¹ Vunoni, Isaleli, iviulilanu lusimbi na vilika vize Ange cinjili nakutonda kumitangesa enu muvilika vikeko; mangana nakuya mulifutu Yehova Njambi ya Isuenu, akumiya enu. ² Kamukahakeleko mezi anjiamisindiyile enu, cipue kuuakehesa akeko, mangana malame lusimbi lua Yehova Njambi yenu aze nge anjili nakumisindiya enu. ³ Meso enu amono vialingile Yehova Njambi ya Mbale - Peole: vose vamala vaze vakavangeyele Mbale - Peole Yehova Njambi yenu navanieka vakeko kufuma hakati kenu. ⁴ Vunoni enu vaze muahatele kuli Yehova Njambi yenu muvavose kkumuli, na lelo. ⁵ Talenu, Ange njamitangesa enu zisimbi na vilika, ngue Yehova Njambi yange muanjilekele ange, ngueni njatela kulinga muzevene mukati ka lifuti eli limukakovela nakuheta. ⁶ Sikoho alamene nakulingamo; muomu aua akeko mangana kaha kuziva cenu naua kumeso avantu vaze vakuivia viose evi nakuhandeka, mukeko eci cifuti cakama cazangama na kuivuilila vantu. ⁷ Ngue omu muakala mafuti akuavo akama akala nava njambi kuhiehi navakeko, ngue Yehova Njambi yange ali hose hatukumusanena ikeye? ⁸ Ini mafuti akuavo akama akala na zisimbi na vilika via viololoke ngue munjila zisimbi ezi zize Ange zinjikutumama nazio kumeso enu lelo? ⁹ Liungumikenu nakulilama enuvavene, mangana muhone kusuva viuma viuma vize vimuamono na meso enu, mangana vahone kuseza mitima yenu mukuyoya camatangua enu ose, vunoni, valekenuko vana venu nava zukulu nava zukulu. ¹⁰ Halitangua lize liukamana kumeso a Yehova Njambi yenu mu Holeve, Tsimbu Yehova uahandekele kuliange, 'Njikukunguluile vantu, kaha Ange njikuvalingisakuivua vioma ange mumatangua aze avakuyoyela hamavu, kaha akeko ava katangesa vana vavo? ¹¹ Uezile kuhiehi nakumana kuvipunga via mulundu. mulundu uauemene na tuhia hamutima ua muilu, na milima, vivunga, na milima cikuma. ¹² Yehova uahandekele kulienu kufuma mukati katuhia; ove uavuile lizi - na mezi aco, vunoni kaua muene vimo; ove uavuile lizi kaha. ¹³ Uahandekele kulienu muciviasiono ceni cize casikile enu kuliange, zisimbi likumi, uazisonekele zikeko havihande via mavue vivali. ¹⁴ Yehova uanjisindeyile ange hali ize tsimbu kumitangasa enu vilika na zisimbi, mangana mukavilinge mulifuti lize limuka zavuka nakuheta, ¹⁵ Kaha lilamenu muacili enu vavene - kumuemuene mumo muafua halitangua lize Yehova muahandekele kulienu ku Heleve kufuma mukati katuhia- ¹⁶ Ngueni kati mukalinge muamupi enu vavene nakapanga cipimo cakusonga muakufua camuntu ua mpuevo cipue mucifuanesa ca muntu uuayala, ¹⁷ Mucifuanesa ca nkala kasitu uahamavu, mucifuanesa ca nkala kazila uze akupululuka muilu, ¹⁸ Mucifuanesa ca cuma cekukalava hamavu, cipue mucifuanesa ca nkala itsi uze ali mumema muitsi ya mavu. ¹⁹ Kamu kakandula meso enu kuilu na kutala hali tangua, ngonde, cipue tuntangantanga - viose via kuata lilu - kaha lifumisenuho kukuzumbangeya naku kuvilema vikeko - vize viuma vize Yehova Njambi yenu avihia kuvipangela vantu vose muitsi ya lilu. ²⁰ Vunoni Yehova namituala kaha namineha kufuma kucipato cavandumba, kufuma mu Ingi, nakukala na ikeye vantu ven e vavusunga, ngue mumli lelo. ²² Yehova uasulakanene nange muomu yenu; uasonekele ngueni Ange kanjatela kuzavuka Yotau, kaha Ange kanjatela kuya mulifuti liacili, lifuti lize Yehova Njambi yenu lianamihie ngue vusuana. ²¹ Cakuhona, Ange njatela kutsa mulino lifuti; Ange njatelelele kuzavuka Yotau; vunoni enu mukuya nakuzavuka kaha nakuhita muze mulituti. ²³ Lilamenu enuvavene, mangana enu muhone kusuva civuasiono ca Yehova Njambi yenu, cize ca pangele nenu, kaha nakupanga enuvavene cipimo cakusonga mucifuanesa ca cuma cize Yehova Njambi yenu viakunehesa enu kulinga. ²⁴ Muomu Yehova Njambi yenu ikeye tuhia vakunongesa, Njambi ualifuua. ²⁵ Tsimbu enu yimukusema vana nava zukulu, kaha imuakele mulifuti hatsimbu yakama, kaha ngue mukalinga via vundemone kumeso a Yehova Njambi yenu, kumusangumuna ikeye kuvutenu - ²⁶ Ange njasanene lilu na mavu vakele vakeleho hallienu lelo mguange viavuno mutsa kufuma muze mulifuti lize enu limukuya nakuzavuka Yandau nakuheta. matangua enu ka akasimbula muze, vunoni vakamienieka cikupu. ²⁷ Yehova akamisanda mukati kavantu, kaha akasezemo vavandende mukati ka cifuti. muze Yehova akamituamenena nakuya. ²⁸ Muze enu mukazala va nnjambi veka, vipangi viamavoko avantu, viti kaha namavue, vize viakumona kuivua, kulia, na kunika. ²⁹ Vunoni kufuma muze mukutonda Yehova Njambi yenu, kaha mukamuuana ikeye, tsimbu imukamutonda ikeye namitima yenu yose na miono yenu yose. ³⁰ Tsimbu imukakala muvukalu kaha tsimbu evi viuma viose vikeza halienu, muli aze matangua akunima mukalahuka kuli Yehova Njambi yenu nakuivuilila lizi lienu. ³¹ Muomu Yehova Njambi yenu Njambi uangozi; kali kamihono uesa enu cipue kumienieka enu cipue kusuva civiasiona cava isuenu cize calisingile kuli vakeko. ³² Hulisa vunoni matanga aze akunima, aua akele te tsimbu yenu kanda, kufuma halitangua lize Njambi lia pangele muntu hamavu, Hulisa kufuma hatsongo yalilu sui nakuheta kutsongo yikuavo, mgue kuakela cuma cimo civapangele ngue eci, cpue kuakele cuma cakulifua ngue eci vekucivia lika? ³³ Vunoni vantu vaviaho laza lizi lia Njambi kuhandeka mukati kati katuhia, ngue omu mumunevu, kaha nakuyoya? ³⁴ Ni Njambi esekele kuya nakutuala cifuti ivene kufuma mukati kati kacifuti cikuavo, namdzita, na zindzili zia livoko, nahalivoko liakuoloka, naha viuma via kuviusa vioma, ngue viuma viose vize Yehova Njambi yenu vialingilile enu mu Ingito kumeso enu? ³⁵ Kulienu evi viuma vavi soluele, mangana muzive nguenu Yehova Njambi ikeye Njambi, kaha naua kakuesi mukuavo naua ngue ikeye. ³⁶ Kufuma muilu uapangele enu kuivia lizi lieni, mangana amileke enu; muavuile lizi lieni kufuma mukati kati katuhia. ³⁷ Muomu ualemene va isuenu, uasakuile cikota cavo kufuma kuli vakevo, kaha amifumisile enu mu Ingito nakuli soluesa ivene, nazindzili zieni; ³⁸ Nakumifumisa enu kumeso scifuti cakama na zimdzili zia kuhambakana enu, nakumineha enu mukati, nakumihia lifuti ngue vusuana, ngue lelo. ³⁹ Kaha lelo, njasaleka eci hamitima yenu, mangana Yehova ikeye Njambi uamuilu helu kaha hamavu muitsi; kakuesi mukuovo naua. ⁴⁰ Enu mukalama vilika vieni kaha na zisimbi zieni zize zi njamilekele enu lelo, mangana muye nazio muacili kaha navana kufuma enu, kaha hakulinga omu enu matangua enu akusimbula mucifuti cize Yehova Njambi yenu namihie kunahu.'' ⁴¹ Kaha Mosesa asakuile zimbaka zitatu kumutamba uamu ntuntuko ku Yondau, ⁴² mangana uze uose akatsihia muntu akatinineko, cakuhona kukala citozi ceni mumatangua akunima hakutinina kumbaka yahali zimbaka, hamosi aku yoya. ⁴³ Akele akeko. Mbezele zindinda, kucana ca lifuti, hali va Luvene; Lamote mu Ngileande, liaku Ngileande; naku Ngande; mu Ngolane mu Mbasane, liaku Manase. ⁴⁴ Olu lukeko lusimbi luze Mosesa luasitsisile kumeso avana vava Isaleli; ⁴⁵ Evi viviasiono viavi lika, via lusimbi, kaha navilika vikuavo viahandekele kuli vana vava Isaleli hatsimbu ivafumine mu Ingito. ⁴⁶ Hatsimbu ivakele kumu ntuntuko ua Yondau mucimbongo catala na Mbete - Peale, mucifuti ca sihone, muangana ua Amoleu, ou ayoyelelele ku Hesevone, oku Mosesa navana va Isaleli vatuhukile kufuma mu Ingito. ⁴⁷ Vambatele cifuti ceni ngue kufuka, kaha nacifuti ca Onge muangana ua Mbanase - ava, miangana vavali vaku Amoleu, ava vahambakanene Yandau kutalesa kumuntuntuko. ⁴⁸ Eci kuyula nkana ca ile kuli Aloele, kutsongo yaci mbongo ya Aleole, kumuncinda ua Siono (cipue ngue kumuncinda ua Helemone), ⁴⁹ Kaha kuhakelako viose visinganieka viaku ndonga Yondau cimbongo, kutalesa kumuntuntuko kuhambakana Yondau, kucisali ca Alava, kumusikumuko ua muncinda ua Pisinga.