¹ Aaakeko mezi a skile Yehova kuli Mosesa kuleka vantu va Isaleli mu cifutio ca Moave, meze aze a pandakanene kulusiko luze lua lngile navo ku Holeve. ² Mosesa ua sanene kuIsaleli yose nakuvamba ngueni . ''Enu munamono viose vize via nalingi Yehova kumeso enu mucifuti ca Ingito kuli Falao, na kuvangamba veni vose, naku cifuti ceni cose- ³ tuyando tua kama tuze tuamuene Mosesa enu, na vimueso, navize vikomouesa via kama. ⁴ Nakulelo Njambi kamihiele mutima ua kuntantekeya, meso a kumona, amba matuitui akuivua. ⁵ Njina mituamenena miaka makumi auana muzindinda, vuzalo vuenu kavua saniozokele nakufuma halienu, nazinkaku zienu kazia saniokele kufuma ku mikono yenu. ⁶ Kamualile muka na umo hahi, kaha naua kamua nuine viniu navimo viahi amba via kunua vieka vilina cimbaluila, linga muntanteye nguenu ange yange Yehova Najmbi yenu. ⁷ Omuo mumuezile kucihela uno, Sihoni, muangana ua Hesemboni, na Onge, muangana ua Mbasani, vatuhukile kuiza kulietu na kulua, vunoni tuava vetele. ⁸ Tuatambuile cifuti cavo nakucihana ngue vusuana kuli zimo lia Luveni, nakuli zimo lia Ngate, na civalava ca lizimo lia Manase. ⁹ Ngecize vononi niungenu mazi alusiko olu naku alinga, linga muvezile ku viose vimu kulinga. ¹⁰ Enu munamana lelo, muvavose, kuli Yehova Njambi yenu, va miangana venu, miyati yenu, va kuluntu venu nava kavipangi venu - nava mala vose va Isaleli, ¹¹ Vana venu navandende, vampuevo venu, na ngendzi ou ali mukati kenu mucilombo cenu, kufuma kuli ou uekumitiaveta vikuni na kuli ou uekumisuila mema. ¹² Mulikuno linga mikovele mu lusiko lua Yehova Njambi yenu na mulitavasiano olu Yehova Njambi yenu akulinga nenu kuli tangua lia lelo. ¹³ Linga amiline kukala vantu veni ivene, linga akale Njambi yenu, ngue muze mua handekele kuli enu, naua ngue muze mualisikile nava ntsenkulu venu, kuli Avilahama, kuli Isake, na kuli Yakomba. ¹⁴ Kati nenu lika njikulinga lusiko olu - ¹⁵ vonuni navose namana kuno hamo netu lelo kuli Yehova Njambi yetu - vunoni na kuli vose vaze katuesi navo litangua lia lelo. ¹⁶ Munantantekeya muze mutuakukala mu cifuti ca Ingito, nAa muze mutuezile nakuhita mukati kati ka vifuti muze mu muakuhita. ¹⁷ Muna muene tumponia vavo vakusuala vaku panga naviti na mavue, palata na olu, vaze vakele mukati kavo. ¹⁸ Monenu ngue cili kamuesi yala umo, mpuevo, muyati, amba mutundu ouo a kalumuisa mutima ueni lelokufuma kuli Yehova Njambi yetu, ngecize na kuya nakulemesa va njiambi va vifuti vize. Monenu cili kati mukoke muzi umo muli enu ou ukuneha niungua na likelete. ¹⁹ Omuo muntu ize akvua mezi acisingo eci, akuli vezikisa ivene mumutima ueni na kuamba ngueni, ''Njikukala na ciyulo, vutuhu njili na kuenda nakulitundisa ca mutima uange, Enu cikenieka eci citontola neci cakuma. ²⁰ Yehova kali kamuivuilila, vunoni, vutenu vua Yehova na lifua lieni vikakala hali yala uze, na visingo viose vize vivana soneka mumukala uno vikuiza hali ikeye, kaha Yehova aka zimuna lizina lieni muntsi lia lilu. ²¹ Yehova akamu hanguila kuvipi kuose kuahiti muyati ua Isaleli, ngue kupuisa na visingo viose via litavasiano vize vivana soneka mumukanda ua zisimbi. ²² Kucikota cikezako, vana venu vaze vakezako kufuma enu, na ngendzi uze ua kuima kufuma kucifuti ca kulako, akahandeka omuo mua likamona tuyando tuze hacifuti cino na misongo ei Yehova yana vana vuavesela nayo- ²³ ngecize omuo muvakamona cifuti cose cili na salufa na muongua uli na kuuema, kuze kakuhasa kukuva amba kuima vusuka, kuze kakuhasa kusoka visoka, ngue omo Sondoma na Ngomola Andema na Zevoime, aze aniekele Yehova ha matoto eni na vutenu - ²⁴ vaka handeka mumo nava kavifuti vikuavo viose nguavo, ''Vika Njambi vianalingila evi kucifuti eci? Ntuima ya vutenu ovu vuakama vuna lumbununa vuka? ²⁵ Kaha vantu vakahandeka nguavo, ''Muomu vana yengula lusiko lua Yehova, ou Njambi yava ntsenkulu vavo, lize lia lingile navo omu muavanehele kuva fumisa mu cifuti ca Ingito, ²⁶ namuze muvaile naku pangela va njambi veka na kuvatsikamena, va njambi vaze kava ntantekeyele kaha naua kava hielevo. ²⁷ Ngecize vutenu vua Yehova vunava suamena cifuti eci, ngecize naneha visingo viose vize viva sonekele mumukanda ou. ²⁸ Yehova navatukula kuvafumisa mucifuti cavo mu matoto, muvutenu, namutuhia valutengo, kaha nava tampuila mu cifiti ceka, ngue mucinafu lelo.'' ²⁹ Viuma via kusueka via pandama kuli Yehova Njambi yetu likalieni; vunoni viuma vili hantanda kumika yose via pandama kuli etu na kuvikota vietu,linga tulinge ngue kumezi ose azisimbi ezi.