¹ Näm ëts nwä’äny mädi tmutänwämp, ku je piknëm ni mä je kyätiketxy mëët tu’k mädi tun itnëp oyëm je tukëyë it tjäkëjëmë. ² Jets je mëjäaÿ pyätkëjy je y’ity nyëm mëët mädi tukëyë y’ixy it tëp kuuëm je tpäa¨t pën junë je tyeety täni ixë. ³ Näynyäjmë ku ëën nä y’ijty nkejx jëkyën ntso mutsk un äjnk metxy yä y’ity näxwinkëjxy ⁴ Ku ojts tyempë tpääty Dios y’uunk tpäkëjxy toxtyëjk jääy kyëxm kyexwinäjky kyejx jë’jky ktutujk pät këjy. ⁵ Nä je ojts tuny ku tpä’äyooy mädi kutujk pätkë’ëy jets nä xkuentëpëjkyën ntso y’uunk tëjk. ⁶ Ku miits je m’uunk etyëdë të je Dios tpäkexy y’uunk jäwëm mä miits m’ääw joojt të mädi käpx kekp “Abba Padre” ⁷ Nä je ke mits tumpë m’ok itnë näjts uunk mits. Pën uunk nä mits, näjts mits Dios m’uunk äjtyënë Cristo këxm. ⁸ Je tyempë mä miits y´ijty Dios xkäixënëm nä miits ojts myëk tä’äkuwänëdë jets metxy y’ittët pëntë këm kyutujk këxm të ke je nyimëjëdë. ⁹ Jets ixyäm ku të Dios x’ixëdë ok mäs téy ku të Dios x’ix ëyën ¿Tso je y’ixë ku je xniwimpit wän ooktë mä ämutsk jets niti kyäwä’äny je je tsoontäjkën? ¿Jäduk yäjë je metxy m’itwä’äntë? ¹⁰ Yë miits jeyë m’äxtuktëp ku xëëw nyexy po’o nyexy jets mäktäxk tyempë tyiketxy mëët jumëjt. ¹¹ Nmutsëjk eepy ëts miits ku ëtsën ntunk niti kyäwyä’änt mëët miits. ¹² Miits nmunukxteky py mugu’uktëjktë näky jyätë ntsoom ëts ntso ëts té nyäky jetyë ntsoom miitstë nintso ëts të xkätuntë. ¹³ Miits mnijäw eedyëp ku pä’äm këxm ojts mutukyäjë tämukäpxtë y’oy aäw ayuujk. ¹⁴ Ke ëts miits ojts nkäoytyijtë ni ke mëj xkäjäw eedyë tso y´ijty nikëjx y’äyoy nä ëts ojts xkuentëpëktë tso Dios kyukexy eewyë, tso je Cristo. ¹⁵ ¿Mä je kyunukxën xyäm y’it të? Tëyëm ëts ixyäm nwä’äny kunä je tjä pääty. Të je jyeexyë wiin x’juut të jets ëts xkëmodët. ¹⁶ Nä tpääty ¿Të ëts mutsip nwimpitnë ku ëts miits tyëy äjtp nwäjnë? ¹⁷ Mku’ämpëjkëdëp je jets mumädäkedët ke je jets oy. Je jetxyoktëp jets ëts xpuwä’äts tët je’ts je txyoktëp. ¹⁸ Oy je ku je nkuämpëjkën mädi oy ke jeyë ku ëts miits nmëëdë ¹⁹ Miits uunk tëjktë ixyäm ëts miits xyëk äyowdë tso je unäjnk yëk pääty miits këxm koonëm Cristo jem kyejx jë’ëkt mä miits. ²⁰ Njä tseky py ëts je jets miits jyeexyë jem yëkxon nmët ity jets ayuujk nyëktikäts t tikéx ku ke ëts nwinmääny y’oyë mëët miits. ²¹ Nikäpxtë ku miits x’ätsoktë m’it të kutujk pätkëjy ¿Ke je xmädowdë tso je kutujk ye’eny? ²² Nä je kyëx jäyë ku Abraham ni metsk ojts unäjnk tmëëdë mutu’uk mädi tumpë toxtyëjk myët ämetsk ëëy jädu’uk mädi jotkujk toxtyejk myët ämetsk ëëy ²³ Tu’uk je kyejxy toxtyëjk nyikëxm mädi tumpë itp tso je nikëjx mëët jets jädu’uk kyejxy toxytyëjk nyikëxm mädi tumpë kä itp käpx pet këxm. ²⁴ Nä yä’ät yëk winjäwët tso tu’uk ayuujk mets yëkwinmäy pyitsemy. Yä´ät nimetsk toxtyëjktë metsk käpx pet tnitenëdë tu’uk je mädi Monte Sinaí je’ts uunk tyëk kexp mädi tumpë itp. Jetse Agar. ²⁵ Agar tse ixyäm nidaneepy Monte Sinaí jem Arabia; Yë tse ixyäm yëk nikejx jeky py Jerusalen, jetse ixyäm it tëp tumpë mëët y’uunk tëjk. ²⁶ Jerusalen mädi äkëxm jotkujk je yëtse ëën ntääk ëyëm. ²⁷ Nä je lyëx jäyë: jotkujk tä’äk mits ku unäjnk xkäpääty jotkujk mkäpxke’ektët yä’äx ke’ektët miits të ku xkänijäwëdë ntso unjäjnk ntso unäjnk kye’exy. Nimäy je toxtyëjk y’uunktë mädi të yëknikeknë ke je nyäjë mädi nyiyä’äjy myët tseneepy. ²⁸ Miits të mugu’ktëjktë tsoom Isaac käpxpet uunk miits të. ²⁹ Je tyempë pën ojts kye’ëxy nikëjx mëët je’ts ojts tpäwitity pën ojts kyejx jë’ëky jäwën këxm näy nyä je ixyäm. ³⁰ ¿Tso je jäywyet ye’eny? KEX PITSËM JE TUMPË TOXTYËJK MËËT JE Y’UUNK. TIKËX JE TUMPË TOXTYËJK KE JE TMOWÄ’ÄNY IT JE TOXTYËJK Y’UUNK MÄDIWË TUMPË KÄ ITP. ³¹ Tikëxëm mugu’ktëjktë ke ëën je x’uunk äjtyën toxtyëjk mädi tumpë itp je mädi tumpë kä itp.