¹ وشفت ملاك نازل من السما ومعاه مفتاح الهاوية، وسلسلة كبيرة على يده. ² فقبض على التنين، الحية القديمة، اللي هو ابليس والشيطان، وقيده ألف سنة، ³ ورماه في الهاوية وقفل عليه، وختم عليه عشان ما يضللش الأمم بعد كده، لغاية ماتكمل الألف سنة. وبعد كده لازم يتفك وقت قليل. ⁴ وشفت عروش فقعدوا عليها، ووخدوا سلطة القضاء. وشفت نفوس اللي اتقتلوا عشان شهادة يسوع وعشان كلمة الله، واللي ماسجدوش للوحش ولا لصورته وما قبلوش العلامة على قورتهم وعلى ايديهم، فعاشوا ومَلكوا مع المسيح ألف سنة. ⁵ ولكن باقية الأموات ماعشوش لغاية ماتكمل الأف سنة. هي دي القيامة الولى. ⁶ مبارك ومقدس اللي ليه نصيب في القيامة الأولى. دول الموت التاني مالوش سلطان عليهم، لكن هيكونوا كهنة لله والمسيح، وهيملكوا معاه ألف سنة. ⁷ لما تكمل الأف سنة هيتفك الشيطان من سجنه، ⁸ ويطلع عشان يضلل الأمم اللي فسي جوانب الأرض الأربعة: جوج وماجوج، عشان يجمعهم للحرب، اللي عددهم زي رمل البحر. ⁹ فطلعوا على وش الأرض، وحوطوامعسكر القديسين والمدينة المحبوبة، فنزلت نار من السما وكلتهم. ¹⁰ وإبليس اللي كانوا بيضلهم اترمى في بحيرة النار والكبريت، اللي فيها الوحش والنبي الكداب. وهيتعذبوا نهار وليل لأبد الآبدين. ¹¹ بعد كده شفت عرش عظيم أبيض، والجالس عليه، اللي من وشه هربت الأرض والسما، ومابقاش ليها مكان! ¹² وشفت الأموات صغيرين وكبار واقفين قدام امام الله، واتفتحت أسفار، واتفتح سفر تاني هو سفر الحياة، واتحكم على الأموات زي ما هو مكتوب في الأسفار بحسب أعمالهم. ¹³ وسلّم البحر الأموات اللي فيه، وسلّم الموت والهاوية الأموات اللي فيهم.واتحكم عليهم كل واحد بحسب أعماله. ¹⁴ واترمى الموت والهاوية في بحيرة النار. هو ده الموت التاني. ¹⁵ وكل اللي مش مكتوب إسمه في سفر الحياة اترمى في بحيرة النار