¹ Vente walria oonia Acaz italricanaaca naco, Judá italricanaa, Ela irri Oseas iniita italricanaataca. lritalricanaata Irael naco, Samaria lrico noeve walria oonia. ² Lrinatja maatsi wa-Minalri ipeyajle, mitsa corri-pjatsa cayocaji nacayosho njaji talricanaatinai lripjeyaperri. ³ Salmanasar, Asiria italricanaa iáa pia inoacawa Osea ikjoete, niini Salmanasar irsodalrikenakja Osea, lricaoña Salmanasar irso impoesto. ⁴ Njite jliaji talricanaati Asiria-dalri, lriá lrianjíi Osea inaitjaca iacoti dawacalritsa lrikjoete; ima Osea imeenaca pia iacoti lrirso jliaji talricanaati so, Egipto italricanaa; njite corrinatsa lricaoñaca impoesto lrirso jliaji Asiria italricanaa, cayoji lrinaitja capisho oonia icoam. Niini jliaji Asiria italricanaa ipapi osea njite jlietani talricanaati-dapana lrico. ⁵ Njite jliaji Asiria italricanaa inaitja oowi nakjoete pjiomi njaji iraelitanai njepaite rico, lriá tsakja Samaria ikjoete niini lri-corrarratacan madalriwalria icoa. ⁶ Njite noeve walria naco lri talricanaaca lrico jliaji talricanaati Oseas, jliaji Asiria italricanaa jiameta njaji Samalria lricope niini lrideecana njaji Iraelnai Asiria lricojle. Lricadaa naofawa Halah lrico, ooni Habor ialrapi rico Gozán lricoda, nayacalre rico njaji medonai. ⁷ Nadee presona nanaitja capoa maatsi na-Minalri Dio ieyajle njaji Iraelnai aimadan, jliaji jitalri piana Egipto lrikjoite, lricapi rikjoite jliaji Egipto italricanaa, Faraón, Njaji inaiki aimadan naofa pia naaca matsiadalri paana dionai irsotsa, ⁸ njite nanaitja cayoji nanaitja capisho njaji apaana inaikinai pada jiipai nakjoite perri, njaji Dio ipecolri pia Iraelnai ipeyajle, corrin tsakja nanaca napecadon njaji Iraelnai italricananai. ⁹ Njaji iraelitanai aimadan, nanaitja dawacalri ricotja nja corripetsa matsiaca na-Minalri Dio ipeyajle. Njaji iraelitanai nanaitja napananawa njaji corripetsa dioca pjiomi nayacalre rico, lrinaco jliaji yenondalri nawapa-carroda nakjoite atee lri-ricoda jliaji yacaalre taimí-dalri. ¹⁰ Njerreta tsakja nanaco njaji jiipanadape, napjite njaji jaiconape caafinepe jiipada nawaketanda yenon nacarrodao matsiadalri irso niini, njite nacadaa tsakja na diote Aserá jinapjiami. ¹¹ Icatsa namjaita manaca incienso nanaco pjiomi njaji yenondalripe, nanaitja capisho njaji apaana inaiki pada jiipai nacope, njaji Dio ipecolri pia napeyajle. Nanaitja maatsi njaji iraelitanai niini nakerroataca wa-Minalri; ¹² naa matsiadalri idolonai irso, icapiatsa Dio icaiterri piaca narso inaco wadee nanaitjaca cayo. ¹³ Wa-Minalri icaite pia Iraelnai irso njite Judá tsakja nanoma lrikjoite njaji profetanai, nacaite cádanaco narso cayoji: ''Imaca ioyawa inaitjanda maatsi, jiepa noaco matsia, icapa iicao njaji iacoti inaitja-carro cayoji nacaite capisho njaji iacoti nocadaalri nanaitjáca njaji jinirrinaipemi, njaji iacoti Nocadaalri tsakja ianjíi carro inaco nanoma lrikjoite njaji norsoperri profetanai.'' ¹⁴ Mkitsa corrim njemica lrirso; icaamitsa taarraca njewida nacayoshotsa njaji njanirrinaipemi, corrin nacadaa nacaolre ajádalri na-Minalri Dio naco. ¹⁵ Corrin njepa Lriaco matsia njite corrin tsakja njeepa jliaji iacoti lrinaitjalri pia naapiya njaji naferrinaipemi, corrin tsakja nanaitja njaji iacoti Lrinaalri nanaitjá, cayoji lricaite capisho jliaji iacoti lrinaitjalri naapiya. Icaamitsa nanaitjaca nanaitja capisho njaji inaiki miperrimtja niini nadiawa miperrim sho tsakja nacayosho. Naawa nanaikica naco njaji apaanatsa inaiki iofalri nacodapi, njaji inaiki Dio icaiterri inaco narso wadee nacapaca naicao jliaji nanaitjalri. ¹⁶ Namacoadata pjiomi njaji iacoti na-Minalri Dio icaiterri narso. Nanaitja yaamana vaken jinapjiam tsipalra sho naoda irso matsiadalri. Nanaitja tsakja roema-carronao yenondalri rsoaji nadiote Asera, njite naa tsakja matsiadalri narso njaji jiwirsida eenolricojlé perri njite Baal irso tsacja. ¹⁷ Namjaita neenipe, naitonaipe tiyee sho, nanoparrota nanjike shotsa malrirricalri sho, nacadaacawa njawacatsa nanaitja-carro pjiomi njaji maatsiperri Dio ipeyajle, niini nakerroatacani naikjaolrewani. ¹⁸ Naikjaote njaji nanaitjalri, kerroaca Dio pekirritsa nakjoete njaji Iraelnai niini corritsa lricapaca narso. Corrinatsa coca niini, icaamitsa njaji Judá poco. ¹⁹ Njaji Judábai corrin tsakja njeepa na-Minalri Dio iaco, icaamitsa nanaitjaca nacayosho njaji Iraelnai, naaca matsiadalri narso njaji macadawanaitsa. ²⁰ Niini Dio imenata lrioyao njaji Iraelnai; Lricadaa njerrapjitaca njite lricadaana nacaapi rico njaji jipacapem nayaarro nayadawa, cayotsa jlienita lriyawana niini corrinatsa lricapaca narso. ²¹ Jlienita Iraelnai wadentja David inakjoite perricatoana. Nacadaa Jeroboam, Nabat irri jliá carro natalricanaa. Niini Jeroboam idee njaji Iraelnai teeco Dio ioya njite lricadaa nanaitjaca namatsicanao pekirrídalri. ²² Njaji Iraelnai nanaitja pjiomi njaji Jeroboam ipecadoni njite corrin namacaca naoyawani, ²³ niini wa-Minalri jlienita lrioyawa njaji Iraelnai wadee lricapacani, cayotsa Lricaite capisho pia nanomalrikjoite njaaji lrirsoperri profetanai lrinaitjacaotsa cayona. Niini nadeeca njaji Iraelitanai njepaite ioya, Asiria lricojle atee caimitsa panajiete. ²⁴ Jliaji talricanaati Asiria lricoda lrideeca inaiki Babilonia lrikjoite, Cuta lrikjoite, Ava lrikjoite, Hamat lrikjoite njite Sefarvaín lrikjoite tsakja, njite lricadaa naofaa-carroa nerricoda njaji yacaalre Samaria lricope naoya njaji iraelitanai. Nja nakja iyacalreta Samaria njite pjiomi njaji apaana yacaalre. ²⁵ Nainita cádanaco naofacawa nirse, njite corrim naaca matsiadalri wa-Minalri irso. Caiyopa wa-Minalri imeenaca yaawi naikjaolre, njite nainoca apepena inaiki niini. ²⁶ Njite naaco njaji inaiki lrirso jliaji talricanaati Asiria lricoda, ''Njaji inaiki pideji tekjoite naofaa-carro nerricoda njaji yacaalre Samaria lricope corrin nanjíi coanca naaca matsiadalri lrirso jliaji dio jiipai iminalri. Caiyopa lrimeenaca yaawi naikjaolre, njite nainokena apepena nanakjoite njaji inaki, corri capoa nanji coanca naaca matsiadalri lrirso jliaji dio jiipai iminalri.'' ²⁷ Njite jliaji Asiria italricanaa inaa nanaitjaca cayoji: ''Idee pada sacerdote idenda njite, icadaotsa lriofaa-carro iinai, njiteotsa icadaa lricanantá carro jia coanca panaitjaca paa-carro matsiadalri lrirso jiaji dios jiipai iminalri.'' ²⁸ Niini nadeeca pada sacerdote nadenta pia Samaria lrikjoite nacadaa-carro lriofawa Betel lrico; niini lricanantacana coancarro narsotsa naaca matsiadalri Dio irso. ²⁹ Nacoanantja coanca naaco naoyawaca, nanaitja narsowao nadiotewa, njite nacadaana nanaco njaji yenondalripe nanaitjaji njaji samaritanonai. Cayominitsa nanaitjaca naofacawa lrico njaji inaikinai caacoperri naaco lrico nakjoetewaca. ³⁰ Njaji Babilonia lricope nanaitja nadiotewa Sucot Benot; njaji Cuta perri, nanaitja nadiotewa Nergal; njaji Hamat lricope nanaitja nadiotewa Asima; ³¹ njaji aveonai nanaitja nadiotewa Nibhaz njite Tartac. Njite njaji sefarditanai namjaita neenipe tiyee rico Adramelec irso njite Anamelec irso tsakja, nadiote njaji Sefarvaim. ³² Naa tsakja matsiadalri Dio irso, naniwana sacerdotenai nanakjoite njaji iwapacape naa-carroda matsiadalri nanatjaji yenondalri naco, nainó carro naikaote maaficalri nerricoda njaji panti naa-carroda lrico matsiadalri yenondalripe naco. ³³ Naa pia matsiadalri Dio irso mitsa naa tsakja matsiadalri nadiote aimadan irso, cayoji nanaitja capisho njaji apana inaiki njaji imotoita pialrina njepaite ioya. ³⁴ Panajiete toa jliatsa nadeeji naofaaca opidalrin ricotsa. Corri Corrim naaca matsiadalri Dio irso, corrim tsakja nanaitjaca njaji iacoti coancarro nanaitjaca, njaji iacoti Dio icaiterri, njaji iacoti ianjicape panaco panaitjá carro cayoji Dio icaite capisho lricadaalri narso njaji inaiki aimadan Jacob inakjoite perri, ³⁵ njaji Dio icadaalrinakja neepitanawa Irael, njaji Dio inaitjalri pia iapiya pada iacoti, njite lricaite pia narso ayoji: ''Maomatsa paana dionai, corrin tsakja itoda iorsipadao narso, corrin tsakja iinoca narso maaficalri.'' ³⁶ Mitsa wa-Minalri, Jliaji jitalrina jlida kjaidádalri sho Egipto lrikjoite, icatsa Jliaji irsolritsa iaca irso matsiadalri, icatsa Jliaji itodalrica irso iorsipadao, icatsa Jliaji iinolrica irso maaficalri. ³⁷ Njaji iacoti coancarro panaitjaca, njaji iacoti Dio icaiterri, njaji iacoti ianjicape panaco Dio idanalri lricadalri irso, irsitsa jiepacani caidalritsa. Niini corritsa itaita irsoca apaana idiotewa, ³⁸ njite jliaji iacoti nonaitjalri iapiya, corriotsa imacá carroca ioyawani; corriotsa irso carroca apaana idiotewa. ³⁹ Mitsa, jliaji i-Minalri Dio ianda irso matsiadalri, Jlia watsa jita jia nacaapi rikjoite njaji jipondape.'' ⁴⁰ Njaji inaiki, corrin njeepaca jliaji iacoti, icaamitsa nanaitjaca coam piaca nanaitjaca oopi. ⁴¹ Niini njaji inaiki aimadan pacoa jiipai nacope, naa matsiadalri Dio irso, mitsa naa tsakja matsiadalri nadiote irso nanaitjaji, njite njaji neenipe nanaitja tsakja cayotsa nanayosho, cayo minitsa neenipe ienipenaipe. Nanaitja cayotsa nanaitja capishopia njaji naferrinaipemi iofaaca, atee panajiete.