¹ Jliawajli pia caifia Ezequías, wadeepe mayamican. Niini jliaji inoparrotacaita Isaía, Amos irri, ino Ezequías iderse, njite lriaco lrirso: ''Cayo lricaiteca jliaji wa-Minalri: Picaite narso njaji piipaneta coancaotsa naofacawa; ima mayamicaotsa pjia, corriotsa caafi carroca pjia.'' ² Njite Ezequías icaboco icapa panti iwai nacojle lritatjá carro Dio iinai, lriaco: ³ Pinaitja matsiacalri no-Minalri, piwaada pjiomi coanca noanjicawa matsia Pipeyajle nocaolre rikjoite, njite piwaada tsakja naji nonaitjalri matsia pipeyajle.'' Ikena Eequías iiyaca kjaida. ⁴ Lripjeyatoa Isaía idiaca imotowa jacalrecoa nacojle, caaco tsenakja Dio lrirso, lriaco: ⁵ ''Pidia tsenakja pjiapodamrse, picaité carro Ezequías irso, jliaji nonaikite iapiyawalre, cayoji: Cayo lricaiteca jliaji wa-Minalri, pi-ferrim David iDiote: ''Njominina coanca pitatjaca noinai, nocapa tsakja pitjiafia iarrocawa. Nocadaotsa piwafeetá carro lrioya jliaji irrenati pirsolri. Madalridaa nacoatsa jalredaoca, piawatsa Dio iipana lricojle. ⁶ Nocadaotsa piofaa-carro jalredaoca lrico quince walria pja, njoyomjetaotsa pjia njite jliaji yacaalre lricaapi ioya jliaji talricanaati Asiria lricoda, njoa watsa idaanata jliaji yacaalre noikjaote njite lrikjaote jliaji norsodalri David.''' ⁷ Niini Isaía iaco lrirso: ''Jipa pada Higo iinaca.'' Njite nanaitja cayo, nacadani lriyaoni naco, njite icaamitsa matsiacani. ⁸ Njite Ezequías iaco Isaía irso: ''¿Coanjiotsa notaita noanjíica no-Minalri imatsietacaotsa njoa, njite noanjíi carro coancadanaco caotsa noawa Dio iipana lricojle madalridaa jalredaoca naco?'' ⁹ Isaía jiepani: ''Cayoatsaji Dio icadaa pianjíi, Lrinaitjacaotsa cayoji Lricaite capisho pinaco lrinaitjacaotsa. ¿Capja jliaji jeerri icanacawa idaana itaita idiacawa die tawajle lripeyajle o jliapodamrsewa? ¹⁰ Ezequías jiepani: ''Mjerrapitinatsa paomacadaa jeerri icananialre iaca lripeyajlewa ima lripeyajleca lriawa, mitsa lridiá carro jliapodamrsewa die tawajlentja, corrin pataita.'' ¹¹ Njite Isaía itatja kjaida wa-Minalri iinai, niini lridieta jliapodamrsewa jeerri icananialre idanam die tawajle, lriemalri njiteo lridieta jliapodamrsewa Acaz jirracarrona nacojle. ¹² Jliawajli pia, Berodoc Baladán, Baladán irri, Babilonia italricanaa, lrimeenaca paperra njite inaaniti macoadatsa Ezequías irso, jlimi capoa caifia piaca Ezequías. ¹³ Ezequías ilee njaji iacoti lricaiterri jliaji paperra, njite lridee njaji ideecaperri iacoti lricañjata-carro nacapa pjiomi jliaji talricanaati dapana, njaji lriitada cacoada perri, njaji palraata, owirro, pomeniajaipe, aceite matsiajaipe njite jliaji namatsietacawa njaji nainoacashopao, njite pjiomi njaji namatsietalri niini. Corrin pacapa pada corridalritsa Ezequías icañjata nacapa panti lricope, njite pjiomi lritalricanaatalri inaco. Lricañjata nacapa pjiomi. ¹⁴ Njite jliaji inoparrotacaita Isaía ino talricanaati Equeía iderse jlitatjá carro jlimioni, lriaco lrirso: ''¿Coan naaco pirso njaji atsianai? ¿Kjaité perri ino nja? Njite Ezequía iaco lrirso: ''Tekjoité perri ino, Babilonia lrikjoité perri.'' ¹⁵ Isaía itatja pja jimioni: ¿Coca pja jliaji nacapalri piipana lrico? Njite ezequía iaco lrirso: ¿Nacapa pjiomi njaji noopana lricope, corrin pacapa pada nanakjoite njaji nonaanipe cacoada perri corridalrintja nocañjata nacapa.'' ¹⁶ Niinina Isaía iaco Ezequía irso: ''Pjimi coanca Dio icaiteca: ¹⁷ Papia nacojleotsa jalredaoca, njite kjeyetsa jalredaoca cayo carroatsa jliyapacao nadeecawaotsa pjiomi Babilonia lricojle pjiomi njaji pinaani piipana lricoperri, pjiomi njaji inaaniti-dape piferrinaipemi imatsietaji teecojletsa anji, njaji pacapalri panajiete toa. Corriotsa coca namaca anjí; cayo lricaiteca jliaji wa-Minalri. ¹⁸ Njite njaji pienipe, nadeecaotsana njite nanaitjacaotsa Eunoco carrona talricanaati dapana lrico, Babilonia lricojle.'' ¹⁹ Niini Ezequías iaco Isaía irso: ''Matsia njomica coanca Dio icaiteca. ''Ima lriwaopia cayoji: ''Matsia tsaotsa njite wamawadacacaotsa waofacawa caafi cádanacotoa njoa. ²⁰ Njite njaji paana Ezequía inacoapanaperri, jliida nacoperri, coan piaca lrinaitjaca ooni iarrodao, njite ooni iarrocawa, njite coan piaca lrideeca ooni yacaalre lricojle, paoketacana lri-ricoda jliaji paperra nadanacawa nanaco njaji talricanaatinai Judá lricoperri. ²¹ Mayami Ezequíaas lriferrinaipemi iinai, njite leirri Manases nakja italricanaataca jliapodam.