¹ Vunoni via zintsimba na miaka, vamuanetu, yenu kanjapandele kumisonekelavio. ² Muomo yenu vavene muatantekeya muacili nguenu litangua lia Muangana lina kuiza ngue ci cingumba na vutsiki. ³ Omu muvahandekele nguavo, "Ku unda na ku lilama,"Kaha naua kukeza ku luenieka lukeza hali enu. Ika pua naua ngue misongo ya kafumbakazi cili na kusema. Kakuesi noku kuvakatinina. ⁴ Vunoni enu, va muanetu, kamuesi mumilima muomo litangua lina kuiza halienu ngue cingumba. ⁵ Hakupua muvose muvana ceke kaha naua muvana va litangua. ⁶ Sikaho vunoni, kati tukose mutulo ngue muve kulinga vantu vamosi. Vunoni, tukalenu nakalonda na kusisika. ⁷ Muomu vaze vekakakosa vekukosana vutsiki, kaha na vaze ve kupenda ve kucilinga na vutsiki. ⁸ Vunoni hakupua etutua pandama ku mutana, katuatela kupua vakkusisika na kazala lutsilielo lua cilemo ngue nteloya ku ntulo, kaha na lutsilelo lua vuovoke. ⁹ Muomu Njambi kuhangule kuvu tenu vunoni mukatambula vuovoloke mumuli Muangana uetu Yesu Kilistu. ¹⁰ Ikeye uata lutsuililietu nguenu, amba tunaku muka cipue tuakosa tulo, tukahasa kuyoya neni hamo. ¹¹ Kaha vunoni likunduizie nu umo na mukuavo kaha na kulikoesa umo namukuavo nguece omu mumuli laza na kucilinga. ¹² Tulina kulambelela kuli enu, vamuanetu, mutantekeya vaze va fuitangana hakati kenu vaze vamisika muli Muangana kaha na vaze va kaka minangula. ¹³ Tuli na kumiloba naua nguetu muvahie kalemesa kakama mucilemo muomo yavipangi viavo kalenu muku unda mukati kenu vaveu. ¹⁴ Tuava zundula, va muanetu, kolesenumo vaze vilenda, kolesenu vaze va kaku katala, kua sena vaze vakaku zeya, kaha nsipena kuvose. ¹⁵ Monenu nguenu kakuesi umosi auze akahiluisa vupi kumukuavo. Unoni, kaha ha kuvose. ¹⁶ Vuikilenu nstimbu yose. ¹⁷ Vuindilenu cakuhona kueca. ¹⁸ Muviuma viose hane kusangaziekenu muomu eci cikeko cizango ca Njambi kulienu muli Kilistu Yesu. ¹⁹ Kati muzimu muzime. ²⁰ Kati muka yingula via upulofeto. ²¹ Esekenu viuma viose, kaketelenu kuli vize via vuka. ²² Futukenuko kuviuma vose via vupi. ²³ Kaha Njambi ua ku unda ami viukise muua muomose muomose. Muzimi uove uose, muono na muvila vikale viavuatune viakuhona katenga ha kuiza ca muangana uetu Yesu Kilistu. ²⁴ Ua vusunga ou amisana, kaha ikeye akacilinga naua. ²⁵ Vamuanetu, tuvundililinuko netu naua. ²⁶ Menekenu va muanetu vose nakutsuemba ca kulela. ²⁷ Njili na ku milambelela mulizina lia Muangana nguange ou mukanda ou mu utange kuli vandumbuenu vose. ²⁸ Ngozi ya muangana uetu Yesu Kilistu ikale nu.