¹ Njaji profetanai yenipe naako Eliseo irso: ''Jliaji panti waofalri irrikoda piinai tsocatsani niini korrica wacoa waofacawa lri-rikoda. ² Pinaitja matsiacalri picadaa waa-carro Jordán lrikojle, wayoa-carro jaiko nirse wakoanatsa, wanaitjashopa waapanawa nasho waofaa-carro lri-rikoda.'' Niini Elieseo icaite narso naa-carro lripjeya. ³ Njite pada nanakjoite yaaco Eliseo irso: ''Pinaitja matsiacalri pino wainai, faa pirsoperri.'' Niini Eliseo jiepacan, lriako: ''Ajaca, noeni iinai''. ⁴ Njite lriaca nainai, njite naoca cádanako Jordán inomapi nakojle nainita nayoaca jaiko. ⁵ Mitsa pada nanakjoite lriyoá cádanako jaiko, lri-yocan imotoa lricawana ioya niini jliwaca lrioya ooni rikojle; niini lriwanaca cjaida, lriako: ''¡Yaaa, nominalri, na-yocantsa jliaji nodejirri!'' ⁶ Niini jliaji atsia, Dio irsodalri iako: ''¿Kjerrecawa-jle jliwao?'' Niini lricañjata lricapa kjerrecawa-jleca jliwao Eliseo irso. Njité-dalri Eliseo iyuoá jaiko-pjada, lripeekoni ooni riko, njite icaamitsa lritamocao jliaji tsipalra. ⁷ Niini Eliseo iako lrirso: ''Pjipani.'' Icaamitsa lripiajletaca lricaapi jlipá carro jliaji yooca. ⁸ Aram italricanaa inoaca cádanako Irael ikjoete. Njite lritatjá jlimio nainai njaji lrirsoperri, lriako narso: ''Nirse cawa jleotsa jliaji nopana-poko.'' ⁹ Niini Eliseo imeenaca iakoti Irael italricanaa irso, cayoji: ''Picapaotsa pioyawa nirsecawa-jle, ima icatsa nirseca njaji arameonai.'' ¹⁰ Njite jliaji Irael italricanaa imeenaca lri-tsolrodaonai Eliseo icaiterri lrirso niini, ima yamapia o madalripiaca Eliseo icaite lrirso cayo, njite jliatsa jliaji talricanaati yaatsacja iwapa nirse. ¹¹ lricjaote, jliaji Aram italricanaa korrin lrianjí koanca lricjaote jliaji Eliseo icaiterri, niini lriwanaca njaji lrirsoperri, lriako narso: ''Pada inakjoite icaite akjerreca faji Irael italricanaa irso.'' ¹² Njite pada lrirsodalri iako lrirso: ''¡Korrina, talricanaati no-minalri! Niinio páda inoparrotacada Eliseo-dalri iipitana Irael riko, icatsa jliaji icaiterri Irael italricanaa irso njaji iakoti cayotsa pimotoeta capisho korri-cadanatsa koca jimi pirso.'' ¹³ Niini talricanaati iako lrirso: ''Piatja picapa kjerreca Eliseo iofaawaji nomeenacá carroatsa atsianai naacarro njepan.'' Njite naako lrirso: ''A lriofawa Dotán lriko.'' ¹⁴ Niini talricanaati imeenaca aima caballo, njite nja caballo irsocape carreta nanako, lrimeenaca tsacja aima tsolrodaonai. Naoca nirse deepi riko njite nayofieta jliaji yacaalre. ¹⁵ Niini lricafia cádanako piyompinakotoa jliaji atsia Dio irsodalri njite lrimoto pemajle panti ioya, lricapa aima tsolrodaonai caballo nakope njite nanako tsacja njaji caballo irsocape carreta nayofietaca jliaji yacaalre. Lriako jliaji lrirsodalri: ''¡Paaa, coan wanaitjaca no-minalri! ¹⁶ Njite Eliseo jiepani: ''Mafiotsawa, ima aimadan pjaca njaji wainairri naoya njaji nainaipe.'' ¹⁷ Eliseo itatja Dio iinai, lriako: ''Pjia Dio, no tatja piinai caiwirikotsa pimekó carro nja lritjí lritaitá carro lricapaca.'' Ikamina Dio imjekoca Eliseo irsodalri itjí, njite lricapaca nasho. ¡Niini lricapaca, jliaji awacada aimaca niini caballo, njite tsacja njaji aballo irsocape carreta nanako kerraperri tiyeesho, neemacawa Eliseo iwaida nako! ¹⁸ Naorroko cádanako njaji arameonai Eliseo iderse, lritatja Dio iinai, lriako: ''Piñáa natji riko njaji inaiki patjipem sho. Cayó notatjaca piinai.'' Icaamina Dio icadaa patjipem natji riko, cayotsa Eliseo itatja capisho Dio iinai. ¹⁹ Njite Eliseo iako narso njaji arameonai: ''Korritsa jliaca jliaji inipo, korri tsacja jliajca jliaji yacaalre lriofalri niini jliaji atsia ianjirri yoma. Íno noinai nodeecarro jia lriderse.'' Njite eliseo ideena Samaria lrikojle. ²⁰ Njite naoca cádanakoena Samaria lrikojle, Eliseo iako: ''Pjia Dio, pimjeko natji njaji inaiki nacapá carro.'' Niini Dio imjekoca natji njite nacapa-kena, mitsa nacapaca aca neemawa yacaalre Samaria lriko. ²¹ Niini jliaji talricanaati Irael lrikoda iako Eliseo irso lricapa cádanakona: ''¿Pjia nominalri, capja norsotsa noinocana?'' ²² Niini Eliseo iako lrirso: ''Mainotsana, ima korritsantja piinó carroca njaji pjipaji oowi riko pjiametaji pi-matsetan sho o pi-yawitjiapo sho. Pidee narso naijao, nairrao tsacja, nataitá carro naijaca, nairra tsacja nataitá carro nadiacawa na-talricanaa iderse.'' ²³ Niini jliaji talricanaati inaa nanaitjaca aima injaodati narso. Nataita caamina naijaca, nairra tsacja, jliaji talricanaati Irael rikoda icadaa nadiá carro na-talricanaa iderse tsenacja. Njite njaji tsolrodaonai arameonai, wia piatoa korrica napieta nanoca nainoaca-carro Irael ikjoete. ²⁴ Jliapodamjite jliaji, jliaji talricanaati Ben Adad, Aram italricanaa lriwaketa pjiomi njaji lri-tsolrodaonai lrinoacá carro Samaria ikjoete. Niini lridaanataca jliaji yacaalre. ²⁵ Lricjaotena, aima njerrapitaca maawitacai sho njaji Samaria lrikope. Njaji arameonai, korrin yami nadanataca jliaji yacaalre, niini nawentaca naijao burro jiwidam ochentaita palrataitape lricoada. Njite pamoyoa lripamoyoaca irso jliaji apjeco litro tsotsobo isha, icatsa nawentacan cinco palrataitape. ²⁶ Jliyapa cadanako jliaji Irael italricanaa yacaalre iwai nakó, apama iinarro iwana lricjaolre, roako lrirso: ''Pikitsindata njoa, pjia no-talricana, pjia no-minalri. ²⁷ Niini niako rorso: ''Korricadaa Dio ikitsindata pjia, ¿Koajentja nokitsindata pjia? Korrin notaita noaca pirso nanakjoite njaji komana nakolracawa lrikjoite neya, korrin tsacja jaico tjeda yaana napitsioca cawa lrikjoitena.'' ²⁸ Njite lriaco pja rorso: ¿Kocadao jliaji imalri kerroaca pjia?'' Njite roako lrirso: ''Roako norso rsoaji iinarro: picadaa wainjá carro panaya jliaji pienipe. Tjewenaotsa wainjá noyada.'' ²⁹ Niini, opi waino waijao jliaji noenipe, njite tjewaijle, noako rorso: piena norso jliaji pienipe wainó carro wainjaoni, mitsa opi rodawa roenipe noya.'' ³⁰ Niini jliaji talricanaati jlimi cádanako koanca rocaiteca rsoaji inarro, lritsafa lri-tsayani. Njite lria cádanko yacaalre iwai nako, njaji inaiki nacaa lri tsayan, jlietanda lrinakoa. Ima jlietaca lri tsayan iapjiteda tsakowanam inonaa capoa lrinjiaca-cawa. ³¹ Niini lriako jliaji talricanaati: ''Lrinoenaotsa njoa jliaji Dio, korri cadaotsa noyoa Eliseo jiwida, Safat irri jliadaa jekoapica jliaji.'' ³² Eliseo yofaa cadanawa lriipana lriko njite njaji pekipenai cakonaperri iofaa tsacja lriinai lrikodapi. Njite jliaji talricanaati lrimeenaca lrijeyawa pada atsia, mitsa lripjeya toa lriocacawa Eliseo iderse jliaji atsia talricanaati imenacanda, Eliseo iako narso njaji pekipenai cakonaperri: ''Icapa, jliaji inocaita inaiki ienipe, lrimeenaca pada lrinó carro lriyoá njowida. Lrioca cádanakoatsa jliewao, jliaji atsia lrimenacanda, iitaotsa jliaji pantinoma lridanawa, korriotsa imjekó carrocan. Njominina koanca cjaida napjoaca njaji lriminanai, inocape jliapodam. ³³ Njite caako cádanako toa Eliseo nainai njaji pekipenai, lrioca jliewao naderse jliaji atsia talricanaati imenacandalriapiya jliaji yacoto, lriako narso: ''Dio njité perri njaji maatsirri ferrapitalri. ¿Koca pjaotsa nowapalriotsa Dio ioya?''