¹ Kaha ezi zikoke zisimbi, ziahandekele, na vilika vize Njambi via handekele kulinge kumitangesa enu, mangana muhase kuzilama mucifuti cimuli nakuya nakuzavuka Yondau nakupita; ² mangana muhase kulemesa Yehovo Njambi yenu, omu mumukulama ezi zisimbi ziose zieni zinjamileka enu - enu navana venu, kaha navana va vana venu, mukuyoya cenu cose, mangana matangua enu akalane. ³ Ngecize ivuililenu kuli vakeko, Isaleli, kaha nakuzilama, mangana muye nazio muacili, mangana mukaseme nakusemunuina, mucifuti casula mavele na vuci, ngue Yehova, Njambi yava isuenu, imisikile enu kupanga. ⁴ Ivuilila,Isaleli: Yehova Njambi yenu, Yehova umolika. ⁵ Mukaleme Yehova Njambi yenu namutima uove uose, namuono uove uose, na zindzili ziove ziose. ⁶ Mezi injikumileka lelo akukala mumitima yenu; ⁷ kaha mukalema nakutangesa vana venu; mukahandeka akeko ngue muatumama mundzivo yenu, omu mumukenda munjila, omu mumukakosa, kaha omu mukahinduka. ⁸ Ukakuta ngue cimuosa caha livoko liove, ukaniunga ngue haluholo hakakti ka meso ove. ⁹ Ukasoneka ha mbelo ya ndzivo yove kaha naha zimbelo ziaha mbandza yove ¹⁰ Kaha Yehova Njambi ywnu akamineha mucifuti calisingile nava isuenu, kuli Abvilahama, kuli Isake, kuli Yakomba, akamihia enu, viakama vifuti vize vimuahonene kutunga, ¹¹ kaha ndzivo yakusula na vana vose naviuma vize vimua honene kupanga, navi mbusu vimuahaonene kuhinda, na mbandza na miyi ya cikuyu imua honene kutumba, mukalia kaha mukakuta - ¹² kaha mukazangame mangana mukahone kusuva Yehova Njambi yenu, uze imifumisile mucifuiti ca Ingito, kumifumisa mundzivo ya kayando. ¹³ Muka lemesa Yehova Njambi yenu, ikeye imuka lemesa, kaha mukalisinga hali zina lieni. ¹⁴ Kaha kamukaya kuva njambi veka, va njimbi vavantu vaze vamizingilika enu - ¹⁵ muomu Yehova Njambi yenu mukati kenu ali na lifuua - ngue mukupanga, vutenu via Yehova Njambi vukusuma halienu kaha vumienieka kufuma helu lia mavu. ¹⁶ Kamukeseka Yehova Njambi yenu ngue mumua muesekele ikeye ku Manase. ¹⁷ Mukaleme kulama zisimbi zia Yehova Njambi yenu, zisimbi zienu zilemu, navihande vieni, vize viamilekele enu. ¹⁸ Mukapange viatela kaha via cili kumeso aYehova, linga ukakale muacili, ukakovelela nakufuka cifuti cize caku viuka calisingile Yehova nava iso, ¹⁹ kusekula vitozi vove vose kulute luove, ngue muana handeka Yehova. ²⁰ Omu muanove akukuhula mutsimbu ize ukuiza, ngueni, ''Vika vivuasiono vua vilika, na masiko aze anamisika Yehova Njambi yenu?' ²¹ kaha ukuhandeka kuli muanove, 'Tuakele vandungo va Falao mu Ingito; Yehova uatu fumisilemo mu Ingito nalivoko lia ndzili, ²² kaha uasoluesele vintantekeyeso na vikomouesa, viakama via kukaluua, ha Ingito hali Falao, kaha naha ndzivo yeni, kumeso etu; ²³ kaha uatufumisile kuze, mangana atuatuale etu muze, nakutuhia lifuti lize liali singile nava tatetu. ²⁴ Kaha Yehova uatu sikile kulama vitume evi viose, kuivua muama Yehova Njambi yetu, mangana atuniunge muacili, ngue mutuli nalelo. ²⁵ Ngue tuniunga aua masiko kumeso a Yehova Njambi, ngue muze muatusikile etu ovu vukukala vuololoke vuetu.'