Capítulo 6 - Njaji yácoti kjaidaperri
1
Icatsa njaji yácoti kjaidaperri, paperra lriaapana nacope, Lricaiteji Jliaji Iminalri Dio inaalri njoa inaco nocanatá-carro sha, inaitjá carrotsa cayoji nacaite capisho lri-ricoda jliaji jiipai jipalrioytsa iyadawani Jordán pemajle;
2
inaitjá carroatsa matsia i-Minalri Dio irso, iwadá carroatsa nanaco njaji yácoti kjaidaperri, njaji lrinacoapana-perri nocadalri irso, irso, yenipe irso njite narso njaji idakenai, caidalritsaotsa iwadacani iofá carroatsa aima jalredaoca jecoapi ricó.
3
Niini jimi narso Irael, njite jipa irsowaona, matsia carroatsa pjia pjiomi naco njite aimaotsa irsoca njaji iomalri, lri-ricoda jliaji jiipai matsiacawa paapanaca njite pataoñacawa matsia maaficalri, cayotsaji Lricaite caite capisho yácoti ajádalri sho Jliaji IMINALRITI, na-Diote njaji jinirrinaipemi.
4
Jimi matsia sha Iraelnai: Jliaji wa-Minalri Dio, Apadalritsa.
5
Pipeyoatsa pi-Minalri Dio pjiomi piocaolre sho, picafica sho njite pjida sho tsakja.
6
Icaolre ricoatsa imatsieta njaji yácoti nocadalri irso pnanaya,
7
njite canjikje shotsaotsa icanataotsa njaji yenipe tsoperri, picaitepeotsa naapiya lrinaco piosa cádanacoatsa piipana lrico, yacayawa inipolrico, lripjeya toa imaaca njite icafia cádanaco tsakja.
8
Pipapiotsa pinapa naco pitjinada sho njite pipapi tsakja pjiwida ipamoyoaca naco.
9
Pidanaotsa pipana ipananomakja nacó njite iyacalre ipananoma naco tsakja.
10
Lridee caojli piena sha Jliaji i-Minalri Dio lri-ricoda jliaji jiipai Lricaiterri yácoti ajadalri narso njaji jinirrinaipemi Abraham , Isaacc njite Jacob; Lria caotsa narso, njite nayacalre fie macacoepe corri-perritsa inaitjajica,
11
njite aima tsakja inaaniti corri perritsa inaitjajica, ooniapji corripetsa jicajica, paniapjida corripetsa yapanajica. Pinjaotsa njite njte kepinaotsa pjia,
12
niini icapaotsa imawadaca Dio ioya jliaji jitalri sha Egipto jipaite lrikjoite, narsoperricawa pia sha.
13
Inaitjaotsa matsia i-Minalri Dio irso, iawatsa matsiadalri padatsa Lrirso njite icaiteotsa yácoti ajádalri Lriipitana naco.
14
Maomatsaotsa irsowao apana dionai, nadiote njaji inaiki iofalriwa iwaida naco;
15
ima Jliaji i-Minalri Dio iofalri ipecolrico Dio cakerriakjetecani. Corri cada shepa jliaji nocaiterri irso, icamitsaotsa i-Minalri Dio írroa ipojlia caotsa ikjoete njite Lriwayaketacaotsa sha jalredaoca ioya.
16
Maometatsa Jliaji i-Minalri Dio inaitja capisho pia Masah lricó.
17
Cayekjaotsa iofacawa nasho njaji yácoti kjaidaperri i-Minalri Dio icadaji irso, njaji Lriaco matsiaperri, njaji Lrinacoapana-perri, njaji Lricadaalri irso.
18
Inaitjaotsa njaji matsiaperritsa Dio icapa, matsia carroatsa iacawa pjiomi naco, njite itaitá carroatsa iaca lrinacojle jliaji jiipai iyada carroenani Dio icaiterri yácoti ajádalri sho jinirrinaipemi irso,
19
jitá carroatsa ioyawa pjiomi njaji icoema icapalri ipeyajle, IMINALRITI icaite capisho.
20
Njite coancaojli kenaotsa yenipe itatjaotsa jimio sha, cayoji: ''¿Coanperrio njaji yácoti kjaidaperri njite njaji lriapanaperri, njite pana pja yácoti wa-Minalri Dio inaalri inaitjaca?''
21
21Njite icaiteotsa natrso cayoji: ''Faraón irsoperri piaca fa Egipto lrico; njite wa-Minalri jita fá jlida sho Egipto ioya,
22
njite Lricadaa nacapa manaitjacanaperri, matsiaperri, cafainaperri Egipto lrico, Faraón iipana lrico, njite wacapatsa;
23
niini Lrideeca fa njite wataitá-carro wanoca ajerreji njite Lriá-carro jliaji jiipai Lricaiterri pia fanirrinaipemi irso.
24
Jliaji Iminalriti inaa wanaitjaca cayoji nacaite capisho njaji yácoti Lrinacoapana, wafió-carro wa-Minalri Dio iiwana matsiá carrotsa fa, njite wanaitja cada cayo corriotsa Lriinó carroca fa, cafin tsaotsa fa cayotsaji panaya sho.
25
Wanaitsa cada cayoji nacaite capisho njaji yácoti kjaidaperri Dio ipeyajle, Lrinaa capisho fa, icatsaotsa cayo matsiaca fa.''