¹ Kaha tualumukile na kukanduka njila yaku Bashane. Og, muangana ua Bashane, uezile nakutuuana etu, ikeye navatu ziene vose, nakulua ku Edrei. ² Yehova uahandekele kuliange ngueni, ''Kati mumuivue vuoma; muomu Ange njamihie ndzili hali ikeye kaha njamihie vantu veni vose na lifuti lieni liose muliyule. Enu mulinga kuli ikeye ngue muze mumualingile ku Sihone, muangana ua Amoleu, ou akele nakuyoyela ku Heshibone.' ³ Ngecize Yehova Njambi yetu uatuhiele naua ndzili hali Og muangana ua Bashane, na vantu veni vose vahakele kukuyula cetu. Tuavavetele vakeko noho naumo uahi uayoyele amba kusala na ikeye. ⁴ Tuatambuile viose vifuti hali ize tsimbu. ⁵ Avi vikele viose vifuti via ndzili naua viakele na zimbango, zimbelo, na tupateso nanembo akuhona zimbango naua aengi cikuma. ⁶ Tuava nongisele vose, ngue omu mutualingule ku Sihone munagana ua Heshibone, vaveniekele cifuti cose - vamala nava mpuevo nava vavandende. ⁷ Vunoni vimuna vose vave futi vaveniekele tuambatele ngue cakusindiya etu vavene. ⁸ Hali ize tsimbu tuatambuile lifuti kufuma mumavoko a muangana vavali va Amoleu, vaze vakele musinia lia Yondau, kufuma ku combongo ca Arnone ku muncinda ua Hermone ⁹ (muncinda ua Hernone vaualukile nguavo Silione kuli va Sidonianes, kaha vaAmoleu vaukusana nguavo Seniri) ¹⁰ kaha navifuti viose viamu viana, vose va Ngilende, navose va Bashane, vose vaile ku Salekahe na Edrei, vifuti via muangana ua Og mu Bashane.'' ¹¹ (Vunoni viasaleleho via Rephaim, Og kaha muanga ua Bashane ikeye uasalele. Tala! muhela ueni uakele muhela ua cikungo. Nguetu uakele muli Labeka, vakele vuntanga vua kuyoya ca Ammone? Yakele zikuviti zitanu na ziuana mukulaha na zikuviti uana muvukame, njila iva mpimininemo vantu.) ¹² " Eci cifuti tuacimbatele mu vupite hatsimbu ize - kufuma kuli Aroer, kucimbongo ca Arnone, kaha nacivalavala ca muncinda ua Ngilende, navifuti viayo - Ange njavahie va Reubenites nakuli va Gadites. ¹³ Kaha vose va Ngilende na Bashane, vuangana vua Og, Ange njivahie civalavala ca muyati ua Manase. (Muose muahita Argobe mu Bashane vakele nakusana nguavo lifitu lia Rephaim. ¹⁴ Jair, vuntanga vua Manase, uambatele muhita ndanda yose ya Argobe nuku zindza ya Geshurites naku Maakathites. Uasanene ngueni ndandanda, nava Bashane, hali zina lieni, Havvoth Jair, nakuheta kulelo.) ¹⁵ Ange njahiele Ngilende kuli Makir. ¹⁶ Luveni nakuli vaGadites Ange njihiela mutamba kufuma kuNgilende nakuheta kucimbongao ca Arnone - hakati ka cimbongo uakele mutamba ua ndzindza - kaha nakuli Jabbk ndonga, uakele kundzindza ya vuntanga vua Ammone. ¹⁷ Ndzindza ikuavo naua ya cana ca cimbongo ca Yondau ndonga, kufuma ku Kinnereth kuhate Cisali ca Arabahe ( cakele, cisali ca Mungua) nakuheta kumusikumuko ua Muncinda ua Pisgah katala kumusamuko. ¹⁸ Ange njamileke enu hatsimbu ize, nguange, ''Yehova Njambi yenu namihie cifuti eci mangana mukapitilemo; enu, vantu vose vandzita, vakuhita kuavanga vazala kumeso ava muanetu, vantu vaIsaleli. ¹⁹ Vunoni vampuezienu, nava venu vava ndende, navi muna zienu (Ange njantantekeya nguange mulu navi muna cikuma), vakutamama mu vifuti vize Ange vinjamihiele, ²⁰ noho Yehova akahia kuhuima kuli vamuanetu, ngue omu muali kulienu, noho naua vakapita lifuti lize Yehova Njambi yenu liahiele kuli vakeko kuhambakana Yondau; mukuhiluka, vamala vose venu, kuvikuata vienu Ange vinjamihiele.' ²¹ Ange njalekele Yehosua hatsimbu ize, nguange, ''Meso ove amono viose vize Yehova Njambi yove viana pange kuli ava vavali vamiangana vaka panga muomumo kuli vuose vuangana kuze kumukaya. ²² Kamukavevua vuoma, muomu Yehova Njambi yenu ikeye akamiluila ndzita enu.' ²³ Ange njavundililile kuli Yehova hali ize tsimbu, nguange, ²⁴ ''Ova Muata Yehova, uavaleka kusoluesa ngamba yove vukame nalivoko lia ndzili; vuno njambi muka ali muilu cipue hamavu uze nahase kulinga vipangi vimolika ngue vipangi viua pange, na ndzili yakama? ²⁵ Ecenu njiyeko kuze; Ange njavundila enu, uze muncinda uacifuti cacili, kana naua Labanone.' ²⁶ Vunoni Yehova ua pihilile nange muomu yenu; kalakanene kuliange. Yehova ua handekele kuliange ngueni, ''Muapuisamo kunahu - kati muhandeke kuliange naua hali eci cihande: ²⁷ hamoye kandukenu kumukandu ua Pisgah kaha uandule meso ove kumulahuko, kunote nakusulo, nakumusamuko, utale nameso ove, muomu ove kaukuya nuzavuka Yondau. ²⁸ Vunoni, muleke Yehosua na kukuasa naku mukolesa ikeye, muomu akuya kuze kumeso ava avantu zieni, kaha akavalingisa vakeko kusuana lifuti lize liukamona.' ²⁹ Sikaho etu tukutumama mucimbongo calitala na Beth Peor.