¹ Ixyäm, Festo tyëjk ëëy jem it jotm, nits kyuduwëëk xëëw nits txyojny Cesarea nits jyä´ty Jerusalen. ² Teety nywintsën mëët judíos tëjktë niwämpejt tyëkmintë nits Pablo täniwämpety nits ojts mëk myukepy xyëdë, ³ nits ojts mäy äjt t´ämädowdë kets ku Pa blo ätsux it joojty je nits Festo tniwäämukët nits Pablo tyëkmintët Jerusalen nits jedë jyeexyë tuäjy tyëk ooktë. ⁴ Jets Festo iätsooy nits Pablo puxtëk jääy jem je y´ity Cesarea nits je këm wimpit wanëp tse y´ijty. ⁵ "Näjts ixyäm pëmpën Mádäktëp ixyäm", nits wyäny je: "nits ëëts jem xpätsoontët. Pën jem je ti kyäoyë mëët je yä´äy tyëjk nä jts miits je jem xniwëktsowët." ⁶ Festo ojts tyeny tuk tujk xëëw ok mäjnk xëëw nits ojts nyikxy Cesarea nits kyujäwom txyënë y´ixtäjky mäjem yëk kutuky nits tniwä wääny nits Pablo tyëkmintët. ⁷ Kots jyädë judíos tëjktë mädiwë Jerusalen nits twinku wäjk eedyë nits tyëknikejxjëktë mëk niwämpejtën mädi kä ojts tyëytyëkë. ⁸ Pablo ojts këm nyänyiten etyë nits wyääny: "Ëts ke ëts të ti ntuny käoy mä´äm judíos kyutujk ni judíos mëët txyäptëjk ni Cesar ëts nkätsip ixy." ⁹ Je´ts y´ijty Festo txyekypy nits judíos mäy äjt tmumädä´äkt. Nits ojts Pablo t´ätsoy tnëjm ääy: "¿Mtsekypy mits mpet t Jerusalen nits ëts mits yä´ät ntätëy tyunt jem?" ¹⁰ Pablo wyääny: “Ëts ixyäm ntenë Cesar kyutuktäjk äjy wyinkujky mä ëts jyeexyë nyëk tëy tyuny nitu´uk ëts të nkäwintsoy judío nänixkëm yëkxon x´ixë. ¹¹ Pën tëm ëts käoy ntuny. Ok pën tëëm ëts otyyë je tuny nits ëts n´ookt, ke ëts nkäku´peky nits n´ookt jets niwämpejt niti kyäwä´äny nipën ëts xkäkëyäkt yë kyëjëm Cesar wyinkukm ëts nëkx wä´ äny." ¹² Ku jäwyiin ojts Festo tmëtnäkypxyë myét kutunk tëjk, nits y´ätsooy: "Mits m´änëkxë wyempy Cesar änëkxë Cesar." ¹³ Nits jetyë kumäy xyëëw nyäjxy Nits niwintsë Agripa mëët Berenice jyä´ädë Cesarea nits tkujuyty ku jem t´is ix wä´äny Festo. ¹⁴ Kots jem y´ijty të txyëënë mäy xyëëw Festo ojts tmumätyä´äky më niwintsën tigëxëm y´ijty Pablo jem nits wyääny: "Tu´uk yä´äytyëjk Felix ojts yëktenyë jets pyuxtëk tsëënë. ¹⁵ Ku ëts y´ijty Jerusalen, niys teety nyiwintsën mëët judíos nyimä jääy tyëjk nits ëëts xwän jeedyë t´ijty tyaniwäm petypy yä´ät jääy nits wyäntë nbits n´äyom pëmt. ¹⁶ Nits ëts n´ätso ëmpijty jets ke nä Romanos tkostumbrë nits tkëyäkt kenëm wyenë tmët näwyintsoyë mädiwë niwämpejtëp jets të je wyenë tyempë tmëëdë jets nyänyiten ätët pën ti je yëktäni wämpetp. ¹⁷ Kots ojts jyä´ät të ke´ts ëts ojts n´äixy jetyë kyum jäwomëp jetyë ëts jep ntsënë y´ixtäjky mä yëk kutuk täjk nits jetyë niwäwääny nits tyëkmintët je jääy. ¹⁸ Kots niwämpetpë tyeny kyuk eedyë nits tjäkniwäpet të näm ëts tseemy nwinmäy mädi yëktä niwämpetp ke ëts je ntijy myëk ayuujk kë. ¹⁹ Nits ojts tyëktsip jät të mädiwë këm pyätun eedyëp nä nixkëm Jesus mädi të y´ooknë jetsa mädi Pablo näy tyijpy jets juky eepy je. ²⁰ Ke ëts y´ijty nijäwë ntso y´ixë nkupäa¨dët yä´ät ayuujk nits nyëk tëëy mnëkx wäntëp jem Jerusalen nits yëktëy tyunt yä´ät ayuujk. ²¹ Jets Pablo t´ämädooy jets guardia ixyitët pëntso emperador y´okwä´äny. Nits ëts ojts niwäwä´äny jets wen jem tyëk äixtë koonëm ëts mpäkext mä Cesar. ²² Agripa tnëjm ääy Festo: "Ëts jyeexyë mëët n´ämädow wempy yä´át yä´äytyëjk." "Jäwomnën" xmädo´ot näm nyëmxé Festo. ²³ Najts kyujäwomëp Agripa mëët Berenice nits y´okjädë mëk jety nyäxyoxyëdë të: Nits tyëjk eedyë salón mëët soldado tëjk mëët yä´äy tyëjk jääydyë mädi nimë it tëp ku Festo tniwäwäany nits ojts Pablo yëkpäwäy. ²⁴ Nits Festo tnëjm ääy: "Niwintsën Agripa nidukëyë yä´áytyëjk jääy mëët ëëdëm miits m´ixtë yä´ät yä´äy tyëjk nidukëyë judios myäy jyääy ëts xyëktëëdë jem Jerusalen nits yä mëët mëknexy wyäntë nits ke yë y´okpäjt äjtyënë jets jyäk jukyët. ²⁵ Kots ëts nijäw ëëy ni ti y´ijty täm të tkätuny jets tku oogët kots këm tsojky nits t´änëkxë wyä´äny emperador nits ëët nwääny wen t´änëkxë. ²⁶ Niti ëts ayuujk tyëywyë nkämëdë ti ëts njä´äypy jets ëts ntänikext emperador, ägëxts ëts yë yä nyëkminy mä miits yä jets ëts njäkpät ädëts tso y´ixë ëts yä´ät njä´äyty jets nä nuäjnët. ²⁷ Ke je wenäj tpääty nits tu´uk puxtëjk jääy yëkpäkext jets nänyäj tigëxëm je yëkniwëktsowë.