¹ Matsiadalrica jliaji jitacada icaolre nanaco njaji mjaidaperri; coancaojli cadaotsa njeyapawa jirrapitinaperri naco, wa-Minalri watsa ikitsindatani. ² Wa-Minalri watsa imatsietani njite corriotsa lricadaa carroca mayamini, njite matsiadalricani jalredaoca lrico; corriotsa dio icadaa carroca nacapi ricí njaji lricoema. ³ Caifia cádanacoatsa, waMinalri watsa ikitsindatani ipoati ioya; Pitapetacaotsani lrirrená ioyani. ⁴ Noaco Lrirso cayoji; ''Pjia Iminalriti, kjena Picapaca njoa. Pimatsieta njoa piinaiwa, ima nonaitjaca maatsi Pirso.'' ⁵ Njaji nocoema caacocana maatsi nokjoete, naco cayoji: ''Coancaojli pjenaotsa pa mayamini, yami carroenaotsa nawadacani. ⁶ Lrino cádanaco lricapa njoa jliaji nocoema, icamitsa lricaiteca norso yácoti miperritsa; icamitsa lrioma jlimica ishati nonaco lriají-carro lricaitepe nanaco pjiomi irso. ⁷ Pjiomi njaji matsiperri icapaca njoa icamitsa nawacacacawa cacocarrona matsi nonaco narsowacatsa; icamitsa naoma matsica njoyapacawa. ⁸ Cayo nacaiteca nonaco; ''Lriyamica lrinaitja capoa lrimatsicanawa matsinadalri njite corrin lritaita lritapiacawa lrioya.'' ⁹ Atee njaji nokitsiñapeji imatsiaca, njaji iñjacaé noinai, caaco tsakja matsi nokjoete. ¹⁰ Mitsa, Pjia no-Minalri, kjena Picapaca njoa, Pjirretena njoa noyamikje ioya notaitá carroatsa nocaiteca njemi coajica. ¹¹ Pinaitja cadaa cayoji notatja capisho piinai notaitaotsa noajica corrica kerroaca Pjia noinai njite corriotsa nja carrocaotsa shama njoa njaji nocoema. ¹² Niniotsa noaji corrica cocaca njaji nomatsicana njite Picadaa nodejica Pirso caidalriwetsa. ¹³ Waaca matsiadalri Lrirso jliaji Iminalriti, na-Diote njaji Iraelnai caidalritsa njite caidariwetsa. Ajaca, cayoatsa wanaitjaca.