¹ Salomón, icapiatsa talricanaati pjiomi Irael naco. ² Njite njaji caconaaperri ikitsindatacapen icatsa njaji: Azaria, Sadoc irrí, icapaitsa sacerdoteca lrirso. ³ Njite Elihoref, Ahia tsacja njaji Sisa ienipe, icapiatsa njaji idanacape lrirso. Njite Josafat, Ahilid irrí icatsa njaji idanacape pjiomi talricanaati inacoapana. ⁴ Njite Benaia, Joiada irri icapiatsa jliaji naapiyawalreca njaji tsolrodaonai pjiomi. Njite Sadoc, Abiatar iapiya icapiatsa sacerdotenaicana. ⁵ Azaria, Natan irri icatsa caconaiteca narso njaji caconaaperri lrirsoperi. Njite jliaji sacerdote Zabud, Natan irri, icapiatsa talricanaati ikitsindajican. ⁶ Njite Ahisar, icatsa jliaji ianjiicada talricanaati iipana naco. Njite Abda, icatsa ianjicadaca nanaco njaji nacadaji irso idenjikjeti jamiñadalri. ⁷ Salomón irsopia doce caconaaperri lrirsoperri ianjiicape nanaco pjiomi njaji Iraelnai, icatsa njaji iomacapeca injaodati talricanaati irso njite narso njaji lriipaneta. Padape nanacjoite njaji doce atsianai nasopia nadeeca injaodati talricanaati irso apapi keerri icoa, papiatsa pada oonia icoam. ⁸ Icatsa neepitanaca njaji: Ben Hur. Icatsa jliaji ianjicada awacada caawa Efeaín rico, ⁹ Bendecar. Lrianjíi pia Macaz nacó, Saalbim, Bet Semes njite Elón Bet Hanan naco; ¹⁰ Ben Hesed ianjíi pia Arubót nacó (lrinjii tsacja Soco naco njite pjiomi jliaji jiipai Hefer dalri nacó tsacja); ¹¹ Ben Abinadad ianjii pia pjiomi Dor imacaiteca nacó (Abinadad, Tafat iinirri, Salomón iito); ¹² Baana, Ahilud irri ianjii pia Taanac nacó njite Meguido tsacja, njite pjiomi Bet Seán Saretán icodapi, tjewacajle rse Jezreel irso, Bet Seán nacjoite, Abel Mehola nacojle, teeco lriocawa Jocmeam pemajle; ¹³ Ben Geber ianjíi Ramot nacó Galaad dalri (lrianjii nanaco njaji yacaalre Jair iyaape Manases irrí, njaji Galaad ricope, njite lrianjíi tsacja lrinaco jliaji jiipai Argob dalri, Basán lricoda. Sesenta yacaalre macacoepe irsocape nadaana nawaida nacó njite irsocape bronce naita shopa napananoma); ¹⁴ Njite Ahinadab Iddo irri, ianjíi Mahanaim naco; ¹⁵ Ahimaas, Neftalí ricó (icatsa pada jitacada iinowa Basamat, Salomón iito); ¹⁶ Baana Husai irrí, ianjii Aser naco njite Bealot tsacja; ¹⁷ Josafat Parua irri, ianjii Isacar nacó; ¹⁸ Ela irri Simei, ianjíi Benjamin ricó; ¹⁹ njite Geber, Uri irrí, ianjii jiipai Galaad naco, jliaji jiipai Sehón iyaada, amorreonai italricanaa, njite Og, Basán italricanaa, icamipiatsa jliaca ianjíi nanaco njaji jiipai. ²⁰ Judá njite Irael tsacja aimadancana cayoji caida sho macapawan inomapi ricope. Naofa naija, nairra tsacja catiimana pjiomi. ²¹ Salomón italricanaata nanaco nja paana talricanaatinai pjiomi ooni Eufrate nacjoite njite njepaite nacojle njaji filisteonai, lriocawa Egipto inomapiana nacojle. Pjiomi njaji talricanaatinai nacaoña piani njite lrirsoperri piacana coshoca lriwiaca Salomón italricanaata piaca. ²² Nadee mana injaodati Salomón irso jalredaoca icoam treinta tambor icoa harina bitim dalri, njite treita tambor icoa tsacja harina paomedalri. ²³ Die vaaca na keepetaji, njite vente vaaca injacapetsa malritsa, cien ojeja, nadee tsacja neerri, nadee tsacja maaficalri neerri shoperritsa icapacanaa njite naapirra iarrajicape nakepetaji. ²⁴ Salomón ianjí pia nanaco njaji jiipai jerri imoto kemjeteo ooni Eufrate irso, Tifsa nacjoite teeco jlinaa Gaza nacojle, nanaco pjiomi njaji talricanaatinai lrinacojliemape lrirso jliaji ooni Eufrate, njite corri lriema cantja nacjoete njaji iofaacapewa lricodapi. ²⁵ Judá njite Irael tsacja matsiá naofaacawa, nacoanaa naofaa namaodacatsa napania capjene iapjite, Dan nacjoite Beerseba nacojle. Cayomitsa Salomón caojli talricanaati. ²⁶ Salomón irso pia cuarenta mil nataoñacawa lrico caballo lri roetaope inaco nacarretaniwa, doce mil inaiki jiecojicaope nanaco. ²⁷ Icatsa njaji caconaaperri icapacape talricanaati Salomon injaope naco njite narso njaji talricanaati inaiji nainjá carro lriinai nacoanaa. Corri nacadaa cocacantja canacai narso. ²⁸ Nadee tsacja injaodati narsowao naapana lricojle njite malritsi nacaballon irso njaji nerroataji irso carreta njite narso njaji mashocapetsa njecoji inaco, nacoanaa nadeeca natita cawa nadeeca. ²⁹ Dio icadaa Salomón ianjiikjeo pekirridalri, corri jirrapitinaaca lrirso lrianjíi carro cocacatsan. Pekirrí dalri inajiikje cayoji caida macapawan inomapi ricoda sho. ³⁰ Pekirrí dalri pja Salomón ianjíikje naoya njaji inaki iofaacape jeerri imokemjeteo, naoya tsacja njaji iofaacape Egipto lrico. ³¹ Pekirri dalri pja lrianjíikje naoya nja paana atsianai, Jorre pja Etán ioya Ezraita tairri, Hemán ioya, Carcol ioya njite Dasda ioya, njaji Mahol ienipenaipe, njite nanjiica lrinaco pjiomi njaji pada jiipai nacope iofaawa lricodapi perri. ³² Lridana tre mil proverbio njite mil cinco canción. ³³ Lricaite coanperrica njaji jaico, nacjoite njaji cedro Libano lricoda njite nanaco njaji jaico miperimtsa. Lricaite tsacja coanca nanaco njaji maaficalri, wipjiarro, maaficalri itsoetaaca cape iacawa njite nanaco nja copje tsacja. ³⁴ Nano njaji inaiki pada jiipai nacope njemí carro Salomón ianjíikje. Nano tsacja njaji talricanaatinai tekjoitépe njemi capoa lrinajiikje nacó.