¹ Iá matsiadalri Iminalriti irso, no-cafica, piaca Matsiadalri Iminalriti irso. ² Noaca matsiadalri no-Minalri irso pjiomi nocafica sho; nocantacaotsa no-Diote irso cafi cádanaco toa njoa. ³ Macadatsa picaolre nanaco njaji caconaperri o nanaco njaji inaikitsa, ima corrin nataita nayomjetaca. ⁴ Yami cádanaco jlirsaca caolri jliaji apada inaiki icamitsa yami cananicani, njite lridiacawa jiipai lricojle; cayo cádanaco icamitsa lriwaopiakje iwayacawa. ⁵ Matsiadalrica jliaji inaki irsocada lri-Diotewa Jacob i-Diote, lrikitsindatá carroni ima apadatsa lriwapa matsiaperri wa-Minalri Dio nacotsa. ⁶ Jliaji Iminalriti inaitja pjiomi njaji enocoma, jiipai, manoa, njite pjiomi njaji neetada; njite corrin coancaojli Lrimatada. ⁷ Lrinaitja matsia lririso jliaji njerrapitanda njite Lriaca lriñjao jliaji iomacada iñjao. Wa-Minalri iwataca njaji napapiji; ⁸ jliaji wa-Minalri imjeco natji njaji matjiperrimi; jliaji wa-Minalri imayacanta njaji icoajacaperri; jliaji wa-Minalri ipeyo njaji inaiki inaitjacape matsia. ⁹ Jliaji wa-Minalri lriwapa njaji apana inaiki jalredaoca lrico; jliatsa jirreta njaji maoñjerrinaipemi, njite njaji madoiyoanaipe; mitsa Lriema matsiperri ikjoete. ¹⁰ Corriotsa coancaojlica yamiotsa lritalricanataca Sión naco, jliaji pi-Minalri Diote, pjiomi njaji walricomanai. Iaca matsiadalri wa-Minalri irso.