¹ Cayoji nérri ioma capisho írrao ooni, icatsa cayo noomaca Pjia nocaolre rikjoite Pjia noDiote. ² Icamitsa nomalrica norsowao jliaji Dio, jliaji Dio cafidalri. ¿Coancaojli watsa nono noemá-carro Dio ipeyajle? ³ Noiyaca caidalritsa deepi-ricó njite jalrewe-rico, niini icamitsa noiñjaca jliaji notjiafia, ima njaji nocoema naco norso, ''¿A kjerroe jliaji piDiote?'' ⁴ Inona mana njoa nocaolre-ricó nowaada cádanaco coaji piaca naapiya njaji inaiki aimadan nodee cádanacona Dio iipana lricojlena, catima nacawa nacantacayao Dio irso, aima inaiki icatimatacawa pia. ⁵ ¿Coada calretsa inonaca njoa, njite coada calretsa njorrapita? Nowapa catsa Dio naco, ima noiaji nopieta catsenakjaotsa noaca matsiadalri Dio irso ima icacatsa jliaji Iyomjetalrica njoa. ⁶ Dio, inonaca njoa panaya anji nowada cádanaco Pjia, lrinakjoite jliaji jiipana tsonitsa, nacodapidalri njaji jiipana Hermón njite Mizar tsakja. ⁷ Ooni itarraca tjewaca lricoda lriwanaca kjaida jliwacawa lrico; pjiomi ooni itjewacaca njite njaji lriñokja nanoca noikjaolre. ⁸ Mitsa jalrewe-rico Dio ikitsindatacaotsa njoa; njite deepo-ricó Lricantacanialre ikjaidataca njoa, notatjanda lriinai jliaji Dio icadalri cafi njoa. ⁹ Njite nocaiteotsa no-Diote irso, jliaji jiipada macadalri idanatacada njoa: ''¿Coada corritsa piwadaca njoa? ¿Coada inonaca njoa njerrapiteta capoa njoa njaji nocoema?'' ¹⁰ Cayoji naino capisho matseta sho noapi-ricó, icatsa cayo nacoitaca njoa njaji nocoema, njite nacaiteca njoa cayoji caidalritsa: ''¿A kjerreo jliaji piDiote?'' ¹¹ Nocafica, cotsa matsialrica noyamjetaca njowida, ¿Coada kerroa pjia nokjoete? Piwapa wia Dio nacó, ima nopieta noaca Lrirso matsiadalri tsenakja, ima icatsa jliaji iyomjetalrica njoa njite Jlia minitsa no-Dioteca.