¹ Ku të Cristo jotkuj äjt t’yeky je’ets jets jotkujk mjukyët. Ixyit t ë je jotkujk äjt mädi të Cristo t’yeky jwets kädi miits jäduk oojk mtäntë mä wentuun jety py. ² Ixtë ëts Pablo miits ëts nëjm jeedyë ku miits mnyäcircuncidär ätët ke ti miits Cristo mtäpädëp. ³ Jädukyäjë ëts nikepxy tukëyë yä’äy tyëjk jääy pën nyä circuncidar äjtëp kutujk je nä myumädoopy. ⁴ Wekxy miits Cristo xmët it të ku miits xtsoktë kutujkën këxm wä’äts jät tët ke miits pä’äyoon x’ok ixnëdë. ⁵ Ku je jäwën këxm jets jenxyäwën nä je n’äixy ijtën jotkuj nexy je tyëy äjtën mädi tëy. ⁶ Cristo Jesus këxm ni circuncisión ni incircusición niti kyäwim pitsemy we je tukyë tump jenxyäwën mä jem tsojkën. ⁷ Mput tëp miits të y’ity oy pën të mneemxyë jets ke tyëy äjtëp xmumädo’ot? ⁸ ¡Yä’ät winmääny ke jem myiny pën wäätsojëp! ⁹ Ku jetxy weenë yëkpëjmët levadura mäy eepy je. ¹⁰ Jem ëts nmëëdë jenxyäwën wintsën këxm nits ke miits tiketxy x’ixtët pëm pën käyëk jot kuj äjtëp kyuwetp je oy opyënë pën nä ädetsp. ¹¹ Muguuktë pën ëts xyäm nikepxy py circunsición ¿Tkëx ëts ixyäm nyëk tsip tun ädë’ëtxy? Yä’ät ayuujk këxm je ytse mädi yëk tä’äwop putp të je yooy kruz këxm. ¹² Pën miits jem myëk tu’u tukwäjnëdëp yë ëts ntseky py jets këm tsëjkën myojëdët. ¹³ Tikëx ku yë të yëktä ni wäätsowëdë jotkujk äjt kädimts nä xyëktuntë jotkujk äjt jets nikëjx takoony jety nyëkx kojmët nätyuunxëdë tu’uk jänidu’uk tsojkën këxm. ¹⁴ Tikëx ku tukëyë päwään yëk kuy tyuny tu’uk kutujkën këxm: NÄ JE XTSOKT MUGU’K NTSO KËM MNYÄTXYOKYË”. ¹⁵ Ku miits mnyäy ojëdët mnyätxyutsëdët je äxij jäyäj mnyäky kyudäkoy wyänyëdë nyäkyuwijy ätëdëts jets ke mnyäkyudäkoy tyäjëdët tu’uk jänidu’uk. ¹⁶ Näm ëts nwä’äny tuyoydyë jäwën këxm nits ke x’ätsoktët mädi nikëjx mëët. ¹⁷ Tikëx je mädi yä nikëjx mëët ke je tmët nä myäyë mädi jäwën këxm jets je jäwën txyojkën ke je tmëtnämyäyë mädi nikëjx mëët tikëx ku nyä txyiptujnëp je jets ke xtuk tun wänyëm mädi jyä tseky py xtuk tuunëm. ¹⁸ Pën miitstë wä’äts jäwën tuwäw äjtëp kets m’ittë kutujk pätkëjy. ¹⁹ Näjts täkoony tyuunën mädi näxkëjxy ketse yëk tunt t ku yä’äy tyëjk jets toxtyëjk nä yë txyëëny myuktë näy jyem kyäyëk äjäy myuktë käwá’äts äjtën, lujuria, ²⁰ mädi äwoon näx pyätuntëp, tso’oktëjktë, nyämyu ämpëjkën, tsiptunën, kumu äjtxy eeky, jot ään, mutsip, disensión, nyäwyäkxën, ²¹ tämu ämpëjkën, y’uuktë myukyëdë disturbios, jets tukëyë mädi xyëk täkoyëm, ixyäm ëts nwä’äny: Pëm pën yä’ät tuntäktëp ke tse tpäät Dios teety y’oy äjtën. ²² Jets wä´´ats jäwën tyëëm yë je: Tsojkën, xontajkën, jotkujktäjk, tudä’äky äjt, mugukwänën, tyëy äjt pë, jexyäwën, ²³ näxkëjxy äjt jets këm nyäy ixën, ku nä ntunën ke ti kutujk. ²⁴ Pëm pën myët itëp Cristo Jesus të je kruz këxm tyëk tänëdë je käoy tyunën mädi oy yëk ixp jets mädi yëknätsojk eepy. ²⁵ Pën ëdëm jäwën nmëtjuky ëyëm wen nä tuyo yën jäwën mëët. ²⁶ Ke këxm nyäy jyäw ëyën, tuk jadu’uk otyijë ntsip pëjkën jets äxi äyä otyijë nädyä mu ämpëjkën.