¹ Ku Pablo nänyäjmë jem jyä´ty jem Derbe jets nänyä Listra; Ixtë jem y´ijty päyoywyë mädi xyëëw Timoteo je Judia toxtyëjk mädi tëyjyäw eepy jetse myäjnk jets tyeety Griego tjääy je y´ijty. ² Oy je y´ijty nikepxyë je myugu´ktëjk mädi jemtë Listra mëët Iconio. ³ Jets Pablo nä ojts tseky jets tpäwä´ät. Nits ojts circuncisión tujnë judíos këxm je ku jem it y´ijty wyitit´të, tigëx je ku nidukëyë y´ijty nyijäw etyëdë ku je teety Griego tjääy je y´ijty. ⁴ Ku jem mëj käjp jotm y´ijty nyäxtë jets jedë tkëmoydyë iglesias tso je tyuyo´ydyët jets ti je myumädodëp je päwään mädi y´ijty të tjäáydyë apóstoles tëjk jets mäjääy tyëjktë mädi jep Jerusalén. ⁵ Näjts y´ijty iglesia myëkpëktë jyenxyäwën këxm nimäy eedyëp je y´ijty tu´k xëëw jäduk xëëw. ⁶ Pablo mëët pën jety y´ijty mutu äjtëdëp jem Frigia mëët Galicia, ku wä´äts jäwën ke näj tkupëjky jets nyëkxt kä´ämäywyë jem Asia y´it jotm. ⁷ Ku jedë jyäädë jem winkon mä jem Misia nits y´oknëkxwäntë jem Bitinia, Jesus ojts jyäwën yëk ätukyë. ⁸ Ku Misia nyäxtë nits nyëkxtë mëj käjp jotm mädi xyëëw Troas. ⁹ Nits ojts Pablo t´ixy ku y´ijty koots it: Ku jem tyenë tu´uk yä´äy tyëjk Macedonia tjääy wyäätsoyë nyemxyë: Nax jem Macedonia käjp jotm putëjk eeky ëts. ¹⁰ Ku nä Pablo t´ixy je visión nits jetyë nyäk oy´äjtëdë jets nyëkxtët Macedonia ku näj twinjäw eedyë jets Dios nä wätsojëdëp jets jedë nikxy jem yëkwäjnëdë oy ääw ayuujk. ¹¹ Jets ëët nyäknyi oy etyë jets ëëts ntsoont Troas nits jätyëy ëëts nikxy Samotracia kyumjäwomnëm ëëts ojts njä´äty jem Neapolis. ¹² Nits ëëts nëkxkojmë Filipos Macedonia je myëj käjp nijäwë je mëj käjp y´ity je distrito Romana je kyolonia näjts mäyxy ëëw ëëts ojts mëj käjp jotm ntänëdë. ¹³ Pokxën xëëw joojty ëëts mpitsëëmy tëk ätsumk äjy mä yoywyënë mä ëëts nä nkumäy it äwä´äts jets ëëts nuktä´äk t nits ëëts ntsëëny ixtäjky nits ëëtstë toxtyëjktë nwäjn jeedyë jets mädi y´ijty të jyä´ät të tugyë. ¹⁴ Jem y´ijty tu´uk toxtyëjk mädi xyëëw Lidia purpura y´ijtyu tyeekypy jem mëj käjp jotm tiatira mädi Dios wyintsëjk äjtën myoypy je´ts y´ijty jem myädoopy tso ëëts nwä´äny wintsën ojts y´áäw jyoojt yëk äwäjtxyë jets tmädoot tso Pablo ye´eny. ¹⁵ Ku je mëët myuguktëjk nyipetkëxtë nixyëm y´ijty tu´uk tëjk txyëënë jets je ëëts xnëjm ääy pën të miits nä x´ixtë ku ëts wintsën ntujnë mintë jä´ät të ëts ntëgëntum nits ëts nä nwinmä ´äny xyëk jät jeedyë. ¹⁶ Nits jyääjty ku ëëts y´ijty jem nëkxtë mä jem nukxtäjk tyunyë nits tu´uk kiixy tooxy mädi xë mäypy jyäwën täijtëp ëëts nmëtnä wyäjtëdë ku je xë¨máyky tjety näjts y´ijty wyintsën mäynyexy y´ijty tyëk meeny pyääty. ¹⁷ Je toxtyëjk y´ijty Pablo ixojk tpäyo´oy mëët ëëts mëknexy kyäpx kejky yäm ye´eny: “Yë yä´äjy tyëjk jääydyë Dios mädi këxm nexy je ye tyumpë. Ye jedë mädi nyikäpxtëp je në´ë tu´u mädi mädäjkën.” ¹⁸ Mäy xyëëw ojts nä ye´eny jets Pablo ke je nä t´oyjyäwë ku je nä ye´eny nits wyäk këm pijty nits jäwën tnëjm ääy: “Jesucristo xyëëw këxm éts mits mpäwä´ány pitsëm yé nyikëxm.” Nits jetyë pyitsëëmy. ¹⁹ Ku je wyintsën t´ixy ku ke y´okti itnë tso y´ixë mäy myeeny tjägyëk jä´át t. Nits tmätstë Pablo mëët Silas jets tmënäxtë mäáy jyotm jets kutunk kyëm ojts yëk jä´ät të. ²⁰ Ku jedë tyëknëkxtë mä jem magistrado nits jedë wyäntë: yä´ät yá´ájy tyëjk jääydyë yë ëën nmëj käjp joojty yëktikäts kexpy. Judíos tjääy yëdë. ²¹ Je kostumbrë yë nyäskäpx eedyëp mäfdi kyätsoktëp käpäjt äjtëp tun´tët Romanos tjääy. ²² Nits Pablo mëët Silas nmäy nyexy jäáy nyiwutëjkë änimukë. Jets mädi magistrados tuntëp wyit täkëjts eedyë nits nä tniwäwäntë jets wen mäts tyëktäwoptë. ²³ Ku jedë y´ijty të mäyäjë twoptë nits tpuxtëkpëmtë jets puxtëk ixyitpë tpäwäntë jets mëk t´ixyit tët. ²⁴ Ku y´ijty të nä päwä´än tkuentëpeky nits puxtëk ixyitpë kekypy nyexy kyuyujp äjtë jets tyëky kyëxm yëktämuwëjn ëëy trapa. ²⁵ Tsu´um y´ijty it ku Pablo mëët Silas jep Himnos t´ëwdë Dios wintsëjkën tmo´odë jets mädi jep puxtëk tsënedyëp y´ijty tmädowdë. ²⁶ Nits ätsujky txyetxy jyuunexy myiiny jets tukëyë tjupyoykyëjxy jetyë tëk äkäj y´äwäts këjxy nidukëyë ojts pyujxtepxy kyejkëxtë. ²⁷ Nits puxtëk ixyitpë jyaokniwijnë nits t´ixy ku äwä´äts täm puxtëjk nits y´espada tkoony jets y´ijty këm nyäk ookwänyë nä je wyinmäy të tijy puxtëjk jääy kyektäkoy kyëxtë. ²⁸ Nits Pablo ojts mëk kyäpx ke´eky ye´eny: kädi nä mnyätyunyë xyä ëëts nidukëyë. ²⁹ Nits puxtëk ixyitpë t´ämädooy foco nits jetyë tikypy tyëjk ëëy tëj je y´ijty txyëjkëtyäkoy mëknexy y´ijty wyipípy Pabñlo méët Silas wyinkujky kyidääy. ³⁰ Nits tëkwimpy pyäwäjë nits yëknëjm jeedyë: wintsëntë ¿ti ëts ntu´ump jets mädäjkën mpäät? ³¹ Nits Pablo mëët Silas tnëjm jeedyë: tëyjyäwë wintsën Jesus näjts mädä´äkt mits jets nixyën tu´ktëjk mtsëënëdë. ³² Näjts jedë wintsën y´ääw y´ayuujk twänjeedyë nidukëyë nixyëm jem tu´uk tëjk txyëënëdë. ³³ Nits puxtëk ixyitpë pyäwäjëdë koots je horë nits ojts tpujë mä y´ijty të txyeetxyëdë nits jetyë je jets nixyën txyëënëdë tu´k tëjk jety ojts nyëpetkëxtë. ³⁴ Yäm je Pablo mëët Silas tpäwäy tyëgëntum këxm mä´äm tyëjk nits täkä´ä ny t´äkonë y´aäÿ nits änimukë jyotkujk täktë nixyën tyu´k tëjkëdë ku të y´ijty je Dios tëyjyäwë. ³⁵ Ku it xyëjny ëëy nits ixyitpë tëjk kexy tyänikejxë nä wyä´äntë: Mäts tu´ut të yë yä´äytyëjk jääy wenyë tnëkxnëdë. ³⁶ Näjts je puxtëk ixyitpë twänkojmyë Pablo jets tnëjmë: Pitsëmtë ixyäm nëkxnëdë jotkujk. ³⁷ Nits nä Pablo nyëmxë: “jä tëy tyun ëëts ojts nyëkwoptë jets nimäy jääy tnijäw eedyë ciudadanos ëëts Romanos jets ëëts nänyäjmë nyëkpuxtëkpëmtë ¿Jets je ëëts xyäm xmäts tu´ut wä´äntë ayu´utxy ämeetsk. ¡ke! Wen je këm tmintë jets ëëts xyëkpitsëm´t. ³⁸ Nits puxtëk ixyitpë tëjktë tänikextë kexy ja magistrados jets ojts txyëkëdë ku nä tmädoodë ku je Pablo mëët Silas Romanos tjäaÿ jedë. ³⁹ Nits Magistrados jyäa¨dë jets mekxën y´ämädojëdë nits yëkpitsëjmëdë yäm nyëmxë wen je mëj käjp jotm tpitsëmtë. ⁴⁰ Nitnëmts ojts Pablo mëét Silas pyitsëmtë puxtikypy jets Lidia tyëgëntum nyëkxtë, ku ´Pablo mëët Silas t´ixtë myugu´uktëjk të tkäpxjotmë eedyë nits jem mëj käjp jotm txyoontë.