¹ Enu muvantu va Yehova Njambi. Yenu kati mukalipande cipue ku teula, livula hakati ka meso enu omo vatsi. ² Muomu ove muyati ua kuhaa kuli Yehova Njambi, ove haka Yehova naku hangula mukukala vantu vakafuka, ivene mukahiana vantu vose vali hacihanga camavu. ³ Kati uka lie nakamo kahi kacizila. ⁴ Ava vakeko tusitu vaze vamukuasa kulia: ngombe, mpanga na mpembe. ⁵ Ntava, Livonge, Kaama na mpembe uakumusenge, na andakisi, na antope, na mpanga ua kumusenge. ⁶ Kaha ukulia kasitu uose na tavula zintsende, ali, na zintsende zia kutavuka muvali,kaha akekulia via kullia hakati ka tusitu imukuasa kulia. ⁷ Cipue ngoco, kati mukalie tusiti vaze vantsa cipue vahakti ka vaze vatuhila zintsende, kamelu, na kalimba, na safane, muomu vekulekula viakulia vunnoni kava tavukile zintsende, vakevo cizila kulienu. ⁸ na ngula muomu ikeye u tavula zintsende vunoni kekulekula viakulia; ikeye cizila kulia enu. Ku ntsitu ya ngulu katumu kalieko, naku vivimbi viavo kamukakuatako. ⁹ Ava mukuasa kulia kuvose valu mumema viose: vili na mekenge nama vanda; ¹⁰ Cipue kaviesi na makenge na mavanda vintsakamukalia; vikevio vizila kulienu. ¹¹ Kutuzila vose vakulela mukasa kuliako. ¹² Vunoni ava vakevo tuzila vaze kamukulia cihungu, na ngonga, na nkuaze, ¹³ na mbembe, na cikuatankanga, na kambembe kumiyati yeni. ¹⁴ Kati mukalie nkala kumuyati ua likokololo, ¹⁵ na nkumbua, na cintuemba, ¹⁶ na kandzuezi, na ciselele ku miyati yeni, na cinkungulu, na cikuikui, na ntuvi, ¹⁷ na lituanjimbu, na likuvi, na limbondo, ¹⁸ Kati mukalie na lihanda, na litela kumiyati yeni, na ndahuhu, na lindimandima. ¹⁹ Kaha viose via maava, viaku kalava vikevio vizila kulienu; kamuka vilia. ²⁰ Mukalie tuzila vose vakulela. ²¹ Kati mukalie kucuma ca kulitsila; uatela kucihia kuli niamuiza uze ali hahiehi nambelo yove, ikeye atela kucilia; cipue uatela kucilandesa kuli niamuiza. Muomu enu mucifuti cizi civahaka kuli Yehova Njambi yenu. kamuatela kuteleka muana ngombe muvele anaye. ²² Cilivene ukahana cimo ku likumi kukuima ca mbuto, yove vize vikusoka hamuaka hamuaka. ²³ Kaha ukalia kumeso a Yehova Njambi, mucihela cize cali kahanguala nakutumamesa, lizina lieni kuze cimo cove kulikumi lia mbuto, yove lia viniu, na mazi ove, vundala vuaku vuntamga vuove naku limba liove; linga ulilonge kumu vuila Yehova Njambi vuoma ntsimbu yove. ²⁴ Kaha ngue njila yakulahela ngoco ukuasa kuvi mbata muomu muhela uze uli kulaako cikuma nove ualikangula Yehova Njambi yove ku tumbika lizina lieni kuze omo Yehova Njambi yove akaku vezikisa. ²⁵ Kaha ukavi pandakana na zimbongo, na kukuta zimbongo zize mulivako liove, kaha ukaya kumuhela uze ua likahangula Yehova Njmabi yove. ²⁶ Kaha ukahana zimbongo zize kunkala cuma ciuna leme: ngombe, mpanga, cipue viniu cipue viakunua, via kusasa cipue nkala cuma, muomu uove ukukuvundilaco, kaha ukalia kuze kumeso a Yehova Njambi yove kaha uka zolela cili vene yove na vaka ndzivo yove. ²⁷ NakaLevi uze ali mukati ka zimbelo ziove kati ukamuseze, muomu ikeye kesi na mutamba cioue vusuna hamo nove. ²⁸ Hakuhua ca miaka itatu ukatuhula cimo cose caku likumi lia kuima caha muaka, uze vene kaha uka cilundika katika zimbelo ziove; ²⁹ Kaha kaLevi, muomu ikeye kesi na mutamba cipue vusuana hamo nove, na ntuluue uze alimuntima ya zimbelo, ziove vakeza nakuliako nakukuta, linga Yehova Njambi yove akaku vezikikisa ku cipanga cose ca livoko liove cakulinga.