¹ Je tyempë niwintsën Herodes tmäjtxy nidugën jets tentun´t mädi y´ijty kyëjëm eepy tsäptëjk. ² Je ojts tyëk ooky espada këxm je myugu´uk Santiago. ³ Ku ojts nä t´ixy ku judíos të ojts je t´oyjyäwëdë nits ojts nänyäjmë Pedro yëk metxy je xëëw je y´ijty mä tyëk oyëdë tsäpkeeky mädi Levadura kyämëët. ⁴ Ku y´ijty të tmetxy nits tpuxtëk pëëmy jets ojts mäktäxk pet soldados tuk íxyity nit y´ijty käjp tuk ixwä´äny tuknijäwë wyä´äny ku ämääy xyëëw nyäxt. ⁵ Näjts ojts Pedro puxtikypy tyeny mëknexy ojts iglesia Dios tmunukxtä´äkté jets yëknikunukxtä´äky Pedro mëët jedë. ⁶ Jäduk xëëw y´ijty tkäpääty mä Herodes kyäjp tänijäwë wyä´äny, je koots ku jep y´ijty Pedro myä´äjy nimetsk y´ijty pyä´ájy y´ixy ityë metsk y´ijty pujxtepxy yëktätsumy jets ixyitpë tëjk jem y´ijty tëk ätsumk ääy näjts puxtëjk t´ixyit të. ⁷ Ixtë ätsujky wintsën y´ängel ojts nyänyikejx jëkyë nits ojts jep tyeekxy äjääk jep tikypy nits ojts pyä´äjy yëktonmetxy näjts yëkniwijë yäm nyemxyë: “Putë´ëk ädetsnë”. Nits jetyë kyëkëxm pujxtepxy wyinäk këjxy. ⁸ Nits Angel nyëmxë: “Näxyoxë pëmëm mkë´ëk”. Nts näj Pedro tuuny, Nits Ángel nyëmxë pëm mädi wit eepy nikëjxy, pätuyoyky ëts”. ⁹ Nits Pedro tpätsojny Angel näjts pyitsëëmy ke je y´ijty tnijäwë pën tëy je nä mäditë Angel tuny nä je wyinmäy jets visión je tijy nä y´ixpy. ¹⁰ Ku y´ijty të guardia mutu´uk mumetsk twinäxtë nits puxtëk äkäj tpät të mädi jem pitsëmp käjp jotm nits këm ojts y´áwä´átxy nits pyitsëmtë nits nyëkxtë jep uwetypy mëj tu´u epy nits jetyë Angel nyikejkë. ¹¹ Ku Pedro wyimpijty nits wyääny tyëy äjtëm ëts të xyäm njäwë ku wintsën të y´ängel tpäkexy nits ojts xyëk ke´eky Herodes kyëjëm jets mëët judíos käjp të. ¹² Ku je nä tkuentëtuuny, nits nyikxy Juan tyääk je Juan mädi nä nyäj yëk kuxëëw eepy Marcos je´ts tyääK María, nimäynyexy y´ijty të jem yoymyuktë tëy jyäw eewyë tëjk jemts y´ijty nyukxtä´äktë. ¹³ Ku je tëk äkäj twinkojxy nits tu´uk tumpë kiixy to´oxy pyitsëëmy yäm y´ijty nyukxtä´äktë. ¹⁴ Ku tyukmotkäjpy jets Pedro täm käpx´p ku jeyë jyotkujk täjky jets ke ojts tëjk tyëk´äwätxy mädi ojts tuny putp tikypy nyikxy nits je wyääny jets jep Pedro tëkwimpy. ¹⁵ Nits ojts nyemxyëdë: “Të mits mjämuky jyätnë” nits kiixy ojts jyäkwän ädë´ëtxy nits jedë wyäntë.“y´ángel ye´et”. ¹⁶ Jets Pedro tëjk tjäwinkox ädë´ëtxy ku ojts tëjk tyëk äwäts të ku t´ixtë ätëy ojts tätäntë. ¹⁷ Pedro ojts kyëjëm nyemxyë jets ämenyäyë tyäntët. Nits ojts jem myätyä´äky tso të wintsën puxtikypy y´isyëkpitsemyë. Nits wyääny tanijäwëdë yä´ät Santiago mëët mugu´uktëjk. Nits äyäm nyikxy. ¹⁸ Ku it xyëjny ëëy nits soldados txyekypy ti tjäoktunëdë Ku nipën Pedro kyäokpën itnë. ¹⁹ Ku y´ijty Herodes jäwyiin tjä ixtä´äy ku tkäpäjty nits tyëktëëy ixyitpë nits tniwäwääny nits tyëk ooktët Nits txyoojny Judea jets nyikxy Cesarea. ²⁰ Jets Herodes të je y´ijty Tirotjääy mëët Sidonët jääy tmu´ämpëktäkoy nits änimukë je t´ánëkx eedyë jets jedë ojts Blasto tmumädä´äktë mädi Rey tyujn jeepy jets pyutëk ätëdët nits ójts t´ämädowdë jotkujk äjt jyeejët je ku je y´it jotm ojts putëjk ëny tkuentëpeky je win tsën y´itjotm. ²¹ Je xëëw mä y´ijty të yëk ákäpx tuky nits Herodes oywyit ojts nädyäxoxyë nits txyënë pyejt këjxy txyënë y´ixtäjky nits ojts tmo´oy ääw ayuujk. ²² Nits jääy mëk kyäpx këjky: “¡dios yä´ät näj y´ääw y´ ayuujk ke yä´äjy tyëjk tje´jë!”. ²³ Nits jetyë wintsën y´ängel yëktseetxy äjtë, tigëx ku je ke Dios y´ijty të tmëjpëktä´äky nits ojts tsetxy txyuts kexyë näjts y´ooky. ²⁴ Nits Dios y´ääw ayuujk wyimpejty myäy ëëy myëj ëëy. ²⁵ Ku y´íjty të Bernabe mëët Pablo tyëkpukexy tyunk jep Jerusalén nits wyimpitnëdë nits tpäwáädë Juan mädi nä nyäj xyëëw eepy Marcos.