¹ Nits jyääjty jem Iconio Pablo mëët Bernabe tyëjk eedyë judíos yoymyuktäjk tikypy nits tkäpxtë tso´om je mä jep nimäy jyääydyë nits judíos mëët Griegos tëyjyä eedyë. ² Nits Judíos mädiwë tkätëyjyäw eedyëp je tä´ákuwän eedyë Gentiles wyinmä´äny näjts nyäk myuämpëjkëdë. ³ Näjts je tyäntë mäy tyempë tnikäpx ooky mëknexy mëët je wintsën myëj äjtën ku y´ijty je tyék nikejx jë´ëky kunukxën mädi y´ijty myätyekypy.yë tuny yë nikejxjë´kën ixpejt ätëy äjät je Pablo mëët Bernabe kyëjëm. ⁴ Nits nimäy y´ijty jem käjp jotm kë äweky je y´ijty nidugën jem it mä je judíos nts nidugën mä jem päyoywyëtëjktë. ⁵ Nits opyënë jääy mëët judíos tunmäts´të je jupten neewyë nits jyeexyë twentuntë Pablo mëët Bernabe. ⁶ Jedë tkuentëtuntë nits kyektäkoydyë mä jem käjp licaonia Listra mëët Derbe mëët je it mädi niwitij tëp. ⁷ Nits jem jedë y´ijty tmätyä´äky oy ääw ayuujk. ⁸ Jem Listra jem y´ijty tu´uk yä´äy tyëjk txyëënë niti mäjääw tkämëëdë jem tyeky kyëxm tu´uk päkmä´ät mädiwë ojts nä txyoontäky tyääk jyotm mädiwë nijunë kyäyo´oy. ⁹ Nits yä´äy tyëjk tmädooy ku y´ijty Pablo kyäpx ooky nits Pablo tukyë wyin´ixë nits y´ixë ku jem y´ijty tmëëdë jenxyäwën jets txyo´okt. ¹⁰ Nits yä´äy tyëjk yëknëjm jäaÿ mëknexy tenkyukënits je yä´äy tyëjk pyujt jëëjky nits yoytxyojny. ¹¹ Ku nimäy jyääy t´ixtë ku y´ijty je Pablo tuny nits kyäpx kektë wyän ooktë kë´m y´ayuujk mädi Licanoa. Të dioses kyidä´äky mä ëdëm tso´om tu´uk yä´äy tyëjktë. ¹² Jedë kyuxëëw äjtëdë Benabe Zeus nits Pablo Hermes ku y´ijty je tyëkminy je ääw ayuujk. ¹³ Je teety nyiwintsën mädiwë Zeus jep y´ijty äyäm ke käjp jooty tyi´ity nits je myiiny kä mëët pëjy kyujenë jep tëk ätsumk äm je mëdë nimäy jyääy nits y´ijty twintsëgë wyä´äny. ¹⁴ Ku pyäyoywyëtëjk mëët Bernabe mëët Pablo ku tmädoodë yä´ät ayuujk nits tkëëtstë wyit nits ädëtspekyë nyëkxtë nimäy jyääy kyäpxkektë ¹⁵ Yäm wyän ooky yä´ájytyëjktë ¿Tigex miitstë yë xtuntë? Jäaÿ ëëts nänyäjmë nänyä ëëts nwinmä´äny tso´om miitstë. Ëëtstë nyëkminy mä miits oy ääw ayuujk jets mits juky Dios xniwimpit tët ku yä´ät xmätstu´ut tët mädi niti kyäwä´äny mädiwë ojts tyëk oyë tsäpwiin mëët näxwiin mëët määxy nyë tukëyë mädiwë je. ¹⁶ Je tu´k tyempë jeknyë je nä ojts tkupeky nits käjp tyuyo´oydyët mä kë tyu´u. ¹⁷ Nyänyäjts ke je nä tyeny jets nipën tkänijäwë ku je tuuny mädi oy ku je në tu tmooy mädi tsäpwinm mëët je tyëmpë mä ojts tyëëmë nyexy tukëyë näjts jyoojt tyëk ujtsë kä yën ujkën mëët jotkujtäjkën. ¹⁸ Nyäy jem yä´ät ayuujk Pablo mëët Bernabe ontsojë tyëk ätujky nimäy jyääy nits ke tyäwintsë´ëk ätët je täwintsëjk äjtën. ¹⁹ Nitugën Judíos mädiwë Antioquía mëët Iconio jyäädë nits tmukäpxtë nimäjyää. Jedë tkätstë Pablo nits tpäwitstë jets käjp epy ojts tkextë näm je wyinmäy jets tëj je tijy y´ooky. ²⁰ Ku y´ijty päyoywyëtëjk y´ijty tu´k niwitity mä jem tyenkyuk ëëy nits kyäjp tëjk ëëy. Kyu äwomëp nyikxy jem Derbe mëét Bernabe. ²¹ Ku y´ijty të tkäpxtë tmätyä´äktë oy ääw ayuujk mäjem käjp nimäy nyexy tyëkn imäyë dë päyoywyëtëjk jedë wyimpit të jem Listra mëët Iconio mëët Antioquía. ²² Jedë ojts päyoywyëtëjk y´alma tyëkmëkpëjkëdë näjts y´ijty jets tkäpxputëjk eedyë tso jenxyäwën këxm y´it it tët ye´eny: ëdëm ntëjk ëyëm mä jem Dios nyidenä´äyny ku mëk nexy njäätën nkuwejtën äyoon ntänäjxën. ²³ Ku jedë y´ijty të tpëmtë jedë mäjäaÿ tyëjk tuk tsäptëjk jäduk tsäptëjk të y´ijty y´äyujëdë nyukxtä´áktë. Jedë täkëtëjk eedyë je wintsën mädiwë jedë y´ijty të tëyjyäwën. ²⁴ Nits jedë nyäxtë jem Pisidia nits jyädë Panfilia. ²⁵ Ku y´ijty të tkepxy je ääw ayuujk jem Perge nyëkxtë Atalia. ²⁶ Nits barco jetypy xyoony Antioquía mä jedë y´ijty të yëKmooy Dios kyunukxën mä jem tyuntë mädiwë jedë ixyäm tyëk pu´uky. ²⁷ Ku jedë jyäädë je Antioquía nits nyämyujkëdë jem tsäptëkm jedë tnikäpxtë tukëyë tso y´ijty Të Dios tyuny mëët jedë tso y´ixë ojyts tëk äkäj tyëk äwä´ätxy mädi jenxyäwën jets opyënë jääy. ²⁸ Jedë tyäntë mäy tyempë mëët pyäyoywyëtëjk.