¹ Ikitsindata njaji apjetsida corridalritsa pianjí, ima pioketa caotsa nacoadao tsenakja. ² Pia siete inaiki irso njaji pinaani, ocho inaiki irso cadaa, ima corrica pianji coandalrica matsirri inolriotsa jalredaoca lricojle. ³ Pakjmi ooni sho njaji iyadaoca, mitsa njawacatsa icadaa nétada jiwacawa jiipai nocojle, njite jliaji jaico akjerre cadatsa jliwawa, nirsetsa lriorsoawa piketem. ⁴ Jliaji yapanacaita, lriwapa cadaa lricappa a kjaiteca cadaa caolri ipjiaca corriotsa lriapanacarroca, njite jliaji iwapacada icapa iyadaoca naco wadeepe corricaotsa lriniwaca lripania. ⁵ Cayoji corri capisho pianji caolri yapowa naco, njite cayoji corrin capisho tsakja pianji coajica yempeti yapi itaoñawa jlidoa iwawa lrico toa, cayo tsakja corrin pitaita piajica Dio idejicalre naco, jliaji inaitjaca pjiomi. ⁶ Piapanaotsa piyompinaco njaji pipania; njite poiapana njaji apjetsida dainoma nacojle, pideji picapi sho naikjaote njaji canacaiperri pirso, nini pianji watsa coanperri caotsa njaji itaioñalri watsa matsia nanakjoite, njaa cadaa njaji piapanaji piyompinaco, o njaji dainomajlé perri, ima coamperri catsa nanakjoite matsiaperri minicatsa pjiomi pacoaca. ⁷ Ajádalrica matsiadalrica jliaji camarrai, metamdalri icadaca pja pacapa cádanacon. ⁸ Pada iofa cadawa aima walria jalredaoca lrico, picadaa lricatimatacawa caidalritsa caafi cádanaconi, mitsa icada lriwaopia lriajícarro coajicaotsa mayami cádanacoenaotsani, ima mayami caotsani caidalriwetsan. Ima mikjapan catsa pjiomi.l ⁹ Picatimatacawa yempeti, yempeti cádanacotoa pjia, njite picadaa catimaca picaolre piyempetica lrico toa. Pinaitja njaji picaolre iomalri pinaitjaca, pjiomi njaji picapalri pitjí sho, mitsa, pirsotsa pianjica, Dio itatja caotsa piinai nanaco pjiomi njaji pinaitjalri. ¹⁰ Pjienita picaolre ioya irroati, Macadatsa icaiyati shamaca idada, ima jliaji payempetica njite jliaji pjaida mikjapandalri catsana.