¹ Dio, ¡Coada macotsa Pjia! Mjenetatsa fa Pioyawa wadentja corrica Pikitsindata fa, Dio. ² Picapa coajica nemaca Pikjoete njaji picoema, njite njaji matsiperri icapaca Pjia njamaca Pjia. ³ Nanaitja nawaopiakjeo matsidalritsa Pinaikite aimadan ikjoete njite nawacacawa nacaitepécarro coajicaotsa nanaitja narso matsi njaji Piniwananipe. ⁴ Naaco cayoji: ''Warsa wawacacawa pjiomi cayoji apacoa capishotsa jiipai pjiomi fa wawayaketácarro Irael. Niniotsa corri natsaotsa coca iwaopia watsa Irael naco.'' ⁵ Nawacacawa pjiomi nawaopia-carro coaji caotsa nanaitjaca; nadia njepacawa pjiomi Pikjaote. ⁶ Nainai tsakja njaji iofacapewa nanaitape lrico Edom lrico njite njaji Ismaelnai, padenirri njaji Edom lricoperri njite njaji agarenonai, pacoacaperri iwaopiakje ⁷ Gebal iapiya. Amón, Amalec; nainai tsakja njaji filisteonai njite Tiro lricoperri padenirri. ⁸ Asiria tsakja nainai; nakitsindataca njaji Lot inakjoiteperri. ⁹ Pinaitja narso cayoji Pinaitja capisho Madian irso, Sisara irso, njite Jabin irso tsakja Ooni Cisón lrico. ¹⁰ Nawayacawa Endor lrico njite cayo napadamacawa maficalri ipeconda sho imatsietacaope jiipai. ¹¹ Pinaitja natalricanaa irso cayoji Pinaitja capisho narso njaji Oreb njite Zeeb irso, njite pjiomi nenipe caconaperri irso Pinaitja caísho Pinaitja capisho Zeba njite Zalmuna irso. ¹² Naaco pia cayoji: ''Warsa fepa warsowao Dio iwapacawa lrípirra.'' ¹³ No-Diote, pinaitjana cayoji caolri kjaidadalri ipeeco capisho teeco jiipai italre njite malritsi metaperrimi, ¹⁴ cayoji tiyé imjaita capisho awacada, cayoji tiyé jiyapa capisho jiipana naco. ¹⁵ Pimenaca naikjaolre caolri kjaidadalri pinakjoitedalri, njite Picadaa picaorini imatsiketana. ¹⁶ Pipakjantana ipaimanti sho pacapanda necoa naco njite Picadaa naomaca Pjia pikitsindatácarrona, Dio. ¹⁷ Pipaimanietana njite Picadaa nafio carroketsawa caidalriwetsa, Picadaa mayamicana ipaimanti ricó. ¹⁸ Nininaotsa nají watsa icamicatsa Pjia, Iminalriti, jliaji Yenonrsedalri pja pjiomi ioya jalredaoca lrico.