¹ Sikaho enu vamuanetu hakumanesa tuamivundila muli Muata Yesu nguetu, muze mutuamilekele muatela enu kuenda nakumuvuisa Njambi kuviuka ngue omu mumuekuenda naua, nguetu hambakanenuho cikuma. ² Muomu muantantekeya zitsimbu zize zituamihiele muli Muata Yesu. ³ Muomu mukeko muaya mutima ua Njambi, ngueni mizile kufuma kuvupangala. ⁴ ngueni hamuntu hamuntu mulienu antantantekeye muakuli pandela na mpueyeni mukuzila na mukavumbi. ⁵ Kati mutsile viuma viavipi ngue omo muvatuala vaka mafuti vaze vahona kumuntantekeya Njambi. ⁶ Ngue ngueni, kati muntu amba umo akazomboka na kuonga mukuavo muanaye kucuma nkana ngue muze mutuamihuhumuine naua hakuvaleka nakumileka vukaleho. ⁷ Muomu Njambi katusanene kumazilo, vunoni mukuzila. ⁸ Sikaho, Ou akasembulula kesi na kusembulula muntu cahi, vunoni muna kusembulula Njambi, Ou mukakumbila muzimu uakulela. ⁹ Vunoni hakuvuluka cilemo cakulilema nava muanoko kamuhonene amba njimisonekele naua muomu enuvavene vanamizimbuila laza kuli Njambi kuli lema navakuenu. ¹⁰ Muomu muekucipanga naua kuli vamuanoko vose vaze vali kuMasendonya kuose. Vunoni, enu vamuanetu tuamivundila nguetu, hambakanenuho cikuma. ¹¹ Kaha mitima yenu kukuliungumika, lingenu vienu vavene, pangenu namavoko enu, ngue muze mutuamilekele. ¹² Mangana muende muacili kumeso avaze vali hambandza, mangana kati mukahonoue cuma amba cimo. ¹³ Vunoni enu vamuanetu hakuvuluka vaze vakosa laza tulo, muhone kuntantekeya nguenu, kutina mukulinienga, ngue omu muvalingile vantu vaze vakuhona lutsilielo. ¹⁴ Muomu ngue tuatava nguetu, Yesu uatsile nguetu, asanguka ceka, ngoco vene navaze naua vakosa laza muli Muata Yeau, Njambi akavaneha ceka na ikeye hamo. ¹⁵ Muomu tunaku miambuluila eci halizi lia Muata, nguetu, etu tunapu vakuimuka, etu tukusalaho naku kuiza ca Muata katukulivanga kulutue luavaze vakosa laza tulo cahi. ¹⁶ Muomu ivene Muata akufuma muilu namutambi na lizi lia kangelo, kaha vaze vanatsi laza vali muli Kulistu vakalivanga kusanguka. ¹⁷ Amba etu tunapu vakuimuka, etu tuasalaho vakatuhukuila hamo navakeko hamo mumaselua, mangana tulaliuane na Muata havuntangantanga. Kaha ngoco tukatumama naMuata hamo halietu miaka yose. ¹⁸ Ngecize, livendeziekenu navakuenu namezi aua.