¹ Pjia no-Diote, noanda irso matsiadalri, maofatsawa macotsa nooya, ² ima nainoca njoa njaji inaiki matsiperrimi njite cashaperrimi; icamitsa nacashataca nonaco caco cádanacona. ³ Nacawainita njoa njite nomotoetaca yácoti matsiperri norso, njite naino njoa mikjapantsa. ⁴ Nopeyo cadanana, mitsa nja icamitsa nanaitjaca yacoti nonaco, njite njoa nocaiteca Dio nanaco. ⁵ Nacaoña njoa matsiperri sho nonaitja capoa narso matsia, njite matsi nacapaca nopeyo capoana. ⁶ Picadaa apada iajicada lrinaco inaiki matsiadalritsa, njite picadaa lriemacawa lriyekema nacojle jliaji icaitecada lriacona maatsi. ⁷ Niini nacaite cádanacoatsa lriacona, nacaiteotsa camatsicanacani; njite nácarro lrikjoetetsa lritatja cádanaco Dio iinai. ⁸ Wadee lriofacawa aima walria jalredaoca lrico; pada jitaotsa lrioya jliaji lridejicalrem. ⁹ Wadeotsa kjanirrica njaji neenipe, njite madoiyoam-carro njaji naninai. ¹⁰ Nanó carroatsa njaji neenipe najícarroatsa natatjeta naijao caiwi ricotsa namaca cawiaca jliaji nayacalren namatsicamdam naoya. ¹¹ Nadewnda jitácarro naoya pjiomi njaji narsolri; apana inaiki jitácarro naoya pjiomi njaji narsonipe. ¹² Wade ninica apada kjenadalritsa icapacani njitetentja lrikitsindatani; wade kjenaca nacapa nenipe mjanirripemi irso. ¹³ Picadaa nawayacacawa njaji neenipe, picadaa nawadacana njaji walricomanai. ¹⁴ Piwada coanperri piaca namatsicana njaji naferrinaipe, no-Minalri,; corriotsa picadaa carroca njadoa imatsicana iñaca pioya. ¹⁵ NoMinalri iwadacaotsa caidalritsa namatsicana; corriotsa Dio icadaa nawaopia ketsa nanaco jalredaoca lrico. ¹⁶ Cayoatsa Dio inaitjaca corri capoa lrinaitja pia matsia; icamitsa lriajica lripineta njaji kjenaperritsa, njajji njerrapitetaji njite njaji canacaiperritsa irso pjiomi a kjerreca lrinona. ¹⁷ Lripeyo lricaiteca yacoti matsiperritsa apjetsoda naco, Pivcadaa nadiawa lrikjaolretsa njaji lriacoamtsa. Matsi lricapaca matsoaalri irso; nini corriotsa lrirso carroca matsiadalri. ¹⁸ lricada nacapa lrinaco imatsicanatitsa cayoji pacapa capisho apada itsayani lrinaconda. lrimatsicana iarrocawa lricaolre ricó cayoji ooni yarro capisho, aceite iarro capisho lriapi nacojle. ¹⁹ Picadaa lrimatsicanawa irroca lrinaco jalredaoca icoam cayoji patsayani irro capisho panaco, cayoji lrirso capisho cintoron. ²⁰ Icatsa njaji nomalri Dio inaitjaca narso njaji icaitecape noacona matsi, narso njaji icaitecape maatsi nonaco. ²¹ No-Minalri Dio, Picoadata njoa matsiatsa, ima matsiadalrica pjia. Ima inaitjacaitaca matsia Pjia cayoji Picaite capisho warso, Piyomjeta fa. ²² Ima kjenadalritsa njoa, canacaidalritsa irso pjiomi, aimaca njaji njotalri nocaolre inaco. ²³ Nowayacaacacawa cayoji padanapiami iwayaca capishoa jérri shewa cádanacoenawa, cayoetsa njoa tacapa itetje capissho. ²⁴ Corritsa kjaidaca njaji norsopida maiñjaca capoa njoa; opina mepe njoa. ²⁵ Matsidalrica nacapa irso njaji icaitecape noacona, nadetsicaca njewida nacapa cádanaco njoa. ²⁶ ikitsindata njoa, noMinalri Dio, Piyomjeta njoa, ima Pjia, corridaleitsa imatadaca cayoji Piaco icaite capisho warso. ²⁷ Picadaa nají Pjiaca inaitja narso cayo, njite najícarro Pjiaca iyomjeta njoa. ²⁸ Nacaite cadana matsicarro njoa, mkitsa, Pinaitja matsia, Pikitsindata njoa; pipaimanietana naoma cádanaco tja nainoca njoa, Picada nocatimatacawa, njoa Pirsodalri. ²⁹ Poicadaa nají namatsicana naco njaji nocoema; Picadaa njetacawa namatsicana sho cayoji pjeta capisho tsaya. ³⁰ Nonoma sho noa matsiadalri pekirridalri no-Minalri irso; noawatsa matsiadalri napecolrico njaji inaiki aimadan. ³¹ Ima lriemacaotsa lriyekema nakjoite lrirso jliaji canacaidalri irso pjiomi, lriyomjetá-carroni naoya njaji icaitecape lriacona maatsi.