Lusimbi luakuhituluka mango 25 26
1
Kaha ove omo mu ukeza mu cifuti eci Yehova Njambi yove calikukuhia ove mukukakala vusuana, kaha omo uka cifuka na kutumamamo,
2
Kaha ua pande kuntentula vumo viose kulivanga kukutia via kulivu avize ove ua neha kufuma kucifuti cize Yehova Njambi yove alinakukuhia. Ove atele kuhaka mumutinga kaha ukaye kumuhela uze Yehiva Njambi yove a kahungula kukala kueni kuakulela
3
Ove ukaye kulii sasendote ou akala nakupaga mu matangua ose naku handeka kuli ikeye nguove, njalitavela lelo kuli Yehova Njambi yove ngecize njineza ku cifuti cize Yehova alingisile kuli va tsekulu kutuhiaco.'
4
Kaha sasendote aka tambula mutonga kulivoko liove naku utumbika hamavu kulutue lua mutula ua Yehova Njambi yove.
5
Uka handeke kuli Yehova Njambi yove nguove, 'tsekulu ka Alana uakele muntu muka kuendasiana. kaha ua uasikumukile mu Ingito kaha ua tumamene kuze, kaha vantu veni vakele vavandende mukulana. kuze ikeye ua himpukile ua kama, ua zindzili, cifuti caluysimo.
6
Vaka Ingito va tugile muamupi nakuyandesa. nakuli payesa vipanga viavu ndungo.
7
tualilile kuli Yehova kuli Njambi yava tatetu, kaha uavile lizi lietu nakumona kayando ketu, na kutupayesa, na kutunkokeneka.
8
Kaha Yehova ua tufumisile ku Ingito na livoko lia zindzila, na livoko lia kualola, nevi via kuzuzuisa cikuma, na vitantekekeyeso, na vikomueso;
9
Kaha na tuneha etu kuliove muhela naku tuhia cifuti cino, cifuti ca kuhita mavele na vuci.
10
Vunoni tala, njina neha via kulivanga vusuko ku livu ovio ove, Yehova, una njavela ange.' ove uka vutumbike kuli Yehova Njambi yove nakumu sangaziala;
11
Kaha uka viukilile mu viose viacili vize vianakupangela Yehova Njambi yove, lingisa ndzivo yove - ove, naka Levi, nakuli ngendzi ali hakati kenu.
12
Omo uka manesa ku hana via mulikumi viose vimbuto viove vi ukatia mumuaka ua mucitanu, ukeko uze, muaka ua via mlikumi, kaha uka cihia kuli ntuliue, linga vakalile kuvikolo via limbo liove kukuta.
13
Kaha uka handeka kuli Yehova Njambi yove, 'Ange nji nafumisa vize via kundzivo yange kaha viose via kundama kuli Yehova, kaha naua njina vihie kuli ka Levi, kuli ngendzi, uze kesi na Ise, nakuli ntuliue kuhetasamo masiko ove ose aze aunanjihie. kanja vulumuine na amo masiko ove ali, cipue kuasuva.
14
Kanjaliko na cimo cahi cakuli evi muciniengo cange, amba ku kucihaka kueka omo munjakele mukuhona kuvuka, amba kuhanako cimo kukombelela vatsi. njinahalakana kulizi lia Yehova Njambi yange; njinakavangeya mu viose viuanjisikile kulinga.
15
Tala muitsi kufuma kuvukalo vua kulela kuze kuuakala, kufuma muilu, naku vetatetu, na cifuti ca kuhita mavele na vuci
16
Lelo Yehova Njambi yove ali na kukusika kulinga vilongesa na mezi aciyulo; ove uka viniunga naku vilinga na mutima uose na muono uove uose.
17
Ove una tumbula lelo nguove Yehova ikeye Njambi yove, kaha ngove ukuenda mu zinjila zieni nakuniunga vilongesa vieni, masiko eni na mazi aciyulo, kuhalakana kulize lieni.
18
Lelo Yehova na kutmbula ngueni ove ukakala na vantu vaze vakuvusnga veni, ngue muamisikile, ngecize ove uniunge masiko eni ose,
19
Kaha na kukuhaka kuvukame helu lia vifuti viose vianapange, kusangala, lutsimo na kasingimiko. ukakala vantu vava hanguile kuli Yehova Njamni yove, ngue mua handekele.''