¹ Njoa watsa icaite narso njaji inaiki matsiadalrica Pjia, no-Diote, no-Talricana; Nocaite watsia matsia Piipitana naco caidalritsa njite caidalriwenatsa. ² Jalredaoca icoam watsa nocaiteotsa matsia Pinaco; Noa watsa matsiadalri Pipitana naco caidalritsa njite caidalriwetsa. ³ Macadalrica Jliaji wa-Minalri matsiadalri paaca irso matsiadalri; macadalricani corridalri paji a kjerreca lriwayacawa. ⁴ Njaji panayaperri nawatsa matsiadalri Pinaitjaji ikjaote njite najiwatsa nanaco njaji walricomanai njite nacaite caotsa nanaco njaji Pitaitalri pinaitjaca kjaidadalri capoa Pjia. ⁵ Nowaopia watsa Pitalricanaca matsiadalri naco njite nanaco njaji pinaitjalri kjaidadalri capoa pjia. ⁶ Nacaitecaotsa narsowaca nanaco njaji Pinaitjaji corridalritsa coca itaita inaitjaca cayo Picayosho, njite njoa nocaitecaotsa Pimacadalrica naco. ⁷ Njite nja watsa icaite Pinaco matsiadalrica Pjia, njite nacanta caotsa piro corri capoa Pimatada. ⁸ Corridalritsa inaitja parso matsi jliaji wa-Minalri njite kjenadalritsa icapaca parso, wiadalri kerroacani njite corrin Lrimaodaca Lriacoam ioya. ⁹ Matsiadalrica Jliaji wa-Minalri pjiomi iapiya; Lricañjata wacapa nanaco pjiomi njaji lrinaitjalri kjena catsa lricapaca fa. ¹⁰ Naa watsa matsiadalri Pirso pjiomi njaji inaiki pinaitjaji, nacaite watsa matsia pinaco, no-Minalri, pjiomi njaji ipeyocape Pjia. ¹¹ Njaji ipeyocape Pjia nacaite watsa Pitalricanaca matsiadalri naco, nacaite tsakjaotsa Pjiida naco. ¹² Nacadaotsa naji njaji jalredaoca lricoperri nanaco njaji pinaitjaji kjaidadalri capoa Pjia Dio, nacaite tsakjaotsa coajica lrimatsiaca jliaji Pitalricanaca naco. ¹³ Corridalritsa iwayacawa jliaji Pitalricanaca, njite caidalritsa pitalricanataca nanaco njaji walricomanai. ¹⁴ Waminalri ikitsindata njaji wadeperrinatsa jiwacawa njite jlirreta tsakja njaji yaparraperrina yemacawa. ¹⁵ Pjiomi njaji iwapacape piinai; Picadaa naiñjawa jliada cádanaco naoma. ¹⁶ Picapi rikjoite pia narso jliaji canacaiperri narso njaji nafiperri nacoana. ¹⁷ Jliaji wa-Minalri corrin Lrimatadaca nanaco njaji lrinaitjalri pjiomi, njite kjenatsa Lricapaca warso nanaco njaji Lrinaitjalri pjiomi. ¹⁸ tsomitsa lriemacawa jliaji wa-Minalri narso njaji iwanacapeni ajádalri sho. ¹⁹ lricada njaji canacaiperri narso njaji inaitjacape matsia lrirso; Jlimitsa narso coajica naiyaca njite Lriyomjetana. ²⁰ Dio iwapa pjiomi njaji ipeyocapeni, mitsa lrinoca pjiomi njaji inaiki matsiperri. ²¹ Nocaiteotsa pjiomi irso coajica Lrimatsiaca jliaji no-Minalri. Picadaa naca matsiadalri Piipitana naco pjiomi njaji inaiki caidalritsa njite caidalriwenatsa.