¹ وبعد كده شفت ملاك تاني نازل من السما، ليه سلطان عظيم. الارض نورت من بهائه. ² وصرخ بشدة وباعلي صوت قائلا:" وقعت! وقعت بابل العظيمة! وبقيت وكر للشياطين، ملجأ لكل روح نجس، ملجأ لكل طير نجس ومكروه، ³ عشان من خمر غضب زناها شربت كل الامم، وملوك الارض زنوا معاها، وتجار الارض اغتنوا من نعيمها الكتير قوي". ⁴ وبعد كده سمعت صوت تاني من السما بيقول:" اطلعوا منها يا شعبي، لحسن تشتركوا في خطاياها، ويصيبكوا من ضرباتها. ⁵ عشان خطياها اتراكمت لحد السما، واتذكر الله خطاياها. ⁶ جازوها زي ما هي جازتكم، وضاعفوا ليها ضعف زي اعمالها. في الكأس اللي خلطت فيها، اخلطوا ليها الضعف. ⁷ علي قد ما مجدت نفسها واتنعمت، علي كدة ادوها عزاب وحزن. عشان هي بتقول في قلبها: انا قاعدة ملكة، ومش ارملة، ومش هشوف حزن. ⁸ عشان كدة في يوم واحد هتصيبها ضربتها: موت وحزن وجوع، وتتحرق بالنار، عشان الرب الاله اللي هيدينها قوي. ⁹ "وهيبكي وهينوح عليها ملوك الارض، اللي زنوا واتنعموا معاها، لما يشوفوا دخان حريقها، ¹⁰ واقفين من بعيد خوف من عذابها، بيقولوا: الويل! الويل! المدينة العظيمة بابل! المدينه القويه! عشان في ساعة واحدة جت دينونتك. ¹¹ وتجار الارض يبكوا وينوحوا عليها، عشان بضايعهم محدش هيشتريها بعد كده، ¹² بضايع من الدهب والفضه والحجر الكريم والللؤلؤ والكتان الناعم والارجوان والحرير والقرمز، وكل خشب عطري، وكل اواني من العاج، ومن اغلي الخشب والنحاس والحديد والرخام، ¹³ وقرفة وبخور وطيب ولبان وخمر وزيت ودقيق وقمح، وبهايم وغنم وخيل، ومركبات، واجساد عبيد، ونفوس الناس. ¹⁴ وراح منك ثمرة شهوه نفسك، وراح عنك كل غني، ومش هتلاقيه بعد كده. ¹⁵ تجار البضاعه دي اللي اغتنوا منها، هيقفوا من بعيد، اللي خايفين من عذابها، يبكوا وينوحوا، ¹⁶ وبيقولوا: الويل! الويل! المدينة العظيمة الملفوفه بلكتان والارجوان والقرمز، المتزينه بدهب وحجر كريم ولؤلؤ! ¹⁷ عشان في ساعة واحدة خرب كل الغني ده. وكل ريس، وكل البحارة اللي في السفن، والمرلاحين وكل عمال البحر، وقفوا من بعيد، ¹⁸ وهما بيشوفوا دخان حريقها، قايلين: هو فيه مدينة زي المدينه العظيمة؟ ¹⁹ وحطوا تراب علي راسهم، وصرخوا وهما بيبكوا ويندبوا بيقولوا: الويل! الويل! المدينة العظيمة، اللي فيها اغتني كل اللي ليهم سفن في البحر من ثرواتها! عشان في ساعة واحدة خربت! ²⁰ افرحي فيها يا سما، والرسل القديسين والانبياء، عشان الرب دانها زي ما كانت هي بتدينكم". ²¹ ورفع ملاك واحد قوي حجر زي رحاية كبيرة، ورماه في البحر بيقول: " زي كده هتترمي بابل المدينه العظيمة، مش هتكون موجودة بعد كده. ²² وصوت اللي بيعزفوا بالقيثارة والمغنين والمزمرين والنافخين بالبوق، مش هيتسمع فيكي بعد كده. وكل صاحب صناعة مش هيتوجد فيكي بعد كده. ومش هيتسمع فيكي صوت رحايه بعد كده. ²³ ونور سراج مش هينور فيكي بعد كده. وصوت عريس وعروسة مش هيتسمع فيكي بعد كده. عشان تجارك كانوا عظماء الارض. لانه بسحرك ضلت كل الامم. ²⁴ وفيكي اتوجد دم انبيا وقديسين، وكل اللي اتقتلوا علي الارض".