¹ Kunä tukëyë tyujnë Pablo tnikëjky Atenas jets nyikxy Corinto. ² Jemts ojts t´ixë tu´uk Judío mädi xyëëw Aquila, yä´äjy tyëjk jääy mädi kejxjë´ékp Ponto Italia je y´ijty txyoontë jets jyä´t të nëm mëët tyoxtyëjk Priscila, Tigëx ku Claudio y´ijty të pyäwä´änyë jets nidukëyë judíos nyëkxtët Roma. Nits jedë Pablo t´änëkx äjty. ³ Tigëx ku näy jye y´ijty tyumpy jem tyääny mëët je´edë tëjk je y´ijty yëk oy eedyëp. ⁴ Jets Pablo itp je y´ijty wen sábado käpx mujkën txyetxy tyuny. Jets y´ijty tuktëyjyäwë Judíos mëëtë Griegos. ⁵ Ku je Silas mëët Timoteo nyëkxtë Macedonia Pablo ojts yëkwinmäyë jäwën jets tämumätyä´äkt je judíos tëjk ku Jesus je´ je Cristo. ⁶ Ku judío tëjk wyintsoodë jets kyäoy myukäpxëdë. Nits Pablo twixijty wyit jëkëxm nits tnëjm jääy jedë, je kë´m mnëjpy këm mkuwäk këxm ke ëts ti mpoky, nits ixyämyë ëts nëkxt jemts ëts nwitit t mä näxwiinët jääy. ⁷ Nits jem txyojny mä jem nits nyikxy jem Ticio tyëgëntum mädi tëy wä´äts je yä´äjtyëjk jääy mädi Dios wintsëjkën myoypy yoymyuktäjkën tëk pä´ájy je y´ijty tëjk. ⁸ Crispo je nimë mä jep yoymyuk täjk jets nidukëyë tu´k tëjk wintsën tëyjyäw eedyë, nimäy mädiwë jem Corinto tmädodë je Pablo nits tëyjyäw eedyë nits nyëpet të. ⁹ Nits wintsën Jesus tuk ixy koots visión je Pablo jets tmukepxy: “Ke mtsëgët käpx mits kädi ameny´ääyë mteny. ¹⁰ Tigëx je ku je ëts mits nmëëdë nipën ntso mkätunët, Tigex je ku ëts je nimäy jyääy nmëëdë yä mëj käjp joojty. ¹¹ Näjts Pablo jem txyënääy tuk jumëjt jädujk po´o jemyë Dios y´ääw ayuujk tä´äwä´äny. ¹² Ku Galio gyobernador tëjk ëëy je Acaya nits judíos tëjk tniwutëktë je Pablo nits tmunëkxtë mä jem txyëënëdë mädi tëytyuntëp. ¹³ Jedë wyäntë: yä´ät yä´äy tyëjk jä´äy tyuktëy jyäw eewyë yë jääy jets Dios tukwintsëgë tso´om jyägänäjë kutujk. ¹⁴ Ku y´ijty Pablo kyäpxwänyëm nits Galio tnëjm ääy judíos miits judíos tjääydyë ku jyexyë mëk ayuujk mädi käoy ku jyexyë yëk jääy y´ookp nits je jyexyë näj tpääty ëts miits ntämëëdyëk win´oyët. ¹⁵ Ku yä´ät xyëkjtëy Ayuujk këxm mëët xyëëw mëët këm kyutujk yëkwin´oyë miitxyë kë´m, ëts ke tëytyumpë tunwä´äny jetsa yë ayuujk. ¹⁶ Nits Galio tuuny nits jedë tnike´ek t tëytyuntäjk. ¹⁷ Nidukëyë je tmätstë je Sostenes mädi gobernador tump mä´äm yoymyuktäjk nits tkoxpäooktë mä´äm jep tëy tyun täjk Jets Galión ni ti je tkäkuentë ëëy kunä yëktuuny. ¹⁸ Pablo ku jem jyäktän´ëëy mäy xyëëw jem myuugu´uk tnikejky nits nyëkxtë jem Siria mëët Priscila mëët Aquila näy jyem y´ijty puerto de Cencrea kyätsoony nits ojts wyääjy nägyë kyeewyë tëj je y´ijty näj twäntä´äky. ¹⁹ Ku jedë jyäädë jem Efeso Pablo tnikëjky jem Priscila mëët Aquila nits nyikxy mä yoymyuktäjk nits Judios tämët käpx mujky. ²⁰ Ku jedë Pablo tnëjm jeedyë jets jyeexyë jeky jyäktänë, nits jeyë nyäx kuxy. ²¹ Ku y´ijty txyoon wänë nits tnëjm ääy: wimpitp ëts jädukyäjë mä yä miits pën Dios nä txiojkën. NIts jem nyikxy Efeso. ²² Ku Pablo jem pyejty jem Cesarea, jem pyejty nits tsäptëjk mädi Jerusalén tmooy käpx pokxën NIts wyinäjky jem Antioquia. ²³ Ku y´ijty të nyexy tyëmpë jem. Nits Pablo txyojny nikxy Galacia y´it jotm mëët Frigia nits nidukëyë tkäpx jot mëj ëëy päyoywyëtëjk. ²⁴ Ixyäm jem y´ijty tu´uk Judios mädi xyëéw Apolos Madiwë jem ke´xp Alejandría nits myiiny jem Efeso. Mëk je y´ijty kyepxy jets mëkjety je jyäaÿ. ²⁵ Të je y´ijty Apolos yëktä´äwä´äny je wintsën y´ääw ayuujk ku mëëk jäwën tmët ity näjts ojts kyepxy näjts ojts t äwä´äny mädi jesus jye eepy, jets je jeyë y´ijty nyijäw eepy ku Juän yëk në pejty. ²⁶ Nits Apolos mëknexy jep kyäpx äxäjy mä jep yoymyuktäjk. Ku Priscila mëët Aquila nä tmädoodë nits twäätsodë Aweky nits pu´uky kepxy twänjeedyë pu´uky kepxy Dios nyë´ë tyu´u. ²⁷ Ku je nä twinmääy nits nyuäxt jem Acaya nits je mugu´ktëjktë kyäpx jotmëj äjtëdë nits päyoywyë tëjk nä t´äyjeedyë mädi jem Acaya ntso jem tkuentëpëktët. Ku je jyä´äjty nits je tputëjk äjty mëknexy mädi y´ijty të je tëyjyäwëdë kunukxën këxm. ²⁸ Apolos mëknexy je y´ijty judíos tämët käpx muky jäywyet këjxy tuk ixy ku Jesus Cristo je