¹ Näjts Agripa tnëjm ääy je Pablo: “Mits këm mnyänyikäpxëp." Nits Pablo xyäjtëëy nits ojts kyepxy. ² "Jotkujk ëts këm nyäyjyäw etyë. Wintsën Agripa ku ëts xyäm këm nikäpx wä´ány mits winkujky mädi ëts judíos tëjk xtäniwampetp; ³ jeku mits tukëyë xnijäwë kiostumbrë mëët y´ixpëjkën ägëxts ëts mits xyäm n´ämädoy jets xmädojët ëts n´ayuujk. ⁴ Tëynyexyë nidukëyë judíos tnijäwë tso y´ixë ëts ojts njukyë ku ëts n´unäjnkë jem ëts nkäjp jotm Jerusalen. ⁵ Jeem ëtxyë x´ixëdë ku ëts njuky ëëy tso´om Fariseo tu´uk Secta mëk pyäyo´oyë mä ëts ntu´u yojy. ⁶ Ixyäm ëts yä ntenë jets éts nyëktëy tyun´t ku ëts mpäwitity wäntä´äky mädiwë Dios tyuun mëët ëën nteety ntääk. ⁷ Ye je wäntä´äky mädiwë mäk metsk tribus jyäixtëp y´ijty nits tkuentëpëktët ku jedë itpnexy wintsëjkën Dios tmodë jä xëjny jä koots. Je äixy ijtën, wintsën Agripa mädi ëts judíos xtäniwämpetp. ⁸ ¿Tso y´ixë ku nidugën nä wyinmäy jets ätëy täteny ku ookpë jyuky pyeky? ⁹ Tu´uk tyempë ëts ojts n´okwinmäy jets tump ëts je käwinëmpyë ku ëts nmuämpeky je Jesus Nazaret xyëëw. ¹⁰ Yë ëts ntuun jem Jerusalen nimäy nyexy ëts ojts nyëk ni ätukpety tëyjyäw eewyë jep puxtikypy teety nyiwintsën kyutujk ojts nkuentëpëjkë kots ojts je y´ook këxtë nits ëts nä voto ntuuny. ¹¹ Mäy yäjë ëts ojts nä nwentuny tukëyë mä yoymyuk täjkën nits ntääkuwän ëëy nits jyeexyë kyäpxtäkoy, mëk nexy ëts y´ijty nmu ämpeky nits ojts mpäwitity jäkem päät. ¹² Ku ëts jem y´ijty nä ntuny, nits ëts nikxy jem Damasco je teety nyiwintsën pyäwän këxm; ¹³ ku ëts y´ijty jem ntuyo´ojy, kuk xyëëw nits ëts n´ixy tu´uk äjääjk je weenë mëk je y´ijty tyeekxy ke xëëw nits y´äjäy tuk niwitity mä ëts jets mä mëët ëts nmugu´uktëjk mädi ëts y´ijty jem nmëët. ¹⁴ Ku ëëts nidukëyë näxkëm nkäts kidä gëjxy, nits nmädooy tu´uk ääw ayuujk Hebreo: "Saulo Saulo ¿tigo ëts mits xpäwitity? Tsu´ux mits je xäwë xuwät xnept. ¹⁵ Nits ëts nëjm ääy: '¿Mpën mits wintsën?' Wintsën y´ätsooy: 'Ëts je Jesus mädiwë mits mpäwitypy. ¹⁶ Putë´ëk ixyäm tekyukë ägëx ëts mits mwinkujky nyäk nyikejx jëgyë jets ëts mits ntumpët nijäw eewyë mits të mteny ku ëts mits ixyäm të x´ixy näy nyäj ë mädi ëts mits wyenë ntuk ixpy ntuk nijäw eepy; ¹⁷ ëts mits jem nyëkpitsëmp ku ëts mits jem mpäkexy mä Gentiles, ¹⁸ nits xyëk win ix wäkxt nits xyëkwimpt t äkotxyë tupy jets xyëknëkxt äjääjk ätujy. Mëkujy kyëjëm pyitsëmt nits Dios kyëjëm y´ät t jets tkuntëpëkt je täkoon y meekx tujkën Dios jye´e mäwë ëts nmoypy Herencia mädiwë nyäkwyä´äts jätëp jyenxyäwën këxm mä ëts.' ¹⁹ Jegëxm wintsën Agripa, ke ëts ojts nkämumädoy je visión mädi tsäpjotm; ²⁰ nits ojts ntämumä tyä´äktë tuwëkp Damasco nits Jerusalen nidukëyë judea y´itjotm mëët näxwiinët jääy nits ntämumätyä´áky jets twinmäyëm pit tët nits Dios tëy jyäwëdët näjts je tuntët ntsoom wyenë të twinmäyëm pit të. ²¹ Jägëxts ëtxyë judíos je tsäptikypy jetypy xmätstë jets y´ijty ëts xyëk ookwä´äny. ²² Dios ëts xputëjk eepy ixyäm päät ägëxts ëts n tenkyukë jets ëts nwäjnä opyënë jääy jets mädi nimë it tëp tso ojts wyä´äntë profetas mëët Moises ti je tunwäjnëp wyenë; ²³ ku Cristo pätëp je y´äyo´ot nits je tuwëkp jyukypyëkt mä jep ookën nits tnikäpxt äjääjk jem judío kyäjp jotm mëët näxwiinët jääy. ²⁴ Ku y´ijty Pablo tyëk kukëxë wyä´äny y´ääw y´ayuujk mädi nyädyä niten äjtëp, nits Festo mëknexy wyänkejky: “Pablo të mits mu´uky jyätnë; ku mits mäynyexy nijäw äjtën xmëëdë yëts të myëk mu´uky äjtnyë”. ²⁵ Nits Pablo wyääny: "Ke ëts nmu´uky jyety mits nimë nexy Festo; tyëywyë ëts nuä´ány nits wijy ëts nkepxy. ²⁶ Nyijäw eepy yë´ë niwintsën; ägëxts ëtxyë nä nmukepxy mädi ëts ntëyjyäw eepy ke txyë kyuyutxyë mä yë´ë; ke yä´ät ämeetsk yä´ät näj tyunyë. ²⁷ ¿Mtëy jyäw eepy mits Profetas wintsën Agripa? Nijäw eepy ëts ku mits xtëy jyäwë." ²⁸ Ägripa tnëjm ääy Pablo: "¿Jetyëy ëts xtuktëy jyäwët jets ëts ncristiano tëkët?” ²⁹ Pablo wyääny: "Ëts nmunukx tekypy je Dios jetyë o jekynyëm ke mits je´eyë näy nya¨mädi xyäm myädoodëp nits nä tu´unt tso´om ëts jets ke pujxtëpxy myëët wyitit t." ³⁰ Nits niwintsën tyenkyuk äjty mëët yëk kutukpë mëët Berenice mëët mädi y´ijty jem tsëneedyëp; ³¹ ku salón tikypy pyitsëmtë nits nyäkyep xyëdë nyäyenyëdë: "Yë yä´áy tyëjk ke ke ti tuny jets y´ookt ok tsumy y´it." ³² Agripa tnëjm ääy Festo: "Yä´át yä´áy tyëjk yëk mäts tutp yë jyeexyë ku jyexyë yë ke tseky t´ánëkxët Cesar."