilio amba ku cimosue. ³³ Mukendele muzi njila zize Yehova NJambi yenu na misindiya, linga mukale na muono linga mukakale muacili, linga mukakale na matangua aengi mu cifuti cize cimukafuka.