¹ Mosesa nava vakuluntu va Isaleli vasikile vantu nguavo, '' Niungenu lisiko liose lingikukuleka ku litangua lia lelo. ² Kuli tangua lize omo muka zavuka yondau kucifuti cize calikukuhia Yehova Njambi yove, kaha uka lilemesa mavue akamakama naku asalimba na mpemba. ³ Kaha ka sonekeho mezi ose ali siko eli omo ua zavukile, linga uye mucifiti cize cali kukujia Yehova Njambi yove, cifuti cakuhita na masika navuci, ngue Yehova, Njambi yava iso na lisikinove. ⁴ Omo muna zavuka yondau, mukamesa mavue ano anjikukusika kuli tangua lia lelo, mu muncinda evale kaha ukasilimba na mpemba. ⁵ Kaha kuze ukatunga mutula kuli Yehova Njambi yove, mutula ua mavue; kati uka hetese ku akeo citenga ca livue. ⁶ Muatela kutunga mutula ua Yehova Njambi yove ukautunga na mavue; kaha uka kombaleyaho vikombelo via kutsimika kuli Yehoba Njambi. ⁷ Kaha ukambeleya vikombelo via ciyulo nakulia kuze; kaha uka viukilila kumeso a Yehova Njambi yove. ⁸ Uka soneka ha mavue aze mezi ose alisiko eli muacili cili.'' ⁹ Mosesa na vasasendote, vaLevi, ua handekele na vose va Isaleli na kuhandeka ngueni, ''Holoka, kaha Halakana, Isaleli: kulitangua lia lelo una himpuka mu napu vantu vaYehova Njambi. ¹⁰ Ngoco vene ukononoke kulizi lia Yehova Njambi, na kulinga masiko eni na vitume vieni nevi vinjikukusika ku mulitangua lia lelo.'' ¹¹ Mosesa ua sikile vantu halitangua lize na kuhandeka ngueni, ¹² ''Eyi mitundu yatela kumana ha muncinda ua Ngilizime nakuvezikisa vantu nomu mumuna zavuka yondau: Simeone, Levi, Yunda, Isakele, Yosefe, na mbanjamini. ¹³ Kaha eyi mitundu vakamona ha muncinda Evale nakuzinga: Luvene, Ngande, Asele, Zembulone, Ndane naNafatali. ¹⁴ Kaha Levi ua kuaniene naku handeka kuvose va mala va mu Isaleli na lizi lia kama: ¹⁵ Uakusinga yala ukze akulinga kamponia ka kusonga ca mavoko a ngangula, kaha acitumbile muku suekesa; kaha vantu vose vaka kuania na kuhandeka; Ameni; ¹⁶ Ua kusinga yala uze akuyengula ise cipue naye. 'kaha vantu vose vaka handeka; ameni; ¹⁷ Ua kusinga yala uze a fumise ndzindza ya mukuavo kaha vantu vose vaka handeka nguavo, ''Ameni; ¹⁸ 'Ua kusinga yala uze akuzimbalesa kapuputa munjila; kaha vantu vose vaka handeka nguavo, ''Ameni; ¹⁹ 'Ua kusinga yala uze akuhengesa vusunga vuze vuapande muaka kulisika, uze kesi na ise, na ntuluue; kaha vantu vose va handekele nguavo, 'Ameni; ²⁰ 'Ua kusinga uze yala akakosa na mpuevo ya ise, muomu natambula vusuna vua ise.' Kaha vantu vose vaka handeka nguavo, ''Ameni.' ²¹ Ua kusinga use yala uekukosa na nkala kasitu. kaha vantu vose vaka handeka, Ameni. ²² 'Ua kusinga yala ou uekukosa na muangana ua mpuevo, ua ise, cipue muana naye. ''Kaha vantu vose vaka handekele nguavo, Ameni; 'Ua ²³ kusinga yala uze akukosa na nemueno; kaha vantu vose vaka handeka nguavo, ''Ameni; ²⁴ 'Ua kusinga yala ou ueku tambula mbanda mukusueka; kaha vantu vose vaka handeka nguavo, Ameni; ²⁵ 'Ua kusinga uze yala kesi namu longa; kaha vantu vose vaka handeka nguavo, Ameni; ²⁶ 'Ua kusinga yala uze uekutsiha mukuavo nakusueka; kaha vantu vose vaka handeka nguavo, 'Ameni;