¹ Pjia, no-Diote matsiadalri, Pikitsindata njoa Pirsodalri cajikje-carro jliaji talricanati yenipe. ² Lritaitácarro lricaiteca Pinaikite aimadan iacona matsia njite naacona njaji kjenaperri matsia shotsa. ³ Picadaa imaodacakjeti matsiadalri nanaco njaji jiipana naofacawa lrico njaji inaiki aimadan; Picadaa nanaitja matsia njaji jiipana tomoperri tsakja. ⁴ Picadaa nacaiteca naacona matsia njaji kjenaperri yacaalre lricoperri; Picadaa lriyomjeta neenipe njaji kjenaperri njite lrimatsiketaca padenirri njaji jirrapitetacape apjetsida. ⁵ Picadaa naaca matsiadalri Pirso njaji jalredaoca lricoperri caidalritsa padenirri njaji walricomanaipe. ⁶ Cayoatsa jliaji talricanati narso njaji inaiki cayoji iyao jiwa capisho malritsi nameyowanda, cayoji iyao ipotsieta capisho jiipai metadalri. ⁷ Picadaa aima iponti jlia cádanacoatsa talricanati nanaco; Picadaa matsiaca nacawa nadejicalre naco a kjerrecaotsa yami kérri icanaca. ⁸ Picadaa lritalricanaca itaoñacawa manoa nakjoite apada manoa nacojle, Ooni Eufrate nakjoite njite pjiomi jalredaoca lricojle. ⁹ Njite nacoajacaotsa lrikjaolre njaji inaiki iofacape jalrapocolri ricó; njite njaji lricoema naperrocaotsa jiipai italre. ¹⁰ Naa watsa matsiadalri lrirso njaji talricanatinai Tarsis lricoperri njite njaji iofacape cadonolri naco tsakja; njite njaji talricanatinai Sabá lricoperri njite Sabá tsakja nacaotsa lrirso aima inaniti macoadatsa. ¹¹ 1Ajadalriotsa, nacaotsa matsiadalri lrirso pjiomi njaji talricanatinai; lrirsoperri caotsa pjiomi njaji apacoape jiipai jalredaoca lricoperri. ¹² Ima lrikitsindataca njaji inaiki canacaiperri irso itatjacape lrinai njite njaji kjenaperri corri perritsa narso ikitsindatacapena. ¹³ Kjena lrica lricapaca narso njaji canacaiperri irso njite narso njaji kjenaperri, njite lriyomjeta nacafica njaji inaiki canacaiperri irso. ¹⁴ Lriyomjetana naoya njaji jirrapitacape njite naoya njaji inocape inaiki, ima lrioma naofacawa matsia. ¹⁵ Nooma lriofacawa wia jalredaoca lrico jliaji talricanati. Picadaa Sabá lricoperri naaca lrirso nawirrote. Picadaa natatjaca Dio lrinaco njaji inaiki aimadan; Dio inaitjácarro matsia lrirso jalredaoca icoam. ¹⁶ Picada aima lripaniana jlipaite ricó; nataoña watsa matsia njaji paniati njite caolri ipjia caotsana. Cayoatsa nainaca Líbano sho; nataoña watsa matsia njaji inaiki nayacalre ricó cayoji malritsi itaoña capisho. ¹⁷ Picadaa nawadaca lriipitana naco caidalriwetsa; picadaa nawadaca lrinaco coshoca pada jecoapi iwiaca jiyapacawa; Picadaa matsiaca njaji inaiki lrikjaote, picadaa nacaiteca lrinaco padenirri njaji apacoa jiipai nacoperri matsiaca lrinaitjaca narso. ¹⁸ Nacaiteotsa matsia Lrinaco Jliaji Iminalriti Dio, na-Diote njaji Iraelnai, apadatsa Jliaji itaitacada inaitjaca matsiaperri. ¹⁹ Nawatsa matsiadalri Piipitana matsiadalri irso caidalriwetsa, njite Pakjami caotsa Pimatsiaca sho Pjiomi jliaji jalredaoca, Cayoatsa, cayoatsa. ²⁰ Cayotsa lriwayaketaca lritatjanialre Dio iinai jliaji Isaí irri, David. Madalrida shopa paperra lridananipje.