¹ Njite nadalriwalria caami talricanaatica jliaji Ela irri Oseas, irael italricanaa, Ezequías, Acaz irri iniita italricanaataca. ² Lrirso piakena venticinco walria lripekirrica naco lriniita caojli lritalricanaataca, ventinoeve walria lritalricanaataca Jerosalén lrico. Abi pia jlidoa iipitana, Zacaría iito. ³ Lrinaitja matsia Dio ipeyajle, lrinaitja cayotsa lrinaitja capisho pia jliaji lriferrimi David. ⁴ Lripeeco njaji yenondalripe nanaitjaji, lripeeco tsakja njaji njerretaji jiipada, njite pjiomi njaji Asera iemacarrona. Lribitita tsakja lripeeco jliaji aapi broncepe Moisé inaitjanda pia, ima jliawajli, njaji Iraelnai namjaitaca lrirso incienso; njite nacadaa lriipitanawa ''Nehustán.'' ⁵ Dio icadaa icaolre lri-Minalri naco, na Diote njaji Iraelnai. Corri pienatsa pacapa pada jliapodam caidalriji lricayosho nanakjoite njaji talricanaatinai jliapodamperri Judá lrico, corrin tskja njaji lripjeyadapempia. ⁶ Corrim Ezequías jienawa Dio ioya, corrin yami lrinaitjaca cayoji lrioma capisho, lrinaitja cayoji nacaite capisho njaji yacoti lricadaji nanaitja-carro, njaji yacoti wa-Minalri icadaji Moisé irso. ⁷ Njite Dio ikitsindatá Ezequías, ima akjerrerse catsa lriawaji matsiatsa lriacawa. Lriema lrikjoete jliaji talricanaati Asiria lricoda, corrinatsa lrirsodalri cani. ⁸ Lrinoaca nakjoete njaji filisteonai teeco Gaza lricojle njite jlipaite iocacawa nacojle, nawapaca nakjoite yenondalri njaji iwapacaperi teeco lrinacojle jliaji yacaalre taimí dalri. ⁹ Njite coatro walria naco talricanaati caami Ezequías, njite siete walria lri talricanaaca naco jliaji talricanaati Oseas, Ela irri, Irael italricanaa, Jliaji Salmanazar, Asiria italricanaa yaa inoacawa Samaria ikjoete njite lri corrarrataca jliaji yacaalre. ¹⁰ Njite madalriwalria iwayacacao nacojle njepa narsowao jliaji yacaalre, sei walria lritalricanaaca naco jliaji Ezequías, njite noeve walria Oseas italricanaaca naco, Irael italricanaa. Cayopiatsa Asirionai jipaca narsowao jliaji yacaalre Samaria. ¹¹ Njite jliaji Asiria italricanaa ideecana njaji Iraelnai Asiria lricojle. Lricadaa naofawa Hala lrico, ooni Habor ialrapi rico Gozán lricoda, nayacalre rico njaji medonai. ¹² Dio inaitja narso cayó corri capoa njeepa na-Minalri Dio iaco, icaamitsa namatsicaca jliaji iacoti coan piaca lrinaitjaca naapiya, njite pjiomi njaji iacoti Dio irsodalri Moisé inaalri nanaitjaca. Corrim njemica, corrim tsakja njeepacani. ¹³ Njite catorce walria lri talricanaaca naco jliaji talricanaati Ezequías, Senaquerib, Asiria italricanaa, inoaca nakjoete njaji yacaalre taimí perri Judá lricope njite jlipa lrirsowaona pjiomina. ¹⁴ Niini jliaji Judá italricanaa, Ezequías, lrimeenaca iacoti lrirso jliaji Asiria italricanaa iofaacada Laquís lrico, lriaco lrirso: ''Ajádalri nomatadaca pirso. Niini coshoapa cadaa pioma nocaoñaca pirso, nocaoñaotsa, mitsa pjienawa njopaite ioya.'' Niini Asiria italricanaa itatja Ezequías iinai lricaoñá carroni nueve mil noveciento kilo palraata njite noveciento noventa kilo owirro. ¹⁵ Njite Ezequías iáa lrirso pjiomi njaji palraata Dio iipana lricoda njite namatsieta cawa lrikjoite palraata talricanaati dapana lricoda. ¹⁶ Njite Ezequías iyoá njaji owirro lrirroetaji nanaco njaji pantinoma Dio iipana lricope, jlita tsakja njaji owirro naoya njaji panti ipje jlia-carro Asiria italricanaa irso. ¹⁷ Mitsa jliaji Asiria italricanaa, lrinaa naa-carro lrikjoete naoketaaca-carroa Jerosalén lricojle njaji comandantenai Tartaán, Rabsaris njite jliaji naapiyawalre pja Laquís lricodalri natsolrodaonai aimadan iapiya. Naawa inipo lrico njite naocawa Jerosalén iwaida nacojle. Naawa lriricoda jliaji ooni iarrocawa lrico yaacadawa ooni iarrona macani nacojle. Icatsa naaca neemawa lricodapi. ¹⁸ Njite nawana cádanaco jliaji talricanaati Ezequías, Eliaquim, Hilcia irri, jliaji ianjicada lrinaco jliai talricanaati dapana, njite idanacaita Sebna tsakja njite Joa, Asaf irri, idanacaita nanacoapana, namotoa nacaodatá carrona. ¹⁹ Niini jliaji naapiyawalre comandante lricaite narso nacaite carro Ezequías irso coanca jliaji kjaidadalri talricanaati Asiria lricoda imeenaca iacoti lrirso, lriaco: ''¿Coca nacoa pikjaidatacawa? ²⁰ Mikjapantsa caacopeca pjia picaite cádanaco niinica njaji ikitsindatacaope pjia pinaitja-carro oowi nokjoete. Panaya, ¿Coca ino ikitsindata-carro pjia? ¿Coca naco picadaa piwaopiakje piema-carro nokjoete? ²¹ Picadaaca piwaopiakje lrinaco jliaji Egipto italricanaa mjaida-dalrinatsa, ima coca cadaa icadaa iwaopiakje lrinaco icaamitsaotsa lrinoacacawa jliwaacatsa. Icatsa cayoca jliaji Faraón, Egipto italricanaa, mikjapanitsa jliaji icadaalri iwaopiakje lrinaco. ²² Mitsa icaite cada norso: Faa, wacadaaca wawaopiakje wa-Minalri naco, jliaji wa Diote, ¿capja corrica opikena Ezequías ipeecolri ioya njaji njerretanda yenon yenondalripe nacope, njite lricaite narso njaji Judá lricope njite Jerosalén tsakja naa-carro matsiadalri Dio irso lrinacotsa jliaji nanaitjanda yenondalri Jerosalén lricoda? ²³ Panaya nooma nocaiteca pjia pada iacoti matsiadalri lrinakjoite dalri jliaji no-minalri, Asiria italricanaa. Noawatsa irso do mil caballo, itaita cadaa ioketaca jiecocaope nanaco. ²⁴ Corrin itaita mitsa jiamaca papoco tsolrodaonai tsooperritsa imaimaca no-minalri inaikite, icadaa cadana iwaopiakje lrinaco jliaji Egipto italricanaa lriá capoa watsa irso caballo njite inaiki jiecojicaope nanaco. ²⁵ Dio-tsa icaite warso wanó carro ajerreji wainoacá carro njite wawayaketá carro njaji inaiki aperriji. ²⁶ Njite Eliaquim, Hilcias irri, Sebna njite Joá naaco lrirso jliai comandantenai yaapiyawalre: ''Pinaitja matsiacalri, caaco pjia warso, faa pirsoperri arameonai iacolrikjoite, ima wanjitsa femicani coanshopaca. Corrin waoma caacoca pjia warso Judánai iacolrikjoite wadee njemican njaji iwapacape corrarra nacope. ²⁷ Itsa jliai comandantenai yaapiyawalre iaco narso: ''Nominalri imeenaca njoa iminalri iderse njite iderse pjiomi, nja tsakja njaji iofalriwa yacaalre icorrarran naco njemí carro njanjíi iacoti. Njaji injalriotsa icayosho imatsicanda, nairra tsacaotsa natipalree.'' ²⁸ Niini jliai comandantenai yaapiyawalre, jlinico lriemawa lriwaná carro kjaida judionai iacolrikjoite, lriaco: ''Jimi coanca lricaiteca jliaji Asiria italricanaa. ²⁹ Lriaco irso cayoji: Macadatsa Ezequías imañetaca jia, ima corriotsa lritaitá carroca lriemaca nokjoete lri-manacotaca jia. ³⁰ Macadatsa Ezequías icaiteca jia icadaa-carro icaolre Dio naco, lricaitecantja irso cayoji: ''Wa-Minalriotsa imanacota faa Asiria italricanaa ioya, njite corriotsa wacadaa-carroca wayacalre lrirso jliá carrontja ianjíi lrinaco.'' ³¹ Mjemitsa Ezequía irso, ima cayo lricaiteca jliaji Asiria italricanaa: Imaodacatsa jia, wadee iemaca nokjoete, inoena noinai. Imawadaca-carroatsa injaca njite iira tsakja ipania ianaa ikiníkerre lricope, irra-carro tsakjaotsa ionite jicaniapji lrikjoitetsa. ³² Inaitja cada cayo nodeotsa jia pada jiipai nacojle caidalritsa lricayosho jliaji jiipai iyaada. Niini cawa aima paniati, iirra cawa ipania ianaa walriajao, niinicawa aima injaodati paniati ima, niinicawa aima olivo njite mapaa tsakja, iofaacarro nirse matsia wadee mayamica jia. Mjemitsa Ezequías irso lricaite cádanco irso: ''Dio-watsa imanacota fa.'' ³³ ¿Capja niinica apada dio itaitalripa imanacotaca njaji inaiki Asiria italricanaa ioya? ³⁴ ¿Capja ianjii coanca nonaitjaca nadiote njaji Hamat njite Arfad tsakja? ¿Na diote njaji Serfavaim, Hena njite Iva tsakja? Corrin coancaojli namanacota Samaria, Asiria italricanaa ioya. ³⁵ Corrin pacapa pada dio jalredaoca lrico itaita cada imanacotaca jia nocaapi ioya. Corrin tsakja Dio itaita imanacotaca Jerosalén nocaapi ioya. ³⁶ Mitsa maacotsa njaji inaiki, corrin napeeco pada iacoti, ima jliaji talricanaati Ezequías lricaitena wadee njeepacan. ³⁷ Njite Eliaquim, Hilcia irri, jliaji ianjicada lrinaco jliai talricanaati dapana, njite idanacaita Sebna tsakja njite Joa, Asaf irri, idanacaita nanacoapana, naawa Ezequías iderse natayan tserrendalri iapiya nacaité carro jlimio coanca lricaiteca jliaji comandantenai iapiyawalre.