¹ Mosesa uaile naku handeka mezi aua kuli va Isaleli. ² Ua handekele kuli vakeko ngueni, ''Ange njili na miaka kulukazi limo; kanjikuasa kuingila na kutuhuka; Yehova nahandeka kuliange, 'Kaukuasa kuya ku Yondau ³ ,'Yehova Njambi yenu, akuya kumeso enu; akuenieka vifuti kufuma halienu, kaha mukavasekula vakeko Yoshiua, ikeye akaya ngue muaa handeka Yehova. ⁴ Yehova akalinga kuli vakeko ngue muze mualingile kuSihone nakuli Ogi, va miangana va Amoleu, naku cifuti cavo, cize ceniekele. ⁵ Yehova akavaneha kuliove, kaha ove ukalinga kuli vakeko kueseka nomu munjakulekele. ⁶ Kala uakutakama navuviuke vuacili, kati uivue vuoma, kaha kati uivue vuoma vuavo; muomu Yehova Njambi yenu, ikeye nayi nenu; kali kuasa kulahula amba kumieca.'' ⁷ Mosesa ua sanene Yoshiua naku handeka kuli ikeye kumeso a Isaleli ngueni, ''Kala uakuzikisa nakuli kolesa, muomu ove ukuya nava vantu mucifuti cize Yehova calisingile na vaisuenu kuvahiaco vakeko; ove ukacisuana. ⁸ Yehova, ikeye uze akaya enu; akala nenu; kali kamilahuala amba kumieca; kati uivue vioma, kati vakuonge.'' ⁹ Mosesa uasonekele lusimbi nakuluhia va sasendote, vana va Leve, vaze vambatele cikasa ca civuasiono ca Yehova; kaha naua uiava hiele cifuanesa caco kuli vose vakuluntu va Isaleli. ¹⁰ Mosesa ualekele naku handeka ngueni, ''kukuma ca miaka itanu ivali, hali ntsimbu vianesa mikuli, hatsimbu ya Cilika ca visakila, ¹¹ kaha vose va Isaleli vaneza nakusoloka kumeso a Yehova Njambi yenu mucihela cize cali kasakula zisimbi, mukazitanga kumeso ose ava Isaleli mukuivuilila cavo. ¹² Kungulula vantu, vamala nava mpuevo, nava vandende, nava niamuiza vaze vali muimbo lia zimbelo zienu, mangana vevue na kutanga, kaha mangana vahase kulemesa yehova Njambi nakuniunga mezi aua azi simbi. ¹³ Linga eci mangana vana vavo, vaze vahono kuntantekeya, mangana vevue kaha nakutanga naku lemesa Yehova Njambi, kuvanga kaha uekuyoyela mulifuti lize limuli nakuya nakuzavuka Yindau na kupita.'' ¹⁴ Yehova ua handekele kuli Mosesa ngueni, ''Tala, litangua linakuizangye ukutsa; sana Yoshiua nakulisoluesa ove yavene mumbalaka ya lukungulukilo, mangana Ange njikumuhia lusimbi.'' ¹⁵ Mosesa na Yoshiua nakulisoluesa mumbalaka mu ngundzi ya liselua; ngundzi liselua liamene ha mbelo ya mbalaka. ¹⁶ Yehova ua handekele kuli Mosesa, ''Tala, ukukosa naiso; ava vantu vakusanguka nakulinga vupangala nakuya kuli va najmbi vangendzi vaze vali mukati kavo mucifuti cize civakuya. Vakanjeca ange na kupuzula civuasiona cize Ange cinjapangele nava keko. ¹⁷ Kaha, hali tangua, vutenu vuange vukasuama halienu kaha njiakaveca. njikasueka changa cange kufuma kuli vakeko vakavalia. Mponde ikalana na vukalu vukavauana mangana vakahandeke hali tangua lize, 'Eyi mponde kati ikakale halietu muomu Njambi yetu kesi mukati ketu?' ¹⁸ Vusunga Ange njikasueka cihanga cange kuli vakeko hali tangua lize muomu vose vandemone valingi, muomu vanalumuka nava njimbi veka, ¹⁹ Kaha vunoni soneka muaso ou ove yavene kaha ulongese vantu va Isaleli. uhake mukanua kavo, mangana ou muaso ukale uakunjimenako hali vantu va Isaleli. ²⁰ Vononi ngue Ange njavahetesa laza mucifuti cize Ange cinjalisingile nava kuvahia va kukuavo, cifuti cekuleluka mavele na vuci, kaha omu muvakulia nakukuta nakupita, kaha vakalumuka kuli va njambi veka nakuva pangela vakeko kaha vakzola ange kaha vaka puzula civuasiona cange. ²¹ Omu vandemone vavengi na vukalu vukeza hali ava vantu, ou muaso ukamnenako kumeso avo ngue vukaleho (muomu kati uakusuva kufuma mukanua kamazimo avo). Muomu Ange njantantekeya visinganieka vivanakupanga lelo, amba kanda njivaneha vakeko mulifiti lize Ange linjalisingile kuli vakeko.'' ²² Kaha Mosesa uasonekele ou muaso litangua limo nakulongesa vantu va Isaleli. ²³ Yehova uahiele Yoshiua muana Nune lusimbi nakuhandeka ngueni, ''Kolenu na nakuzikisa muacili; muomu enu mukuneha vantu va Isaleli mucifuti cize ange cinjilisingile navakeko, njikakala nenu.'' ²⁴ Casolekele omu Mosesa mua manesele kusoneka meze ou alusimbi mumukanda, ²⁵ kaha ualekele vaLevi vaze vambatele cikasa ca civuasiono ca Yehova, kaha uahandekele, ²⁶ ''Mbata ou mukanda ua lusimbi na kuuhaka mucikasa ca civuasiona ca Yehova Njambi yenu, mangana hamosi kuli vakaleho halienu. ²⁷ Muomu Ange njantantekeya kuviana cenu nakuhona kuivua cenu; tala, omu njicili nakuyoya nenu matanguan ose, muakele nakuviana Yehova; angahi kufuma hakutsa? ²⁸ kungulukenu kuliange vose vakuluntu vami yati yenu, nava misipayi, mangana Njihande mezi aua mumatuitui avo na kusana melu na mavu ngue vakaleho kuli vakeko. ²⁹ Muomu Ange njantantekeya nguenge hakukuma ca kutsa cange mukalahuoka enu vavene nakufuma munjila injamilekele; mponde ikeza halienu mumatangua anakuizaho. Eci cikalingika muomu mukulinga vupi kumeso a Yehova, ngue kumusangumuna ikeye kuvutenu kuhitila muvipangi via mavoko enu.'' ³⁰ Ngecize Mosesa ua handekele mezi a muaso mumatuitui ava Isaleli nomu muva kumisile.