¹ Matsia cawa lricoca jliaji Piofacawa, Pjia Iminalriti narso njaji tsolrodaonai aimadan. ² Ajádalri nooma nofacawa Dio iyacalrecoa lrico, mapjikena nocaolre lriomacawa lriofacawa niini. Nowana Dio ikjaolre padenirri nodada sho noma capoa jliaji Dio cafidalri. ³ Jliaji wirricarro lrioketaca lriipanao njite rsoaji palrina roketaca ronaitja cawa roarropocowa rsotawa lrico roenipewa Pi-altarni poco icodapi, Pjia Iminalriti narso njaji tsolrodaonai aimadan, Pjia no-Talricana njite no-Diote tsakja. ⁴ Catimaperrica njaji iofacapewa Piipana lrico; ima naaca matsiadalri irso caidalritsa. ⁵ Matsiaperrica njaji inaiki Piaji irso jidawa, njaji iomacape iacawa ajadalri sho Sión lricojle. ⁶ Nayoeta cádanaco jliaji Jiipai ioyawacadalri Naiyacawa lrico, njite naoketa onipaokja nairrá-carro ooni niini. Njite njaji iyao initacape jiwacawa nanaitja narso aima matsiaperri. ⁷ Kjaidaperri pjaca nja inaikica njaji; nacoanatsa nanakjoite njaji inaiki nemacawa Dio ipeyajle Sión lrico. ⁸ Pjia Iminalriti, na-Diote njaji tsolrodaonai aimadan, pjimi notatjaca piinai; Pjia Jacob i-Diote, pjimi njaji notatjalri piinai. ⁹ Dio, Piwapa fa matsia; Pjita picaolre Piniwananda naco. ¹⁰ Ima matsia pja norso nofacawa padaa jecoapi piyacalrecoa lrico lrioyantja nofacawa mil jalredaoca teeco lrioya. Matsia pja norso nowapaca Dio ipananoma, lrioyantja nofacawa naofacawa lrico njaji inaiki matsiperri. ¹¹ Ima jliaji wa-Minalri icatsa jliaji icana waapowa cayoji jérri icana capisho paicao; njite Jliatsa iwapa fa matsia cayoji padanaita idanata capisho pja; Capon caotsa wapiya jliaji wa-Minalri Dio njite Lrinaitjaotsa warso matsia; Corrin lrifarro pada matsiadalri naoya njaji shepacape lriaco matsia. ¹² Pjia, Natalricana njaji tsolrodaonai aimadan, matsiadalrica jliaji atsia icadaa cáda icaolre pinaco.