Lusimbi luakuhituluka mango 30
1
Omo viuma viose evi vineza kuli enu, vevizikiso na visingo vinji na mitumbikila, kaha ngue mukumana mukavivuluka mukati kavifuti vieka viose kuze kuze kuana misanduila Yehova Njambi yenu.
2
Kaha omuo mumukuhiluka kuli Yehova Njambi yenu nakutamunuka kulizi lienu, kukavangeya viose vize cinji kumisika lelo - enu navana venu - na mutima uenu uose kaha na muono ueno uose,
3
Kaha Yehova Njambi yenu akalumuka vundzinda vuenu na kumivuila cikeketima; kumifumisa kuvantu vose kuze kuana misoduela Yehova Njambi yenu.
4
Ngue vamo vindzinda vamulienu vali kuvifuti viaku lako cikuma muintsi ya melu Yehova Njambi yenu akumikunguiya, kaha aka mufumisako nakumineha.
5
Yehova Njambi yenu akamineha kucifuti cize cavu suana vuava Isuenu, kaha enu mukacisuana naua; akulinga muacili nenu kaha akumilanesa ku hina muze mua lingile va Isuenu.
6
Yehova Njambi yenu akakulisa mutima uenu na mutima ua vikota vienu linga meleme Yehova Njambi yenu na mutima uouse na muomu uenu uose, linga muyoye.
7
Yehova Njambi yenu a kuhaka visingo viose hali vitozi venu na hali vose vaze vazi vamizinda, vaze veku miyandesa.
8
Mukuhiluka na tamunukila lizi lia Yehova, kaha muka linga masiko eni ose a anjili na nakumisika lelo.
9
Yehova Njambi yenu akamilanesa cikuma kuvipangi vienu viose via livoko lienu, na kuvusuku vua kuli lizimo lienu, navusuka vua vimuna venu, na vusuka vua livu lienu, vikalakane mukuvilanesa. ngecizi Yehova cikumulema nava mukumilanesa, ngue omuo muca mulemena na va Isuenu.
10
Akucilinga eci ngue mukutamunukila lizi lia Yehova Njambi yenu, nguecize na kuniunga masiko enu kaha na vitume vieni evi viva soneka mumju kanda ueni ua zisimbi, ngue mulialuisa kuli ehova Njambi yenu namutima uenu uose kaha na muono uenu uose.
11
Muomu lisiko eli linjikumisika lelo kati lialikalu kulienu, amba kumikela kulako cikuma kuheta.
12
Kaliesi muilu, amba muhandeke nguenu, 'Iyandzo a kutukandukila muilu nakuli neha amba tuli halakane, linga tuli linga?'
13
Amba kukala musinia lia kalunga ndonga, amba mu handeke nguenu, Iyandzo akutu zavukila musinia lia kalunga ndonga amba atunehelelio etu tuli halakene, linga tulilinge?
14
Vunoni lizi lili muhiehi cikuma kulienu, mukanuakenu namutima uanu, linga mulilinge,
15
Talenu, lelo njina tumbaka kulienu muomu na vuviuke, kutsa na vupi.
16
Ngue mutamunuka kulusiko lua Yehova Njambi yen, munjili na kumisika lelo kulema Yehova Njambi yenu, kuenda munjila zieni, na kuniunga masiko eni, vilongesa vieni, na vitume vieni, muka yoye na kulilanesa, akaha Yehova Njambi yenu akumi vezikisa mucifuti cize cili na nakovela mu kucifuka.
17
Vunoni ngue mutima uenu ukalumukulia kueka, na kuhalakana cahi vunoni mu kufutula kaha mukutsikamena va Njambi veka na kuvakombela.
18
Kaha njikumi zimbuila kulitangua lia lelo nguange mukanonga cili vene; kamukalanesa matangua enu mu cifuti eci cimukuzavuka Yondau kuya nakukovelamo nakucifuka.
19
Nji kusana lilu na mavu kukala akaleho hali enu lelo nge cize age njima tumbika kumeso enu muomu na kutsa, vizikeso na visingo; ngecize hangula muomu linga mu yoye, enu na cikota cenu.
20
Lingenu eci linga muleme Yehova Njambi yenu, kutamunukila lizi lieni, na kukakatela kuli ikeye. muomu ikeye muomu uenu na kulana camutangua enu; lingenu eci linga muyoye mucifuti cize cali singile Yehova nava ntsekulu kuli Ailahama kuli Isaleli na kuli Yehova Njambi, kuva hia.