¹ Galatas käwinjäw eewyë! ¿Pën mits té myëk mu’ky jetyë? Ku yëkxon miits mjäyëk tuk ixtë Jesucristo miits tso je ojts kriuz pety? ² Yë’ëts ëts jeyë tu’uk nijäwë wyäjn jeedyëp: ¿Ku tu’uk tyunk këxm je jäwën xkuentëpëktë ok jeyë xtëy jyäwëdë ku xmädowdë? ³ Nä miits käwin jäw eewyë të miits mjä tsoontä’äky jäwën këxm. ¿ xyäm yë xtäpäkukëxë wyä’äny nikëjx mëët? ⁴ ¿Të miits käje nexy mjä’ä yowdë nits niti të kyäwin ke’exy? ⁵ Je mädiwë miits jäwën moyëp jets mädiwë tyumpy milagro milagro mä jem miits ¿kutujk tyunkëxm je nä xtuny ok ku jeyë jenxyäwën këxm xmädoy? ⁶ Nä nixkëm Abraham: “KU DIOS TËYJYÄW ËËY OJTS JE YËK MÄTXYOY JE TYËY TYUNËN,” ⁷ Ni nyäjts miits xwinjäwët pëmpën jenxyáwën këxm Abraham je wyenë uunk äjtëp. ⁸ Je jäywyet jets nijäw äjtën yikejx jeky py, ku je Dios wyenë jenxyäwën këxm tëy wä´äts je wyenë tyëk kejx jë’ëky opyënë jääy, nits oy ääw ayuujk tnikepxy tnimätyä’äky Abraham wyinkukm nits wyääny “MITS KËXM JE IT NÄXWIINY TYÄÄNY” ⁹ Näjts je kunuky xy y’ity jenxyäwën këxm mëët Abraham je yä’äjy tyëjk mädiwë jenxyäwën juky eepy. ¹⁰ Nidukëyë pëmpën kutujk je tyunk tëyjyäw eepy käoytyijën pätkëjy tse: näjts je kyujäy etyë “KAOTYIJËN JE TUKËYË PËN TKÄKUYTYUMP TSOOM KUTUJK JYÄÄYË JEP KYËX JÄYË NEKY KYEXY PY NITS YËKTUNT. ¹¹ Ixyämts je yëkxon yëknijäwë ku kenëm je wyä’äts jety kutujkën këxm Dios wyinkukm tikëX. JENXYÄWËN KËXM JYUKYËT PËM PËN TËY WÄ’ÄTS TUYOYPY” ¹² Jets je kutujk ke tse jem myiny mä jenxyäwën, jets “JE JÄÄY PËN KUTUJK TYUNK TYUMPY NÄJTS JE TÄJYUKYËT.” ¹³ Cristo ojts xyëK pitsëmyën käoytyijën kutujk pät kë’ëy ëëdëm këxm nä jyäywyetyë: “KÄOYTYIJY TS JE TUKËYË MÄDIWË KEPY KYËXM KUTËYËP.” ¹⁴ Nits je Abraham kyunukxën opyënë jääy nyiminët Cristo Jesus këxm. Nits je ëdëm nkuentë pëjkën je jäwën mädiwë nyék täwin wään ëyën. ¹⁵ Mugu’uktëjktë kädi niko m’ok käpx wintëënë ntso yä näxwinët jääy kyepxy. Tu’uk äkäpx tuk mädiwë të yä’äy tyëjk tuny. Nipënts je tkäyëk ätukt nits nipën tkänikon’t ku wyenë të nä yëknäs käpx eenyë. ¹⁶ Ixyämts ntso Abraham ayuujk yëk mooy mëët nidukëyë nyäskexë. Ke nä ye’eny: “Je nyäskexë” ke nidukëyë tä’äixmukt tuukyë jeyë “mits mnäskexë mädi je Cristo. ¹⁷ Yä’äts je mädiwë ëts ixyäm nikäpx wempy je kutujk mädiwë miin ku y´ijty të nyexy mäk täxk mukepxy je iipx jumëjt ke je këm tkexy je wäntä’äky mädiwë ojts Dios tyëk ni oyë. ¹⁸ Tikëx ku mädiwë myëkë mo wämp kutuk këxm myiny ke tse wämpejt këxm y’okminë Jets je Dios ojts tmo’oy Abraham tu’uk wämpejt këxm. ¹⁹ Ntso y’ixë y´ijty kutujk tyunwä’äny näjts je yëktäpukoon ëëy je täkoony je täkoony jets ku je myintë nyäskexë mädiwë të wyenë wämpejt yëktuny nidanewyë kyëjëm këxm ojts angeles yëktäkëtëkë kutujk. ²⁰ Kots ixyäm tu’ukë jääy tmët näkyepxyë jätyëy jädu’uk ke’ts je pën nidäneewyë jets je Dios këm ojts jätyëy wämpejt tämët tuny mëët Abraham. ²¹ Näjts je ¿wimpity kutujk mädi Dios wyämpejt eepy? ¡ke je nyäjë! Ku jeexyë kutujk t’yeky tu’uk jyuky äjt jets tëytyuun tëy nyexy ts je jyexyë myin kutujk jety py. ²² Jets jäywyet tyëk ätuky täkoony pätkëjy jets yä’ät wämpejt yëkë mo’oy tëyjyäwëdë Jesucristo jyenxyäwën këxm. ²³ Ixyäm, ku kenëm y´ijty myiny jenxyäwën metxy tsumy ëdëm y´ijty n’ijtyën kutujk pätkë’ëy puxtëk tseneewyë je y’it të koonëm jenxyäwën nyikejx jë’ëjky. ²⁴ Näjts ojts kutujk wyimpity pën ku ätsojëm kuunëm ojts Cristo myiny nits ëdëm nwä’äts äjtën jenxyäwën këxm. ²⁵ Kots ixyäm të jenxyäwën myiny ke ëdëm ixyäm ku y’ätsowë pyätkëjy n’ok jukyë nyäyën. ²⁶ Tikëx ku miits Dios m’uunk etyë je Cristo Jesus jenxyäwën këxm. ²⁷ Ku miits nimäy mnëpet të Cristo këxm tëts je miits xkuentëpëktë Cristo. ²⁸ Ke’ts je pyën ity Judíos ni Griegos, nikyäpën ity tumpë jääy nikyäpën ity pën jotkujk witit tëp ke pën ni yä’äy tyëjk ni toxtyëjk jääy jäkëxts miits tukyë Cristo Jesus këxm. ²⁹ Pën miits je mët ity’py je Cristo, miits je Abraham m’näske’xë, jets xmutäntët je wäm pejt.