¹ Nidugën yä´äy tyëjk jääy kydäktë Judea nits myintë Antioquía nits tyëk ixpëktë myugu´uktëjk tnëjmëdë: “ku jyexyë miits mnyäcircuncidär etyëdë tso´om Moises kiostumbrë, ke miits mädä´äkt. ² Yä´äts ojts Pablo mëët Bernabe tyëk tsipjät´t nits mëk empy ojts nyäwintsoyëdë. Najts Pablo mëët Bernabe mëët nidugën mädi jem y´ijty nits ojts nyigutukë jets nyëkxtët Jerusalén nits tmët tu´ukmukt apóstoles mëët mäjääy tyëjk yä´át ayuujk këxm. ³ Najts jedë ojts pyäke xyëdë mädi jem tsäptëkm jets nyäxt Fenicia mëët Samaria, jemts tkäpxwäkxt ntso tyikätstët näxwiinët jääydyë. Je ojts tyëkmintë mä xontäjkën mä´äm myugu´uktëjktë. ⁴ Kots je jyäädë Jerusalén ojts kyuentëpekyëdë mädi jem tsäptëkm méët apóstoles mëët mäjäaÿ tyëjk nits tämumätyäktë tukëyë ti wyenë të Dios tuny mëët jedë. ⁵ Jets nidukën yä´äytyëjk jääy mädi tëyjyäw eedyë mädiwë y´ijty Fariseo myët itypy tyënkyuk eedyë nits wyäntë: Nä´äm je tpääty nits ncircuncidar äjtën nits ntäpäwänën jets tpëjk jë´éktët Moises kyutujk. ⁶ Nits apóstoles mëët mäjääy tyëjk tyukmuktë nits tyëknioyët yë äyuujk ⁷ Kots ojts jeky tjäkäpxtë, nits Pedro ojts tyenkyukë nits wyääny: mugu´uk tëjktë miits mnijäw eedyëp ku jeknyë jäwë Dios twinkoony mä´äm miits, jets ku ojts n´ääw këxm näxwinët jääy tmädodët oy ääw ayuujk nits tëyjyäwëdët. ⁸ Dios mädi t´ix eepy ääw joojt, yë´ëts tämukäpxp näxwiinët jääy jets tmooy wä´äts jäwën, nä tso´om tuuny mëët ëdëm. ⁹ Nits ke ojts äweky t´ixy mä´¨am pepedëm mëët jedë ku y´ääw jyoot tyëkwä´äts jät´t jenxyäwën këxm. ¹⁰ Jekëxts ixyäm ¿tigu miits Dios xwinmä´äny ixtë jets xpëmtë päyoywyëtëjk yuktupy, mädi ni ëdëm nteety nits ëdém nkämutenäyën? ¹¹ Jets ëdëm ntëyjyäw ëyëm jets kunä nmädäjkën wintsën Jesus myëj äjtën këxm, näynyä nikëm jedë. ¹² Nidukëyë ojts mäyjyääy iämonkëxtë. Jets ku y´ijty të t´ämädonäxtë ku Bernabe mëët Pablo y´ijty tmätyä´äky ntso´om Dios wyenë tëj nyäknyikejxjëkyë jekëxm näxwiinët jääy ägukm. ¹³ Nits ko ojts kyäpxkëxtë nits Jacobo ojts t´ätsoy nits wyääny mugu´uktëjktë ämädonäxtë. ¹⁴ Simón nä yë të ye´eny ntsoom Dios jäwyiin tputëjk ëëy näxwinët jääy jets tpëkt tu´uk näjx käjp je xëëw këxm. ¹⁵ Yë profetas tëjk iäyuujk näwyäjtëp yë´ë mëët yä´ät nixkëm jep jyäywyetyë. ¹⁶ Ku yä´ät nyäxt nits ëts nwimpit kojmët, NITS DAVID TYËJK NYËKNI OYËKYOJMËT, MÄDI TË KYIDÄÄNË, NITS NYËKPUTË´ËKT NITS NYËK ÄOYËKYËXËT NYE´Y KYUWOJ JÄDUKYÄJË ¹⁷ NÄJTS YÄ´ÄJY TYËJK NYÄSKEXË T´IXTÄDËT WINTSËN MËËT TUKËYË NÄXWINËT JÄÄY MÄDI WÄÄTSOY ËTS NXËËW KËXM. ¹⁸ Näjts je niwintsën ye´eny mädi tyëk oy eepy tukëyë mädi yëk ix eepy jekynyë eewyë. ¹⁹ Jekëxts ëts nwä´äny nits ke ëëdëm nyëk ätujkën je näxwiinët jääy mädiwë Dios tniwimpit tëp. ²⁰ Nits njäy jäyën ntso tmujekem ke´ktët äwonäx jets ke ni go txyënë myuktët ku kenëm wyenë yëk äjäy myuktë, Nits ke tsu´uts tët tänë´ëk mädi näs´oogë jets nänyäj ke nëëpy tjëkxtët. ²¹ Je ku Moises të je yëknikepxy yëknimätyä´äky tu´k käjp jäduk käjp jeknyë eewyë nits yëk kepxy Judíos kyutujk mä´äm yoymyuktäjk ku pokxën xëëw tpääty. ²² Nits je ojts oy tjäwëdë apóstoles mëët mäjääy tyëjk mëët tukëyë mädi jety jem y´ijty tsäptëkm jets twinkontë nimetsk jääy mädi txëëw Judas mädi yëktijp Barsabás mëët Silas mädiwë y´ijty nimëj jem tuntëp tsäptëkm nits täpäkextë Pablo mëët Bernabe jem Antioquía. ²³ Nits näj tjäydyë: Apostolesw tËjk mëët mäjääytyëjk mits mugu´uktëjk mugu´uktëJktë näxwiinët jääy mädiwé jem Antioquía Siria mëëAT cilicia miits nkäpxpeekxypy. ²⁴ Te ënmädoy ku jem yá´áytyëjk jääy mädiwë yä tëtxyoontë mä yä éëts. Mädiwë ëëts të ke nkutujk mo´oy nits të jem ätujkën tmutëkëdë mä´ám yë ixpëjkën mädi mkätuk oyjyäw eedyëp m´alma këxm. ²⁵ Kots je nyäjë, nidukëyë ëëts të nkepxyëdë nits nwinko´ont yä´äy tyëjk jäaÿ nits mpäkextët mä´äm miits tmutujët ëën nmugu´uk Pablo mëët Bernabe. ²⁶ Yä´äy tyéjk jääydyë mädiwë të jyuky äjt të tkëyäktë wintsën Jesucristo xyëëw këxm. ²⁷ Jekëxts ëëts këm mpäkexy Judas mëët Silas mädiwë këm mtämukäpxëdëp ntso´om ëëts të njääy je këm y´äyuujk këxm. ²⁸ Oyts të nä tjäwé je wä´äts jäwën mëët ëëts jets niti jädu´uk jäweenë jemtxy miits nkämoot mä´ám yä´ät tukëyë mädi pyetypy. ²⁹ Ku miits xmujekemke´ekt mädi yëktäwintsëjk eepy äwonäx nëjpy nëjpy myu´oogë mëët ke nigo mtsëëny myuktët ku kenëm wyenë myëk äjäy myuktë. Kots miits nä mnyäy ixyitëdët këmts je miits xtäoyëdët je wyenë. ³⁰ Näjts ko jedë yëkmët nyäwyäkxë nits wyinäk´të Antioquía: jets ko tyëkmuktë mäy jyääy, nits tkëyäktë je neky. ³¹ Kots të y´ijty tkäpxtë je neky nits jedë xyontäknäxtë ku nä yëk käpx jotmëjë. ³² Judas mëët Silas mëét nänyäj profetas tëjk, tkäpxjotmëj eedyë miuguktëjktë mäy ääw ayuujk tmoydyë näjts tyëk mëkpëktë. ³³ Jets ku të y´ijty jedë tu´uk tyempë jem tyëknäxtë nits myuguktëjk oy ojts tyä´äkex äjtyënë pën y´ijty të pyäkexyëdë. ³⁴ Jets Silas oy ojts tjäwë jets jem tyän´t. ³⁵ Jets Pablo mëët Bernabe je´te jem täntë Antioquía nimäytyë pën jety mä´äm nyaky ixpekyëdë tnimätyä´äktë wintsën y´ääw y´ayuujk. ³⁶ Kots wyenë xëëw nyäjxy Pablo tnëjm ääy Bernabe: “wen twimpijtyën nits n´äs ixën mugu´ktëjhk tu´k käjp jäduk käjp mä´äm të nkäpx wekyxyën nje wintsën y´ääw y´ayuujk nits n´ixën ntso jyät t. ³⁷ Bernabe y´ijty nä nyäj pyäwaw wempy Juan mädi y´ijty nänyäj xyëëw Marcos. ³⁸ Jets Pablo wyimääy jets y´oyët nits yëk wä´ät Marcos mädi y´ijty të nyikekyë Panfilia nits ke wyenë y´ijty të myëët etyë mä´äm je tunk. ³⁹ Nits ojts jye´jë känäwyinjäw ätë näjts ojts nyäwyekxyëdë tu´uk jädu´uk nits Bernabe tmëët ëëy Marcos näjts ojts Barco tätëkëdë jets nyikxy Chipre. ⁴⁰ Nits Pablo tpäwääy Silas nits txyojny nits ku je ojts myugu´uktëjk tyäkëtëk etyë wintsën myäy äjt. ⁴¹ Nits ojts nyikxy Siria mëët Silicia, tmëkmoydyë pën jety jem tsäptegëntum.