¹ وبعد كده سمعت صوت عظيم من ناس كتير في السما بيقول:" هللويا! الخلاص والمجد والكرامة والقدرة للرب الهنا، ² عشان احكامه حق وعدل. لأنه دان الزانية العظيمة اللي خربت الأرض بزناها، وانتقم منها لدم عبيده." ^{3 4} وقالوا مرة تانية:" هللويا! و دخانها يطلع لأبد الآبدين." ⁴ وركع الأربعة وعشرين شيخ والأربع وعشرين كائنات وسجدوا لله الجالس على العرس على العرش قالوا: آمين ! هللويا" ⁵ وطلع من العرش صوت بيقول: " سبحوا لإلهنا يا كل عبيده الخايفينه، الصغيرين والكبار" ⁶ وسمعت زي صوت ناس كتير، وزي صوت مية غزيرة، وزي صوت رعود شديدة بيقول: " هللويا! الرب الإله القدير قد ملك على كل شئ. ⁷ يلا نفرح ونتهلل ونديله المجد! عشان عرس الحمل جه، وعروسته زينت نفسها. ⁸ واتعطت انها تلبس كتان ناعم بيلمع، عشان الكتان الناعم هو أعمال بر القديسبن". ⁹ وقاللي: " يابخت المدعوين لعشا عرس الحمل!". وقال:" هي دي أقوال الله الصادقة". ¹⁰ فأترميت قدام رجليه عشان اسجدله، فقاللي: إياك! تعمل كده! أنا عبد زيك وزي إخواتك اللي عندهم شهادة يسوع. بأسجد لله! عشان شهادة يسوع هي روح النبوة". ¹¹ وبعد كده شفت السما مفتوحة، وإذا فرس أبيض والجالس عليه اسمه الأمين والصادق، وبالعدل يحكم ويحارب. ¹² وعينيه زي لهيب نار، وعلى راسه تيجان كتيرة، وليه اسم مكتوب محدش يعرفه الا هو. ¹³ وهو ملفوف بتوب مغموس بدم، واسمه " كلمة الله". ¹⁴ والجنود اللي في السما كانوا بيتبعوه على خيل بيض لابسين كتان أبيض ونقي. ¹⁵ ومن حنكه يطلع سيف مسنون عشان يضرب بيه الأمم. وهو هيرعاهم بعصا من حديد، وهو يدوس معصرة خمرشدة غضب الله القدار على كل شئ. ¹⁶ وليه على توبه وعلى فخده اسم مكتوب:" ملك الملوك ورب الأرباب." ¹⁷ وشفت ملاك واحد واقف في الشمس، وصخ بأعلى صوته وقال لكل الطيور الطايرة في وسط السما: " تعالوا أتجمعي لعشا الأله العظيم، ¹⁸ عشان تاكلي من لحم ملوك، ولحم قادة، ولحم اقوياء، ولحم خيل والراكبين عليها،ولحم الكل: حر وعبد، صغير وكبير!" ¹⁹ وشفت الوحش وملوك الأرض وجيوشهم متجمعين عشان يحاربوامع الجالس على الفرس ومع جيشه. ²⁰ فأتقبض على الوحش والنبي الكداب معاه، اللي عمل قدامه المعجزات اللي بيها ضل اللي قبلوا علامة الوحش واللي سجدوا لصورته. ورمى الاتنين حيين لبحيرة النار المولعة بالكبريت. ²¹ والباقيين اتقتلوا بالسيف الخارج من حنك الجالس على الفرس، وكل الطيور شبعت من لحمهم.