¹ Nits ku y’ijty ku y´ijty mäk metsk jumëjt të nyexy nits ëts Bernabe nmët pejty jem Jerusalen mëët Tito ëts mpäwääy. ² Äkëxts ëts je m pejty ku ojts n’ixy, nits ëts oy ääw ayuujk mädi ëts mëk nwäjn jeepy opyënë jääy. Äwëky ëts je nwäjn jääy mädi kejx jëk tëp jets nimëj je tyuntë näjts yëkxon n’ixy pën ke ëts putp n’yo’oy pën ke ëts të nigo nwitity. ³ Nits ni Tito mädi e¨ts y´ijty jem xmët itp Griego tjäAý je y´ijty jets yëk tä’äkuwän ëëy jets nyäy circuncidar ätët. ⁴ Je mugu’uktëjk të mädiwë tyëywyë kyätuntëp äyu’utxy ämeetsk myintë jets tpäixtë mädi mädäjkën yëk mëët Cristo Jesus këxm nä je y´ijty tsoktë tumpë xyëkt it. ⁵ Ke’ts ëëts je nä nmumädoodë nijunë ëëts nä nkätuuny jets tëy äa´w ayuujk jem y´it mä miits. ⁶ Jets jedë mädiwë y´ijty nä kextëp jets nijäwë je y´it të pentso y´it të ke ëts je ntunkë je ku Dios txyeky py je nidukëyë jedë mädiwë y´ijty nä kextëp jets nijäwé je y’it të niti äweky nyämpë ayuujk xkä äkuwä eedyë. ⁷ Nits jyä’jty nits je t’ixtë jets të ëts ntëy jyäwë oy äa¨w ayuujk mädiwë känyä circuncidar äjtëp nëm, nä tsoom Pedro je twäjnët oy ääw ayuujk mädi y´ijty të nyäcircuncidär äjtyënë. ⁸ Dios je mädiwé tuun jem Pedro jyuky äjtën jotm näy nyäjts je Dios tyuuny ëts njuky äjtën jotm jets ëts nwäjnët opyënë jääy ⁹ Ku Santiago, Cefas mëët Juan nä je y’ijty yëk ixëdë jets je tnimëk eedyëp jep tsäptiky py jets twinjäw eedyë ku jets je pä’äyoon të nyëk këmo’oy nits äkä’äny kyë t’yäktë ku tukyë tmëtnyämyäyë Bernabe mëët ëts. Äkëxts nä tuntë jets ëëts jem nëkxtët mä opyënë jääydyë Jets jedë jem nyëkx tët jem mädë nyäcircuncidär äjtényë. ¹⁰ Jeyë ëëts jedë xnëjm jeedyë jets ëëts njääy myetstët äyoop jääydyë nä ntsoom éts y´ijty ntseky ntun wä’äny. ¹¹ Ku Cefas jyä’äjty jem Antioquia nits wyinkujky nyim wyinkuwäjk ëëy tkëx ku ke oy tyuyo’oy. ¹² Ku näy jyem y´ijty kyäjä’ät të pën Santiago myët tuntëp Cefas yukyë je y´ijty opyënë jääy tmët käy. Ku je yä’äjy tyëjk jyä’ädë nits äweky nyäy jyë pëjkënyë ke opyënë vjääy t’okmët yoymyuknë, Je ojts y’ätsëk etyë mädi mëk tniwäwäntëp Circuncisión. ¹³ Nits judíos mädiwë të wyintänkëxnë nä nyä yoymyuktë jets ke myugu’k tëjk t’ok mukäpx nëdë Bernabe päät nä y’ädëjtxy käoy tu’u tpäniky xy. ¹⁴ Ku ëts ojts näj n’ixy ku ken ä tuntë ntso tyëy äjtën ntso y’oy ääw ayuujk nits Cefas nëjm ääy Cefas jem nidukëyë wyinkukmtë, mjudio tjääy mits jets näjts mits jukyë ntsoom opyënë jääy jets ken ä tsoom judío ¿Tso y’ ixë xtä’äkuwänët opyënë tjääy jets nä jyukyët ntsoom judíos tjääy? ¹⁵ Judios ëën y´ijty ku nkejxyën jets ken ä tsoom opyënë jää täkoywyët ëjktë. ¹⁶ Nijäw ëyëm ëën je ku nidukën jääy kyäni oyë kutujk tyunk këxm. Tikëx nitukën nikëjx kyäni oyët kutujk tyunk këxm. ¹⁷ Näjts je yäm ëën nä tun wä’änyën Cristo këxm, näy nyäjmë ëëts näjts ëën kejx jëkyën täkoywyë jääydyë ¿Cristo mtse täkoony tyëk wäkx täkp? ¡ke tse nyäjë! ¹⁸ Ku ëts jädukyäjë nyëk ä oyët mädiwë ëts të wyenë nyëk kudäkoy ke’ts ëts je wyenë nmumädoy tso ëts je wyenë të nijäwë. ¹⁹ Tikëx ku kutujk Këxm je tëts ëts n’ooknë kutujk këxm Jets ëts nä Dios këxm njuky eenyët. ²⁰ Të ëts Cristo nmët kruspetnë ke ëts këm n’ok juky eenyë Cristo juky eenyëp mä ëts. Je juky äjt ntso ëts nikëjx mëët njukyë jenxyäwën këxm ëts xyäm njuky eenyë Dioa y’uunk këxm pën ëts xtsojk jets këm nyäkyë yäjkë ëts këxm. ²¹ Ke ëts je Dios pyä’äyoon n’ixyujpë tikëx ku je tëy äjtën wä’äts äjtën jyeexyë yëkpaäty kutujkën këxm ¡näjts niko Cristo y’ojky!