¹ Dio, nocaolre imaodacatsa pinaco; nocanta caotsa, ajaca, catima nocaolre yanjí Picsada capoa lricantaca pirso. ² Icafiawa, pjia felroma, njite arpa tsakja; ima nocafiacaotsa deepi toa. ³ Noa watsa matsiadalri Pirso, pjia no-Minalro, nanakjoite njaji inaiki aimadan; nocanta caotsa Pirso napecolrico njaji apacoape jiipai jalredaoca lricoperri. ⁴ Ima macadalritsa jliaji Piacoam Pinaitjalri waapiya, macadalri pjaca naoya njaji enocoma; njite yenodalri pjaca eenocoma ioya. ⁵ NO-Diote, eenocoma icaodalri pjaca Pjia; njite Pimatsiaca ipakjantaca pjiomi jalredaoca lrico. ⁶ Pitaitácarro Piyomjetaca njaji Pipeyonipe, Piyomjeta fa Pjida kjaidadalri sho, pjiepa fa no-Minalri. ⁷ Caaco jliaji Dio marsocadalritsa imatsicanati, Lriaco cayoji: ''Nocatimatacawa cayoji; Nomjeco caotsa yamemam jliaji Siquem njite cayo tsakjaotsa Nonaitjaca jliaji jiipai pacoacaitadalri Sucot lricoda. ⁸ Noyadaca jliaji Galad njite Manase tsakja; Njowida idana shoca njaji Efraín poco; njite Judá nakjoite Notalricanataca nanaco njaji nonaikite Judá poco. ⁹ Nocotso carroitaca jliaji Moab; njite Nocadacawaca inaco notsapaon jliaji Moab. Nowacanaca kjaida njoama capoa Filistea. ¹⁰ ¿Cocaotsa idee njoa lri-ricodajle jliaji yacalre taimidalri? ¿Cocaotsa idee njoa Edom lricojle? ¹¹ Dio ¿Coada Pimenata fa? Corrinatsa pjiaca wainai wa cádanaco oowi ricó. ¹² Pikitsindata fa wacoema ikjoete, ima mikjapandalricaa atsia cada ikitsindata pja. ¹³ Fa watsa shama wacoema Dio cadaa ikitsindata fa; Jlia watsa ipjoa njaji wacoema.