¹ Nits kyumuwoxk xëëw Ananias teety nyiwintsën mëët tu´uk jety mäjääy tyëjk mëët tu´uk orador mädi xyëëw Tertulo nits jyä´dë jem je yä´áy tyëjk tyëkmintë niwintsën je Pablo tniwutëk të. ² Ku Pablo tyenääy wintsën wyinkukm Tertulo ojts nyiwämpet äxä yë: "Nits tnéjm ääy niwintsën mits këxm xyäm mëj jotkujk nmëët ëyën ku mits x´ixy xnijäwë jets winmääny tyikätst yä ëën nkäjp joojty; ³ ägëxts ëts mits nmo´oy käpx pokxën je yukëyë mädi mits mtumpy mits nimë Felix. ⁴ Näj kë ëts mits nigo njäyëk äixt xyämts ëts mits nëjmë jets weenë xmädogojt tso ëts nwä´än wä´äny. ⁵ Nits ëëtstë mpääty yä´ät yä´äy tyëjk näj yë tso´om tu´uk plaga yë nä yëkjetypy jets nidukëyë judíos tëjk tuknäxwiiny kyäokmädoonë. Yë nimë tump mä secta mädiwë nazarenos, ⁶ Yë jääy ke t´okwintsëjk eenyë tsäptëjk jägëxts ëëts nmätstë nä ee¨ts y´ijty ntëy tyunwä´äntë ntso ëëts nkutujk. ⁷ Jets Lisias mädi oficial myiny mëknexy nits ëëts äkuwänë xpëjk ääy. ⁸ Nits ëëts xpäkexy mä mits mits këm tëy tyun Pablo nits xwuinjäwët tigëxëm ëëts niwëktsowë." ⁹ Nits judíos tëjk tniwämpejty Pablo nits wyäntë je ayuujk nä´äm je. ¹⁰ Ku gobernador kyë´é tyëk yo´ojy jeys Pablo yëknéjmë jets kyäpxt, Pablo y´ätsooy: "Nä ëts nwinjäwë jets mits mtëytyump mäy jyumëjt yä käjp joojty, xyämts ëts mits tukëyë nwäjnët. ¹¹ Iits këm m´ixp mnijäwëp ku kenëm nyexy mäk metsk xëëw ku ëts pejty nukxtäkpë jem Jerusalen; ¹² ku yëdë ëts xpäjty tsäptikypy, nipën ëts ojts nkämët nyäy y´ojy yë nintso ëts mäy jyääy nkänëjm ääy ni yoymyuk täjk jetypy ni më käjp jotm. ¹³ Yëdë nike tyëktëy tyëkëdët tsoom ëtxyë xniwämpet ooktë. ¹⁴ Jegëx ëts nikepxy ku je tu´u mädi miits mtijtëp secta.nä jie tu´u ëts mpänikxpy je Dios ëts ntuj jeepy mädi jekny eewyë.ná ëts je tuny ntso´om jep profetas tëjk ojts t´ääydyë. ¹⁵ Näynyä ëts ntëy jyäwë tso´om yä´ät yä´äytyëjk të t´äixtë ku je myint je ookpë jyuky äjtën äkpxy mädi wä´äts mädi kä wä´äts. ¹⁶ Jägëx ëts itp nyämyëk mo´oyë nits nmëëdët winmääny oy mä Dios wyinkukm mëët näxwiinyët jääy. ¹⁷ Ixyäm ku jeknyë ëts nyëkmiiny putëjk ëëny jem ëts n´itjotm méët meenhy tso´om regalo. ¹⁸ Ku ëts yë nä ntuuny nidugën judíos mädiwë jem Asia nits ëts xpäjty mäje ceremoniamä nyäkwyäts äjtën jep tsäptikypy ke mäy jyääy myëët.niti ëts nkäyëktsip jety. ¹⁹ Yä´ät yä´äy tyëjktë mits winkujky jyeexyë ixyäm nits tnikäpxtët të ëts xtämutsip eedyëp pën jem otyiiyë. ²⁰ Kots ke yëk ém yä´äy tyëjk nyikäpxtëp ti peky ëts të xtämupädë ku ëts ojts jem ntenë judíos kyutuk täjk äm; ²¹ jäkweenë tu´uk winkon ayuujk ku ëts mëk nuääny miits winkujky ku je ookpë jyuky pyëjkën mädiwë ëts ixyäm xtä tëy tyump." ²² Nits Felix të je y´ijty tnijäw eenyë tso´om je tu´u nits tyëk ätujky audiencia. Nits wyääny: "ku je soldado niwintsën mädiwë xyëëw Lisias wyinäkt jem Jerusalen. Ëts je nijäwëp tso y´ixë yë wyin oyët mits m´ayuujk." ²³ Nits je tpäwääny Centurion nits t´ixyit je Pablo nits jyeexyë tmëëdë äwäts äjtën nits nipën myugu´ktëjk tkäis ixtët ti käti ijty xyëp. ²⁴ Ku y´ijty të xëëw nyexy nits Felix wyimpijty mëët tyoxtyëjk Drusila je toxtyëjk judía je nits ojts Pablo tnäkyëwyäyë näjts je tmädo äaÿ je jenxyäwën mä di Cristo Jesus. ²⁵ Ku ojts Pablo tämët kepxy tso´om je tëy tyunën jets dominio propio jets tyëywyë tëy tyuun mädi mimp kidäkp. Felix txyëjkë tyäkooy nits wyääny: "Nëk ixyäm. Jäweenë it ku ëtxyë tyempë tnmëdët äduk yäjë nits ëts mits ye´et nwäätso´ot." ²⁶ näy jye tyempë, je y´ijty y´äixypy jets Pablo myojët meeny ku je wenëna¨t´isnägyëwyäyë jets tmët näkyepxyë. ²⁷ Ku nyäjxy metsk jumëjt, nits gobernador tëjk ëëy porcio Festo ku y´ijty të Felix tyuny. Jets Felix judíos y´ijty myët mädäk wempy, ägëxts ojts nä tyëk jety jets Pablo ixyity jyäk it ädë´ëtst.