¹ Pablo ojts t´äxtuky jätyëy je tëy tyumpëtëjk nits tnëjm ääy: “Mugu´uk tëjktë të ëts njukyë Dios wyinkukm oy ntsoom ixyäm yä´ät xëëw.” ² Jets teety nyiwintsën Änänias ojts tpäwä´äny pën jety je y´ijty pä´äjy nits nits y´äkojxjëgët y´äáwäk äjy. ³ Nits ´Pablo tnëjm ääy: “Dios mits mkoxëp, mits poop ne´ey. ¿Ku mits jem mtsëënë nits ëts xtëy tyu´unt ntsoom kyutujk nits xnipäwä´änt jets ëts nyëk koxt, mädi ke näky kyutuky?" ⁴ Jets pën jety je y´ijty winkon wintenäyëp nyëmxëdë: "¿Nä mits Dios tyeety nyiwintsën xmukäpxtäkoy?" ⁵ Nits Pablo wyääny: “Mugu´uktëjktë ke ëts tseemy nijáwë jets teety nyiwintsën täm yë. Nä yë jep jäywyetyë, KE KÄOY XMUKÄPXT MÄDI TNITEN EEDYËP NÄJX KÄJP." ⁶ Kots Pablo ojts t´ixy ku jem mä yëk ktukpë tëjk nikukwekxy jem Fariseos nits jänigukwekxy jem y´ijty Saduceos jets jep mëk empy ojts kyepxy jets wyääny, “Mugu´uktëjktë ixpekytyëjk ëts ixpëkytyëjk myäjnk tigex ku ëts ntëyjyäw eepy ookpë jyuky pyëjkën mädiwë ëts ixyäm yëktätëy tyump." ⁷ Kots je nä wyääny nits ojts tsip txyoontä´äky mä´äm Fariseos mëët Saduceos nits ojts mäy jääy nyäwyäkxëdë. ⁸ Je ku Saduceos nä je wyä´äntë jets ke ookpë y´ok jyuky pyëkjnë jets nikyäpën ity je angeles ni espíritu jets Friseos tyëyjyäw edyëp tse je tukëyë. ⁹ Näjts ojts mëknexy txyu´ux jety jets nidugën jäywyëjk tëjk mädiwë y´ijty myët itypy Fariseos tyenkyuk eedyë nits nyäwyäjnëdë: "Ëdëm niti käoy nkäpäjtyën mä´äm yä´ät yä´äytyëjk”. ¿Ko tu úk jäwën ok angel yë të myukepxyë?" ¹⁰ Kots ojts mëknexy nyäy o äxäj yëdë nits ëts ixyitpë niwintsën tyxyëgë tso ku Pablo yëktänujkë kyëxt jäg¨pexts ojts tpäwä´äny soldado tëjk nits wyinäktët nits tpëktët äkuwänë jem yëk kutukpë y´ägukm nits tyëknëkxtët jep fortaleza. ¹¹ Jets kyujä duktsuj je wintsën ojts wyäk oyë je pyä´äjy nits nyëmxë: “Kadi mtsëgë nä nixkëm ëts të xnikepxy xnimätyä´äky jem Jerusalen näynyä pyäätyë jets xmunëkxt myätyä´äky jem Roma." ¹² Kots ojts it xyëjnyë nits ojts nidugën judíos tëjk ojts tkepxyëdë nits këm ojts tnädyä nikepxyëdë käoy äjtëm mëët tu´uk w äntä´äky jets kyäydyët iuuktët kuunëm tyëk ooktët Pablo. ¹³ Je it niwixtekxy jä´äy mädi nä tkepxy eedyë. ¹⁴ Nits jedë nyëkxtë mä teety nyiwintsën mëët mäjääy tyëjk nits tnëjn jeedyë: "Të ëëts nädyänikäpx etyë käoy äjtën jets niti ëëts nkäjëëkxt koonëm ëëts nyëkpä ookt Pablo. ¹⁵ Jegëxts ëëts mits nëjmë nits yä´ät tukëyë yëk kutukpë tnëjmët yë ixyitpë niwintsën nits wen tyëkwineky yä mä miits, kots miits wyenë miits y´ayuujk xyëkwin oyë wyäjnëdë. Nits ëëts të wyenë näk nyi oy etyë nits nyëkpä ookt ku kenëm je wyenë myiny yä." ¹⁶ Jets ku Pablo txyë´ë myäjnk tmädooy ku nä y´ijty të yëknikäpx täägë näjts je ojts nyikxy jets tyëjk ëëy mä jep fortaleza nits twän ääy je Pablo. ¹⁷ Nits Pablo ojts twäätsoy tu´uk soldado niwintsën, "nits tnëjm ääy mëët yä´ät mixy mä´äm ixyitpë niwintsën je ku jem otyiyë tämumätyäk wä´äny." ¹⁸ Najts je soldado nyiwintsën tpäwääy je mixy nits tyëknikyxy mä´ám jep nimäj nits tnëjm ääy: "Pablo mädi puxtëk jääy ëts të xwäätsoy nits të t´ämädoy jets nyëk mint yä´ät mixy. Jem yë weenë mukäpx wä´änyë." ¹⁹ Nits je nimë tpäwääy mä nipën kyäpën ity nits tyëktëëy: "¿Ntso ëts xnëm wäjnë?" ²⁰ Nits je mixy wyääny “Ye judíos të tkepxyëdë nits m´ämädow wä´änyë jets xmëdët Pablo jäwom mä´äm kutuktäjk ntsoom jyeexyë jedë tjägyëk tëw wä´äntë mädi ayuujk eepy. ²¹ Ke´ts xkëyäkt je kyëjëm tigëx ku jem niwixtekxy jääy t´äixt. Jedë kë´m nyäpyemyëdë käoytyijën pátkëëjy jets ke kyä´ydyët y´uuktët koonëm tyëkpäooktët, tëts ixyäm nyäk nyi oy etyëdë jets t´äixtë ntso tsoktë. ²² Näjts nimë tyëk nikxy je mixy ku jäwyiin tnëjm ääy: "Nipën xkäwäjnët ku ëts mits të xwäjnë." ²³ Nits je twätsooy nimetsk mädi soldado kyuentë eepy nits tnëjm ääy: “Ixtä´dë nimetsk mukäpx soldado mädi nëkxtëp jäkem nexy ntso´on jyeexyë Cesarea. Nits je tugipxy myäjnk yä´äy tyëjk mädi caballo këxm nits jämetsk tmukepxy mädi lanza täjät tëp. Nits miits mpitsëmtët muduwëëk horë koots." ²⁴ Nits näynyä ojts tniwäwä´äny jets t´ixtädët caballo mädi Pablo pätsëmëp, näjts yëkxon nyëkxt mä jem yëk kutukpë Felix. ²⁵ Nits je tjääy tu´uk neky nixkëm yä´ät. ²⁶ "Claudio Lisias mnits nimëj nexy yëk kutukp Felix mits nkäpx peekxy py. ²⁷ Yä´ät yä´äy tyëjk jäáy judíos ojts myetxyëdë nits jäweenë kyäyëk ook këdë, kots ëts soldado tmët jääjty nits ëts ojts mputëkë, jägëx ku të ëts y´ijty nijäwë ku yë Romano jäáy yë. ²⁸ Ëts y´ijty nijäwë wyempy tigëx yëdë y´ijty nyi ëën etyëdë näjts ëts ojts nyëk nikxy mä´äm kutuktäjk. ²⁹ Näjt ëts ojts nijäwë ku yë täm yëktä niwämpety ntsoom jem yë kiëm kyutujk të, nits niti kyäti´ity jädu´uk niwämpejt mä jyeexyë oyäädyë nits y´ookt ok pyuxtëkët. ³⁰ Nits ëts ojts xtuknijäwëdë ku të y´ijty yä´ät yä´äy tyëjk näjts ëts mits jetyënyexy ntänikexy. Nits näy nyäj ëts ntäpäwääny yë niwämpetpë jets tyëkmintët ti tyäniwämpet tëp mits winkujky, jets nyäwyäjtën." ³¹ Näjts ojts soldado tëjk tmumädoy je päwään. Näjts tpäwäädë je Pablo nits tyëknëkxtë koots jem Antipatris. ³² Jets kyum jäwomëp nimäy soldado tëjk tnikektë yä´äy tyëjk jääy mädi y´ijty caballo këxm jets tmëëdët Pablo, nits ojts jeyë wyimpitnëdë mä´äm jem Fortaleza. ³³ Kots je yä´äy tyëjk jääy dyë mädi caballo këxmt jyädë Cesarea jets tkëmoydyë je neky je niwintsën näy nyäjts mëët tok ixtë Pablo. ³⁴ Jets ku je niwintsën t´ixy je neky nits tyëk tëëy mä je y´ijty kyukäjpë je Pablo. Kots tnijäw ëëy ko Cilicia täm je txyoony, ³⁵ nits tnëjm ääy: “Ëts nmädoop tukëyë ku mniwämpetpë jyä´ät t yä." Nits je tyëk nigutujk ëëy nits jem yëk ixyit t mä´äm niwintsën Herodes ixyitpë tëjk.