¹ Ngue ukuivuilila muacili kulizi lia Yehova Njambi yove nakulama zisimbi zieni ziose zinja kulekele lelo, Yehova Njambi yove akakuhaka kuvukama nakuhiana miyati yose ya hamavu. ² Kaha vivezikizo evi vioseikeza kuli ove na kukuuana, ngue uka halakana kulizi liange Yehova Njambi yove. ³ Kuvezika muimbo kaha uka vezika muihia. ⁴ Vusuko vua muvila uove vuka vezika na vusuko vua livu liove na vusuko vua tusitu vove kumena ca vimuna vose na vana va limba liove. ⁵ Kuvezika ci napu mutonga uove na cizuma cove cika tikika. ⁶ Kuvezika omo mu ukakovela, kaka ukavezika omo mu ukatuhuka. ⁷ Yehoava aka akatinguisa kulutue luove vitozi vove vaze vakaku katukila; vakakutuhukila njila imo taha vaka tutina mu zinjila zitanu na zivali. ⁸ Yehova akasika civezikisa kuli ove muvisete viove na mu viose muukahaka livoko liove; kaha akakuvezikisa mu cifuti cize ca likakuhia. ⁹ Yehova akakukolesa nakukala vantu vakulela kuli ivene, ngue muana linginove, ngue uka niunga masiko Yehova Njambi yove, na kuenda mu zinjila zienu. ¹⁰ Vantu vose vahamavu vaka mona ngecize vana luku hali zina lia Yehova, kaha vakaku vuila vuoma. ¹¹ Yehova akaku vezikisa nakukulanesa muvusuka vua muvila uove, namuvusuka vua livu liove mucifiti cize ca lisingile nava iso kukuhiaco. ¹² Yehova akaku sokoluela vupite vueni vua melu nakuhia mema acifuti cove kunstimbu, na kuvezikisa vpanga viose via livoko liove; kaha uka kumuisa kumiyati ya ingi, kaha kauka kongola. ¹³ Yehova akaku puisa mutue, kati mucila; kaha ukakala helu lika, ukakala muintsi, ngue uka halakana ku masiko a Yehova Njambi yove anjikukusika kulitangua lia lelo, kuniunga na kulinga. ¹⁴ Kaha kati ulitenge ku limosi lia mezi a Njambi veka naku va pangela. ¹⁵ Vunoni ngue kaue kuivua kulizi lia Yehova Njambi, kaha mukalama masiko a Mosesa vitume vieni viose vekeza kuliove na kukuuana. ¹⁶ Muimbo ukakala ua kusinga, na muilu ukakala ua kusingiua. ¹⁷ Mutonga uove ukakala uaku singa, na cizuma cove cika tikika. ¹⁸ Vusuka vua muvila uove ukakala vua kusinga, na vusuku vua livu liove, na kusema ca vangombe vove, na vana vaku limba liove. ¹⁹ Ukakala uaku singa omo u kakovela, kaha ukakala uaku singa omo ukatuhuka. ²⁰ Yehova akaku tumisila masingo, tuyando na vihandekela ku viose ku uhaka livoko liove muku linga, noho una lienieka, na noho uka nonga vuasi muomu vipi via vilinga viove mukemuo una njiseza ange. ²¹ Yehova aka lingisa musongo uaku litambuisa kuku kakatela noho naku nongesa kucifuti kuze kuukuya mukufuka. ²² Yehova akakuveta na kakoho, na masikasika, nakuzimba, na mutana ua tuhia, na mukuale, nakuzuza ca vimbuto, na mbundu yavi mbuto. kaha vika kukavangeya noho ukanonga. ²³ Nalilu lize lili helu lia mutue uove lika limpuka nkengelezi, na livu lili muintsi liove lika lumpuka vutele. ²⁴ Yehova akaneha mema akunoka ku cifuti cove lukungu na mpumputa; vikafuma muilu haliove, noho lika lienieka. ²⁵ Yehova akakuvetesa kulutue lua vitozi vove; mukuya hamo navo munjila imo kaha ukavatina muzinjila zitanu na zivali. Kaha uka hungumuka oko noku ha kati ka vuangnana vuose vua hamavu. ²⁶ Kaha civimbi cove cika himpuka kulia kutuzila vose va muilu nakuli tusitu vose va kalia; kaha na umo akakva sekula uahi. ²⁷ Yehova akakuveta na lihote lia Ingito namazimbo, namavanda, na vindzandi, kuvikevio kaukasa kukanguka. ²⁸ Yehova akaku veta na vuzaluke, navupupula, nakukomoka ca mutima. ²⁹ Kaha ukapapatela hakati ka litangua ngue kapuputa akupapatela mu miziviliko, kaha kauka vezika muzinjila ziove; lika ntsimbu yose kaha kauka kala umo muka kuohiela. ³⁰ Uka lama mpuevo, kaha yala ueka akakosa neni.Aka tunga ndzivo kaha kauka kalamo; uka tombela citungu ca miti yalihia lia viniu kaha kauka pangesa vusuka vuaco. ³¹ Vaka tsiha ngommbe yove kumeso ove, nove kauka liako vifo; vaka kupunda cimbulu cove kumeso ove kaha kava kaku hiluisilaye. Va mpanga vove vaka vahia kuli vitozi vove, kaha kaukakala na umo uahi mukaku kuohiela. ³² Vana vove vava mala nava va mpuevo va kavahia kuli vantu veka; kaha meso ove akatalako nakutsivala na vusona muli tangua liose, kaha kakukakala vimosi. Kundzili ya livoko liove. ³³ Vusuka vualivu liove na vipanga viove vise vakavilia kumu yati ueka untsa kaua tantekeyele kaha vaka kupakesa; nakukutalakana ntsimbu yose, ³⁴ Ngoco uka zaluka omo vimona via meso ove vi ukamona. ³⁵ Yehova akakuveta mumavuli na mumikono na lihote lia lipi kuli kelio kauka kanguka, kufuma kuciliato cove na kuheta ha mbanda mutue uove. ³⁶ Yehova akakutuala ove na muangana uove iuka liliekela ku muyati untsa kaua ntantekeyele yove, cipue va iso; kaha kuze uka pangela va najmbi vaka vili na mavue. ³⁷ Kaha vose uka himpuka, uakukomoka cisimo na cikuzi, hakati ka vantu vose hakeko Yehova aka mitetela na kumifumisaho. ³⁸ Uka tuala mbuto ya ingi kuihia, kaha uakakungula ya indende, muomu vambimba vakalia. ³⁹ Uka tombeka, vitungu via miti ya viniu nakuvi viukisa, vunoni cipue kuviniu kauka nuako, cipue kuhela vusuka, muomu kalume aka vulia. ⁴⁰ Ukakala na miti ya oliveta kumikuakua yove, vunoni kauka vuavesa mazi, muomu muti uove uka lundulula vusuka. ⁴¹ Uka kuata vana vava mala nava va vampuevo, vunoni vakakala vove, muomu vakaya kuzindzinda. ⁴² Miti yove yose na vusuka vuose vua livu liove vambimba vaka vifuka. ⁴³ Mukua ku lisuka ha kati kove a kuana kulonda helu liove; nove ukuanaku suluka; ⁴⁴ Ikeye aka kukumuisa, nove kauka mukumuisa ikeye; akakala mutue, nove ukakala mucila. ⁴⁵ Kaha visingo evi viose vikeza kuli ove nakukukavangeya nakukukuata noho uka lienieka muomu kaua halakanene ku lizi lia Yehova Njambi yove, muku niunga masiko eni na vitume vieni via kusikile. ⁴⁶ Kaha vikevio vikakela ngue citantekeyeso na cikomouesa, naku mbuto yove ku miaka yose. ⁴⁷ Muomu kaua pangelele Yehova Njambi nakuviukilila na ndzolela ya mutuma omo kulana ca viuma viose. ⁴⁸ Ngoco vene uka pangela vitozi vove veze Yehova akakutumisila yove; na ndzala, na mpuila, na muzi namukuzela viuma viose kaha ikeye akakuhakela mukambo ua vutale ha ntsingo yove noho nakuenieka. ⁴⁹ Yehova aka neha muyati ua kufuma ku lako, kufuma halenga mavu, ngue muacihungu ue kupululuka, muyati umo lilimi lia ou kalika livua; ⁵⁰ Muyati ua cihanga ca cikalu kavaka ilemesa nava kumiaka kaveku muesa likozi kuvana va ndende. ⁵¹ Kaha vakalia vusuka vua livu liove noho u lienirka. Vakevo naua kava vaku limba liove, noho vanaku nongesa, ⁵² Kaha vaka kuzingilika vimpaka ku zimbelo ziove ziose, noho vivumbe viove via lali via vimpaka vika lundumuka muua tsilielele ku cifuti cove cose. Kaha vakaku zingilika na vimpaka ku zimbelo ziove ziose kucifuti cove cana kuhiele Yehova Njambi yove. ⁵³ Kaha ukalia vusuka vua muvila uove, na ntsitu ya vana vove va vamala nava vava mpuevo, vanakuhie Yehova Njambi yove, omo ndzita ize nomo kayando kavitozi vove vakaku yandesa nako. ⁵⁴ Yala uze uakala na ngozi ha kati kenu - akala muka vutupuke liso lieni likatala muangana vupi ua mpuevo uaku tuntulo yeni, nakuvisupo via vana veni vana lisupuho kuli ikeye. ⁵⁵ Ngoco kali kahana kuli umosi uavo ntsitu ya vana veni vaze vakalia, muomu vieka via lisupuho kuli ikeye viahi omo ndzita nomo kayando citozi cove akaku yandesa naku zimbelo ziove ziose. ⁵⁶ Uakele uze mpuevo vana vutupuke hakati kenu, uze kesekele kuhaka ciliatelo ca ciliato ceni ha mavu omo senga na ngozi yeni liso lieni lika tala yalieni, nou mpuevo, ⁵⁷ Nauze kakeke keni akasemuka ha kati kamikono yeni liamuku suekesa omo na zela viuma viose, omo ndzita nomo kayando citozi cove akaku yandesa naku zimbelo ziove. ⁵⁸ Ngue kaukalama mezi ose aua alusiko lunjakusoneka mu livulu eli, linga uivue vuoma kulizi eli lia vumpahu liaku zuzuisa, Yehova Njambi, ⁵⁹ Kaha Yehova aka puisa misongo yove, viuma via kukomouesa, na misongo ya mbuto yove misongo ya kama cikuma vene ikatuala ntunda, na mavezi akauhiana, akutokaho cikuma. ⁶⁰ Kaha akakuneha naua misongo yose mu Ingito yali zuzukilile; kaha akeo akaku kakatela. ⁶¹ Na misongo yose na mavezi ose vize kavavi sonekele mu livulu lia lisiko, eli vikevio Yehova akaku nehela noho una lienieka. ⁶² Kaha mukasala vavandende lika, muze mumua kele ngue zintangantanga zia muilu mukulana ceni, muomu kaua halakanene kulizi lia Yehova Njambi yove. ⁶³ Kaha cikakala ngecize ngue omo Yehova uaku viukilila kuku nongesa naku kuenieka, kaha vaka mitonda ku cifuti kuukuya naku cifuti. ⁶⁴ Kaha Yehova akaku sanduila hakati ka vantu vose vafume haze lenga mavu, kaha kuze aka pangela va njambi veka vantsa kaua tantekeyele yove,ipue va iso, viti na mavue vene. ⁶⁵ Kaha ha kati kamiyati ei kauka uana kuhuima , kaha kakukakala haku huimisa ciliatelo; ca ciliato cove vunoni, Yehova akakuhia kuze mutima ua kuzaza, nakutsitsivala ca meso, na vusona vua muono. Na ⁶⁶ muono uove uka kala nauo na zimpaka, kaha ukavua vuoma vutsili na mutana kaha kaukakala na kuntentekeyaa vuovoke vua muono uove. ⁶⁷ Kucimene uka handeka nguove, '''Ngue cakele cinguezi! kaha ku cinguezi uka handeka nguavo; ngue cakele cimene!'' muomu vuoma vua mutima ua meso ove vi ukamona. ⁶⁸ Yehova akakunehela ku Ingito naua mu vizuma, kunjila ize njakulekele, nguange kaukamona Ingito naua! kaha kuze muka lilandesa ku vitozi venu mukukala vandungo, va vamala nava vavampuevo kahakaha naumo uahi akami landa.''