¹ Joacim jiwajli pia, Nabucodonosor, Babilonia italricanaa, inoacawa Judá ikjoete; niini Babilonia irsodalrica Joacim madalriwalria icoa. Njité dalri Joacim iema Nabucodonosor ikjoete. ² Njite waMinalri imeenaca Joacim ikjoete aimapoco caldeonai, arameonai, moabitanai njite amonitanai tsakja; lrimeenaca Judá ikjoete nawayakeetá carroni. Cayotsa jliyapacawa Dio icaite capishopiena nanoma lrikjoite njaji lrirsoperri profetanai. ³ Ima kerroa cádanaco Dio cayo pia caacocani Judá ikjoete, lricaite cádanaco jlitacaotsana teeco corricawa jleotsa lricapana, Manases imatsicana ikjaote, njite pjiomi njaji maatsirri lrinaitjalri, ⁴ njite naikjaote njaji lrinoji mikjapantsa, ima lripakjanta piaca Jerosalén neerrana sho njaji lrinoji mikjapantsa. Niini jliaji wa-Minalri lricaite corricaotsa lricadaa jliyapacawa cayotsate jliaji lrinaitjalri. ⁵ Njite nja paana Joacim inacoapanaperri, pjiomi njaji lrinaitalri pacapacana lri-ricoda jliaji paperra icaitecada nanacoapana njaji talricanaatinai Judá lricopem. ⁶ 6Mayami Joacim lriferrinaipemi iinai, njite lrirritsa Joaquim nakja talricanaati jliapodam. ⁷ Njite jliaji Egipto italricanaa corrinatsa coancaojlinatsa lripieta lrinoacawa teeco jlipaite ioya, ima jliaji Babilonia italricanaa jiameta pjiomi njaiji jiipai Egipto italricanaa ianjimpe pia inaco, lrinakjoite jliaji onipaokja Egipto lrikjoite dalri teeco ooni macapeki Eufrate nacojle. ⁸ Joaquin irsopiakena dieciocho walria lriniita caojli pia lritalricanaataca . Madalripitsa keerri lritalricanaata piaca Jerosalén lrico. Nehusta pia jlidoa iipitana, Elnatá iito, Jerosalén lricoda. ⁹ Lrinaitja maatsi Dio ipeyajle, lrinaitja pjiomi njaji maatsirri jlinirri inaitja pialri. ¹⁰ Jliawajli pia, njaji tsolrodaonai aimadan Babilonia italricanaa, Nabucodonosor inaikite, nacorrarrata Jerosalén lriino carro njaji ninperri. ¹¹ Babilonia italricanaa, Nabucodonosor íno Jerosalén lricojle nawapa cadanani njaji lrinaikite tsolrodaonai, ¹² njite Joaquin, Judá italricanaa imoto Babilonia italricanaa ikjaolre, jliá, jlidoa, lrirsoperri, njaji iempetipe caconaperri, njite njaji caconaperri lrirso. Niini jliaji Babilonia italricanaa jipa presona ocho walria naco lri talricanaaca lrico. ¹³ Nabucodonosor idee pjiomi njaji cacoada perri Dio iipana lrikjoite, njite njaji talricanaati dapana lrikjoite perri. Lrinaa nayoaca pjepadape pjiomi njai owirro Salomón, Irael italricanaa inaalri pia nanaitjaca Dio iipana lrico. Cayotsa jliyapacao Dio ¹⁴ icaite capisho piatsa coancaotsa jliyapacao. 14Lridee pada jiipai nacojle pjiomi njaji Jerosalén lricoperri, pjiomi njaji naapiyawanai, njaji ianjicape inoacacawa oowi rico, die mil inaiki preso, pjiomi njaji cayeecaperri, njite njaji iajicape idenjica tsipalra sho. Lridee pjiomina, icaamitsa lrimacalrica njaji inaiki kjenaperri. ¹⁵ Nabucodonosor idee Joaquin Babilonia lricojle, teeco jlipaite ioya. Lridee tsakja Joaquin jidoa, lrininaipe, njaji caconaperri, njaji atsianai caconaperri njepaite rico. Lridee teecona, Jerosalén lrikjoite Babilonia lricojle. ¹⁶ Njaji inoacacaperri owi rico, siete mil namaimaca, njaji cayeca perri, njite idenjicape tsipalra, mil namaimaca, pjiomi njaji inaiki nanjíi nainoacacawa. Babilonia italricanaa idee njaji inaki njepaite ioya Babilonia lricojle. ¹⁷ Babilonia italricanaa, icadaa Joaquin jinirri werri, Matanías, jlia-carro talricanaati Jiaquin ioya. njite lricadaa Matanías iipitanawa, Sedequías nakja. ¹⁸ Sedequías irso piakena ventiun walria lriniita caojli pia lritalricanaataca; Once walria lritalricanaataca Jerosalén lrico. Hamutal pia jlidoa iipitana, Jeremía iito, Libna dalri. ¹⁹ Lrinaitja maatsi Dio ipeyajle, lrinaitja njaji imatsicanaati Joacim inaitjalri. ²⁰ Dio iirroa lrico, pjiomi njaji maatsirri nanaitjalri, nanaitjani Jerosalén lrico njite Judá tsakja, niini Lripeecona teeco lrioyana. Njite Sedequías iema Babilonia italricanaa ikjoete.